Zozie 7:1 - NYANMIƐN NDƐ'N 1998

¹ Izraɛlfuɛ'm b'a fa-man Anannganman i ndɛ'n su. Like ng'ɔ seli be kɛ nán be fa'n, be fali. Zida i awlofuɛ kun, be flɛ i Akan, Karmi wa-a. Karmi i si'n yɛlɛ Zabdi, Zabdi kusu liɛ yɛlɛ Zerak. Akan sɔ'n yɛ ɔ fali ninnge sɔ mun-ɔn, nan Anannganman ɔ'a fa ya Izraɛlfuɛ'm be wun.

Zozie 7:1 Iomraidhean Croise

Bo Bolɛ 34:27

Zakɔb i mma nga mun be fali be nga be kunnin be'n bé bo ninnge mun. Be fɛnnin klɔ'n su ninnge'm be kwlaa be niaan bla bɔ be sokpɛli i'n ti.

2 Samiɛl 24:1

Anannganman fali ya Izraɛlfuɛ'm bé wun ekun, ɔ man David cuɛnnin sa yili bé su. Anannganman suli i bo kɛ ɔ ka Izraɛlfuɛ mun nin Zidafuɛ mun.

2 Famiɛn Mun 5:24

Kɛ be juli kpɔlɛ'n su'n, Geazi fali ninnge'n ko sieli i bɔbɔ sua lɔ. Nan ɔ man sran sɔ'n b'a sa be sin.

1 Be Nyoliɛ 21:7

Ndɛ sɔ'n ɔ'a yo-man Nyanmiɛn fɛ, nan i sa ɔ'a kan Izraɛlfuɛ mun.

2 Be Nyoliɛ 24:18

Ɔ man be yacili Anannganman be nannan'm be Nyanmiɛn'n i sua'n nun kɔlɛ. Be sɔli waka nga be takali be'n nin amuɛn mun. Anannganman fali ya dan kpa Zidafuɛ mun nin Zerizalɛmfuɛ'm be wun sa tɛ sɔ bɔ be yoli'n ti.

Ɛsdras 9:6

Yɛ n srɛli i n seli kɛ: «Min Nyanmiɛn, nyannzuɛn'n ti dan, m man mín ti'n su n nian ɔ nyrun-ɔn, ɔ yo-man ye. E sa tɛ'm b'a sɔn dan, b'a tra e su fuun! E fɔnlɛ'n ɔ'a tra fɔnlɛ su ɔ'a fu lele ɔ'a ju nyanmiɛn su lɔ.

Zɔb I Nyrɛnnɛn Wunlɛ 35:8

Sa tɛ nga a yo'n, ɔ wiengu mun yɛ a yo be-ɔ. Kpa nga a yo'n, a yo man sran mun.

Akunndanfuɛ'n 9:18

Ngwlɛlɛ'n i kpa liɛ'n, alɛ ninnge'm be to-mɛn i. Sa tɛ yofuɛ kunngba cɛ kwla saci like kpanngban.

Daniɛl 9:7

Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.

Saun Yolɛ 10:6

Moiz wa seli Aarɔn nin i klun ba yasua nnyɔn uflɛ Eleazar nin Itamar be kɛ yoo: «Nán amun yaci amún ti ndrɛ'n lɛ man ɔ yo sukusuku, yɛ nán amun titi amún wun tralɛ'm be nun. Sɛ amun yo i sɔ-ɔ, wuun amun su kunndɛ amun bɔbɔ amun wie, yɛ amun su klɔklɔ Anannganman nan ɔ `fɛ i ya'n gua Izraɛlfuɛ'm bé su. Amun `yaci amun niaan mun ɔ nin Izraɛlfuɛ'm be nun man be sun be bɔ Anannganman fa sin kunnin be'n.

Zonas 1:7

Yɛ mmeli'n i kanfuɛ'm be seli bé wun kɛ: «Amun man e tu fɔtɔ, nan e wun sran nga ti yɛ man sa kekle yɛ'n ɔ'a nyan ye'n.» Be ´tu fɔtɔ nin-ɔn ɔ'a tɔ Zonas su.

Zozie 22:16

Izraɛlfuɛ kun nga'm be kwlaa bé nuan. Be usali be kɛ: «Sa nga ti bɔ man amun fɔnnin Izraɛl Nyanmiɛn wun kɛ amun fa fɔnnin lɛ'n sa'n, e klo kɛ e ´ti nun. ?Ɔ yo sɛ yɛ man amun kacili amún sin sili i sa-a? ?Kɛ amun kplan amun tiaun Nyanmiɛn sɔwlɛ'n, nán nyin kekle yɛ amu'an yo i i su lɛ-ɔ?

Zozie 22:18

Yɛ ndɛ yɛ amu'an kaci amún sin a si Anannganman nin-ɔn. Sɛ ndɛ amun yo nyin kekle Anannganman su'n, ainman Izraɛl nvle wunmuan'n su yɛ i ya'n ɔ ´tɔ-ɔ.

Zozie 22:20

Kɛ Akan b'ɔ ti Zerak i anunman'n yoli sa tɛ'n, like ng'ɔ ti-man kɛ be fa'n b'ɔ fali'n, Izraɛl nvle wunmuan'n su yɛ Anannganman i ya'n ɔ tɔli-ɔ. Nán Akan kunngba yɛ ɔ wuli-ɔ .»