Zozie 7:12 - NYANMIƐN NDƐ'N 1998

¹² Sɛ be ka sa nga be yoli'n su'n, be su kwla jran-man be kpɔfuɛ'm be nyrun kun. Be ´wanndi sa tititi, sɛ amu'an saci-man ninnge nga n seli amun kɛ nán amun fa'n, n su jran-man amún sin kun.

Zozie 7:12 Iomraidhean Croise

Jue Mun 44:10

Sanngɛ kpɛkuun, a yi e ase, a gua e nyin ase, kɛ ye alɛ kunfuɛ'm be ´kɔ alɛ kunlɛ'n, a nun-man bé sin kun.

Jue Mun 60:10

Moab lika'n ti kɛ min kpongbo sa yɛ n wunnzin nun-ɔn. M'an fa min sa m'an sie i Edɔm lika'n su, ɔ ti min liɛ. Filistifuɛ mun, amun `bo sro be manman min.

Nyanndra Mun 28:1

Klunwifuɛ'n, sran fuɛn-mɛn i, i bɔbɔ o lɛ kpɛkuun ɔ su ´wanndi. Klun-ufuefuɛ'n i liɛ'n, ɔ lafi i wun su kɛ asɔmɔli gbanflɛn sa.

Ezai 59:2

Sanngɛ amún sa tɛtɛ'm bɔ amun yo be'n be ti kɛ talɛ yɛ ɔ ja amun nin amun Nyanmiɛn'n amun afiɛn sa. Amún sa tɛ'n ti yɛ ɔ nian-man amun nyrun nin-ɔn, i ti yɛ ɔ sie-mɛn i su ti-man ndɛ nga amun kan nin-ɔn.

Zeremi 23:33

Nan yoo: ‹Sɛ min nvlefuɛ mun annzɛ Nyanmiɛn nuan ijɔfuɛ sɔ mun annzɛ Nyanmiɛn nyrun jranfuɛ sɔ'm be nun kun usa wɔ kɛ: ?Nguɛ sa yɛ Anannganman'n ɔ'a siesie kɛ ɔ ´fa yi é su-ɔ? Kan sa sɔ'n kle be. Se be kɛ: Anannganman'n waan: N ´yi amun ase.›

Zeremi 6:8

Zerizalɛm: ‹Nian ɔ́ wun. Ɔ'a yo-man sɔ-ɔ, e nin wɔ e ´bu. N ´fa wɔ n kaci aawlɛ flɛnnɛn, sran fi su tran-man wɔ su.› »

Ndɛ Nga Nyanmiɛn I Nuan Ijɔfuɛ Oze Kannin'n 9:12

Ba kunngun nga be ´nyan be bɔ be ´ta be'n, n ´yo man ba sɔ'm be su nyan-man bé ti yo-man sran bɔ ngbɛn. N ´de be bé sa nun. Ee, cɛn nga n ko kaci mín sin n ko si be'n, be yako wie!

Abakik 1:13

Kusu wɔ bɔ a ti saun'n, a kwla nian-man sa tɛ'n. Sɛ be yo sran wie tɛtɛ'n, a kwla tran-man lɛ a fa-man ɔ nyinma a niɛn-mɛn i sa ngbɛn. ?Yɛ wuun nguɛ ti yɛ a nian sa tɛ yofuɛ sɔ'm be aeliɛ'n, bɔ a tɛ-man be su nin-ɔn? ?Kɛ klunwifuɛ'm be ´tra be bɔ be ti nanwlɛfuɛ mun bɔ be ´nunkun be'n, nguɛ ti yɛ a kan-man ndɛ nin-ɔn?

Kalɛ 14:39

Moiz ko kannin ndɛ sɔ'n kleli Izraɛlfuɛ'm be kwlaa. Bé wla boli bé wun dan kpa.

Kalɛ 14:42

Nán amun wɔ, afin Anannganman nun-man amun afiɛn kun. Nán amun wɔ nan amun kpɔfuɛ'm be kɔ kwla amun lɔ ngbɛn.

Kalɛ 14:43

Amalɛkfuɛ'm be nin Kanaanfuɛ'm be yɛ be o amun nyrun lɛ-ɔ, alɛ'n wa di amun. Afin kɛ bɔ amun kacili amún sin sili Anannganman'n ti'n, ɔ su jran-man amún sin.»

Kalɛ 14:45

Amalɛkfuɛ nin Kanaanfuɛ bɔ be tran oka-oka lika'n nun lɔ'n be jrali nan b'a kwla be kwlalɛ tɛtɛ kpa. Be fuannin be lele be ko sieli be Ɔrma lika liɛ'n nun lɔ.

Mmla'n 7:26

Tete like b'ɔ nunnunlɛ yɛ ɔ nin i fata'n, nán amun fa sie amun sua'm be nun, sɛ ɔ yo sɔ-ɔ, be ´nunnun amun wie kɛ i sa. Amun `bu ninnge sɔ mun kɛ be ti fiɛn, nán amun bu be like mlɔnmlɔn, be nin nunnunlɛ yɛ ɔ fata-a.

Zozie 6:18

Sanngɛ yo, nán amun fa like nga Anannganman waan be saci be'n be wie fi kɛ ɔ ´yo nan i sannzan ɔ'a tɔ-man Izraɛl nvle'n su'n ti.

Jɔlɛ Difuɛ Mun 16:20

Yɛ ɔ kpannin-ɔn: «Samsɔn, Filistifuɛ'm be yɛ be ba lɛ-ɔ!» Samsɔn tinngeli. Ɔ buli i kɛ ɔ wa kwla kpinndin i wun kɛ titi'n sa, afin ɔ si-man kɛ Anannganman ɔ'a jaso i sin.

Jɔlɛ Difuɛ Mun 2:14

Yɛ Anannganman ɔ wa fali ya dan kpa Izraɛlfuɛ'm bé wun nan ɔ'a man ninnge fɛnfuɛ'm be atin kɛ be `fɛn bé bo ninnge mun. Ɔ yoli man b'a kwla jran-man be kpɔfuɛ nga be mantan be lɛ'n be nyrun kun.

Jɔlɛ Difuɛ Mun 2:4

Anannganman i anz'n kannin ndɛ sɔ mun kleli Izraɛlfuɛ'm be kwlakwla. Kɛ be tili'n, yɛ woo be tɔli sunlɛ su-ɔ.

1 Samiɛl 14:38

Sail flɛflɛli nvle i su kpɛn mun i wun lɔ nan ɔ'a se be kɛ: «Amun `bu i akunndan kpa be nian sɛ sran wie yoli sa wie o.