Zozie 7:11 - NYANMIƐN NDƐ'N 1998

¹¹ Izraɛlfuɛ'm be yoli sa tɛ, b'a fa-man ndɛ nga n kan kleli be'n su. Be fali like nga n tanninnin be kɛ nán be fa'n. Be wuali ninnge sɔ'm be fa fiali be bɔlɛ nun.

Zozie 7:11 Iomraidhean Croise

2 Famiɛn Mun 18:12

Sa sɔ'n juli be su yɛlɛ kɛ b'a tie-man Anannganman be Nyanmiɛn'n i aniɛn'n. Sa sɔ'n i bo'n i wie yɛlɛ kɛ aenguɛ nga Anannganman nin be trali'n, b'a bu-mɛn i like fi, yɛ b'a fa-man ndɛ nga Anannganman i sufuɛ Moiz kan kleli be'n su. I ti b'a nian-man su b'a nanti-man.

2 Famiɛn Mun 5:24

Kɛ be juli kpɔlɛ'n su'n, Geazi fali ninnge'n ko sieli i bɔbɔ sua lɔ. Nan ɔ man sran sɔ'n b'a sa be sin.

Ezai 24:5

Sran nga be o asiɛ'n su'n be sacili i yɛlɛ kɛ be tɔnnin mmla'n, be kpɛli ndɛ nga be kan kleli be'n i wun, aenguɛ nga Anannganman nin be trali'n, b'ɔ ti blɛ'n kwlaa nun liɛ'n, b'a fɛ-mɛn i mmla'n su .

Zeremi 31:32

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ´ba'n, ɔ su yo-man kun. I sɔ aenguɛ liɛ'n be sacili i, sanngɛ kusu wuun min yɛ n ti be Min nin-ɔn.» Nga Anannganman'n kan'n yɛ ɔ o lɛ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 6:7

«Adam klɔ lɔ yɛ amun nin min buli nun-ɔn, lɛ yɛ amun kacili amun sin sili min-ɔn.

Saun Yolɛ 5:15

«Sɛ sran kun ɔ'a sunnzun-man kɛ ɔ ´yo sa tɛ, kpɛkuun ninnge nga be fa mannin min'n i wie a kɛ i sa nun'n, like ng'ɔ fata kɛ ɔ yo'n yɛ: man ɔ fa bua nene kun blɛ min. Ɔ ti i nin min e afiɛn siesielɛ like. I sɔ nnɛn liɛ'n, nán lɛ kan sa trɛn i wun. N sua nun lɔ sika'n bɔ be di su'n, man bua nene'n sɔ'n i gua'n ɔ ju nun.

Abakik 2:6

Nvle sɔ'm be ´di i asanse, tutrefuɛ sɔ'm bé wun lakaci ndɛ yɛ be ´kan-an, be sri be, be yo be finfin.» «Be ´se kɛ yoo: ‹Be nga sran'm bé bo ninnge'n yɛ be wua be fa yo be liɛ'n, bɔ sran'm be aowa'n yɛ b'a de lele'n, be yako lele. ?Nan cɛn onin ko yɛ be ´yaci i sɔ sa liɛ'n be yolɛ-ɔ?›

Zakari 5:4

Anannganman b'ɔ sie mɛn wunmuan'n wan yoo: ‹I sɔ sannzan liɛ'n, m bɔbɔ min yɛ n ´fa ba-a. Ɔ ti kɛ sin sa, ɔ ´wlu awiefuɛ nin be nga be bo min dunman be ta nda ngbɛn-ngbɛn'n bé sua'm be nun, kpɛkuun ɔ ´ka lɔ lele ɔ ´yra bé sua sɔ'm be ja mun o, be nun yɛbuɛ mun o, ɔ ´yra be kwlakwla sekeseke kpan.› »

Matthieu 22:21

Yɛ be waan: «Sezar yɛ ɔ o su-ɔ, yɛ i sanuan yɛ ɔ o su-ɔ.» Yɛ ɔ seli be kɛ: «Sɛ ɔ ti sɔ'n, an `fa ng'ɔ ti Sezar liɛ'n mɛn i, yɛ ng'ɔ ti Nyanmiɛn liɛ'n, an `fa mɛn i.»

Sa nga bé yôli'n 5:9

Yɛ Piɛr seli i kɛ: «?Nguɛ ti yɛ amún bo yoli kun bɔ an kan e Min'n i Wawɛ'n nian-an? Nian anuan nun lɛ, be nga be sieli ɔ́ wun'n be yɛ be su wlu wa lɛ-ɔ, be wa fa wɔ kusu kɔ wie.»

Mmla'n 17:2

Klɔ nga Anannganman amun Nyanmiɛn'n fa man amun'n, sɛ amun kɔ lɔ'n, atrɛkpa-a, amun nun yasua wie, annzɛ bla wie ɔ ´yo sa tɛ Anannganman amun Nyanmiɛn'n i wun, yɛ ɔ ´saci aenguɛ ng'ɔ nin amun trali'n.

Hébreu 4:13

Like fi nun-man lɛ bɔ Nyanmiɛn wun-mɛn i-ɔ. Like nga ɔ yili be'n wie fi fiɛ-mɛn i nyrun, i nyin ta be kwlaa. I ja su yɛ e kwlaa e ´kan sa nga e yoli nin-ɔn.

Zozie 23:16

Sɛ amun yaci aenguɛ nga Anannganman nin amun trali'n i mmla'n, nan sɛ amun koto ninnge'm be bo nan amun sɔ be'n, Anannganman wa fa ya dan kpa amún wun. Ɔ su sisi-mɛn i bo, ɔ ´nunnun amun mɛn klanman ng'ɔ fa mannin amun yɛ'n nun.»

Zozie 7:1

Izraɛlfuɛ'm b'a fa-man Anannganman i ndɛ'n su. Like ng'ɔ seli be kɛ nán be fa'n, be fali. Zida i awlofuɛ kun, be flɛ i Akan, Karmi wa-a. Karmi i si'n yɛlɛ Zabdi, Zabdi kusu liɛ yɛlɛ Zerak. Akan sɔ'n yɛ ɔ fali ninnge sɔ mun-ɔn, nan Anannganman ɔ'a fa ya Izraɛlfuɛ'm be wun.

Zozie 7:10

Anannganman tɛli Zozie su kɛ: «Jaso! ?Ɔ yo sɛ ti yɛ a utu ɔ nyin ase sɔ-ɔ?

Jɔlɛ Difuɛ Mun 2:20

Anannganman wa fali ya Izraɛlfuɛ'm bé wun nan ɔ'a se kɛ: «Kɛ bɔ sran nga'm be saci min aenguɛ nga e nin bé nannan mun e trali'n, bɔ b'a tie-man min aniɛn'n,

1 Samiɛl 14:38

Sail flɛflɛli nvle i su kpɛn mun i wun lɔ nan ɔ'a se be kɛ: «Amun `bu i akunndan kpa be nian sɛ sran wie yoli sa wie o.