Zozie 7:15 - NYANMIƐN NDƐ'N 1998

¹⁵ N wa kle be nun sran nga ninnge'n wo i sa nun'n. I sɔ sran liɛ'n be wa fɛ i yi sin nun, be `yrɛ i ɔ nin i sa nun ninnge mun min ndɛ nga n kannin'n i su bɔ ɔ'a fa-man'n, ɔ nin tete b'ɔ boli i Izraɛlfuɛ'm be afiɛn'n ti.»›

Zozie 7:15 Iomraidhean Croise

Bo Bolɛ 34:7

Kɛ Zakɔb i mma yasua'm be fin blo lɔ bali bɔ be tili sa nga Sisɛm yoli'n, ɔ'a yo-man be fɛ mlɔnmlɔn. Afin wafa nga Sisɛm nin Zakɔb i wa bla'n be lali'n, nán i atin su-ɔ. Ɔ ti tete yɛ ɔ'a bo i Izraɛl mɛn'n nun-ɔn, i ti be fali ya dan kpa.

2 Samiɛl 13:13

?N ´fɛ i sɔ nyannzuɛn liɛ'n n ´kɔ nin? Ɔ kusu sɛ a yo sɔ'n, a ´kaci finfinfuɛ Izraɛl mɛn'n nun. N ´srɛ wɔ kpa ti-ɔ, ɔ li kan kle famiɛn'n. Ɔ su se-man kɛ ɔ fa-man min man-man wɔ.»

Zozie 7:11

Izraɛlfuɛ'm be yoli sa tɛ, b'a fa-man ndɛ nga n kan kleli be'n su. Be fali like nga n tanninnin be kɛ nán be fa'n. Be wuali ninnge sɔ'm be fa fiali be bɔlɛ nun.

Zozie 7:16

Nglɛmun ndɛ kpa'n, Zozie man Izraɛlfuɛ'm be wa sin jranjrannin akpasua akpasua. Zida akpasua'n yɛ Nyanmiɛn kleli-ɔ.

Jɔlɛ Difuɛ Mun 20:10

nan e ka Izraɛl akpasua'n su sran'm be ngba. Kɛ e ka sran blu'n, e `yi sran kun, kɛ e ka sran ya'n, e `yi sran blu, kɛ e ka sran akpi'n, e `yi sran ya, kɛ e ka sran akpi blu'n (10.000), e `yi sran akpi. I sɔ sran'm be ´ko kunndɛ like diwa blɛ nzrafuɛ nga b'a yia yɛ'n. Kɛ be ju wa cɛ'n, e ´tu Bɛnzamɛn klɔ nga be flɛ i Gibea'n i nunfuɛ'm be fɔ tete bɔ be boli i Izraɛl nvle nun'n ti.»

Jɔlɛ Difuɛ Mun 20:5

Gibeafuɛ'm be jasoli mín wun. Be wa bo sin yiali sua nga n la nun'n kɔnguɛ. Kunlɛ li yɛ be waan be ´kun min-ɔn. Be nin min soman'n be lali kekle nun lele ɔ wuli.

Jɔlɛ Difuɛ Mun 20:6

N fali min soman'n, n kpɛkpɛli i nun, n fɛli i nnɛn'n n ko cɛcɛli Izraɛl nvle'n kwlaa nun afin sa nga be yoli'n ti tɛ. Be boli tete Izraɛl nvle'n nun.

1 Samiɛl 26:21

Yɛ Sail seli kɛ: «Mín wa David, m'an yo sa tɛ. Bla, n yo-man wɔ sa tɛ kun, afin a buli min sran. Nanwlɛ m'an yo sinnzin, m'an fɔn dan.»