Zozie 7:2 - NYANMIƐN NDƐ'N 1998

² Kɛ Zozie'm be o Zeriko lɔ'n, ɔ sunmannin sran mun Ai lɔ. Klɔ sɔ'n wo Betɛl i wia afiliɛ lɔ, Bɛt-Avɛn klɔ'n i wun lɛ. Ɔ sunmannin be kɛ be ko kpla lika'n nian. Be ɔli, be bali.

Zozie 7:2 Iomraidhean Croise

Bo Bolɛ 12:8

Kpɛkuun ɔ tuli i nanmue'n nun lɛ ɔli oka-oka'm be nun Betɛl i bue ng'ɔ kpɛ wia afiliɛ lɔ'n nun. Ɔ ko kplɛnnin i tannin sua'n Betɛl nin Ai be afiɛn: Betɛl'n wo wia atɔliɛ, yɛ Ai'n kusu wo wia afiliɛ. Ɔ wa kplannin Nyanmiɛn i sɔwlɛ uflɛ lɛ mɛnnin i nan ɔ'a bo a flɛ i ɔ'a srɛ i.

Bo Bolɛ 28:19

Ɔ flɛli lika sɔ'n kɛ Betɛl, sanngɛ laa be flɛ lika sɔ'n kɛ Liz.

1 Famiɛn Mun 12:29

Ɔ fali kun sieli i Betɛl, yɛ ɔ fali kun sieli i Dan.

Neemi 11:31

Bɛnzamɛn akpasua sufuɛ'm be trannin Gɛba, nin Mikmas, nin Aza, nin Betɛl ɔ nin klɔ nga be o i asa'n su'n,

Nyanndra Mun 20:18

Like nga be waan be ´yo'n, be fa akunndan sran sa nun yɛ be yo-ɔ ɔ yo kpa-a. Be fa akunndan yɛ be kɔ alɛ kunlɛ nin-ɔn.

Nyanndra Mun 24:6

Sɛ a ´kɔ alɛ kunlɛ'n, nian ɔ́ wun kpa. Sɛ a usa ngwlɛlɛ afɛ sran sunman sa nun'n yɛ a nyan jranwlɛ-ɔ.

Ezai 10:28

Izraɛlfuɛ'm be kpɔfuɛ'm be juli Azat lɛ, be sinnin Migrɔn lɛ, be yacili be trɔ mun Mikmas lɛ.

Zeremi 49:3

«Ɛsbɔnfuɛ mun, amun `sun, b'a nunkun Ai klɔ'n. Rabat asa'n su klɔ mun, an `kpan kɛ: ‹Be `de ye o, be `de ye o! Amun `wla bajɛ tralɛ, amun `yi ngwlɛ sɛ b'ɔ o amun su'n ti.› Be su fa Milkɔm nin i nyrun tranfuɛ, ɔ nin i famiɛn i awlo lɔ sran dandan mun be ´kɔ kanga. An `wanndi wɔ wa, an `wanndi wɔ wa, amun `san talɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 4:15

Izraɛl, sɛ a ´si ɔ tekle'n, nán man Zida si wie. Min lika ng'ɔ o Gilgal lɔ'n, nán an wɔ lɔ, nán an wɔ be ju Bɛt-Avɛn lɔ, be ko ta nda se kɛ: «N kan Nyanmiɛn!»

Matthieu 10:16

«An `nian, amun bɔ an ti kɛ bua mun sa'n, n ´sunman amun gboklo'm be afiɛn. I sɔ'n ti, an `yo ngwlɛlɛfuɛ kɛ wuo sa, yɛ an `yo wɛtɛɛfuɛ kɛ auble sa.

Efɛzfuɛ Mun 5:15

I sɔ'n ti'n, an `nian amun nantilɛ bɔ an fa nanti'n i su kpa. Nán an yo kɛ sran b'ɔ wun-man sa wlɛ'n sa, sanngɛ an `yo ngwlɛlɛfuɛ.

Zozie 12:9

Famiɛn nga Izraɛlfuɛ'm be kwlali be'n, be klɔ mun yɛ: Zeriko, Ai b'ɔ o Betɛl wun koko lɛ'n,

Zozie 18:12

I nglo lɔ awɛ liɛ'n fɛ i Zurdɛn'n su fu Zeriko nglo lɔ lika liɛ nun, kpɛkuun ɔ sin wia atɔliɛ lɔ. Ɔ sin oka'm be afiɛn to Bɛt-Avɛn.

Zozie 2:1

I sin, Nɛn i wa Zozie sunmannin sran nnyɔn nvialiɛ nun kɛ be `fɛ i Sitim lɛ be ko kpla Kanaan mɛn'n ɔ nin Zeriko klɔ'n be nian . Nan b'a wɔ. Kɛ be juli Zeriko lɔ'n, tekle bla wie be flɛ i Raab, i awlo yɛ be ko wlu lali-ɔ.

Zozie 7:3

Be seli Zozie kɛ: «Ɔ fata-man kɛ sonja'm be kwlaa be wɔ kɛ be nin Aifuɛ mun be ´ko kun. Sran akpi nnyɔn (2.000) annzɛ akpi nsan (3.000) ju. Ai klɔ'n i su sran'm b'a sɔn-man, ɔ fata-man kɛ be kle alɛ kunfuɛ'm be kwlaa be yalɛ.»

1 Samiɛl 13:5

Filistifuɛ'm be kusu be yiali kɛ be nin Izraɛlfuɛ'm be ´kun. Bé sa nun kakaklolo'n ti akpi-akpi ablasan (30.000), nnɛn kpanngɔ fufuɛ'm be ti akpi nsiɛn (6.000), sonja'm be ka be-ɔ, ɔ ka-man, be sɔnnin kɛ jenvie nuan aunnyan sa. Be bali be wa boli be nanmue Mikmas lɛ. Mikmas klɔ'n o Bɛt-Avɛn i bue ng'ɔ kpɛ wia afiliɛ lɔ nun.

1 Samiɛl 14:23

Kɛ Anannganman man Izraɛlfuɛ'm be kwlali le kun sɔ'n nun sa. Be kunnin alɛ'n lele be kpɛli Bɛt-Avɛn klɔ'n.

1 Samiɛl 30:27

Ɔ ko mannin Betɛl, nin Ramɔt Negɛb, nin Zatir,