Zozie 6:9 - NYANMIƐN NDƐ'N 1998

⁹ Sran wie'm be dun mmua be nyrun, yɛ wie'm be su alaka'n su. Kɛ be ´nanti kɔ'n, wuun Nyanmiɛn nyrun jranfuɛ'm be ´bo awɛ'n.

Zozie 6:9 Iomraidhean Croise

Ezai 58:8

I liɛ'n, sɛ n ´kwla se'n, amun kpaja weiin kɛ kannin b'ɔ ta'n sa, amun kpaja kɛ nglɛmun wia'n sa, yɛ amún wun kannin'm be ´wie ndɛndɛ kpa, amun sran kpa bɔ amun ti'n, ɔ ´fite nglo weiin kpa, yɛ Anannganman bɔbɔ ɔ ´su amun su ɔ ´sasa amun .

Kalɛ 10:25

Be nga be nin Danfuɛ'm be yoli kun bɔ be nin be o Dan i flanga liɛ'n i sin'n be suli bé su. Be yɛ be cuɛn be kwlaa bé bo-ɔ. Dan i akpasua su sonja su kpɛn'n yɛlɛ Amisadai i wa Aiezɛr.

Zozie 6:10

Zozie seli sran'm be kɛ: «Nán n ti kɛ amun wie su kpan annzɛ ɔ su ijɔ. Sɛ m bɔbɔ n se kɛ: ‹Amun `kpan'n!› Amun ko kpan.»

Zozie 6:13

Nyanmiɛn nyrun jranfuɛ nso nga awɛ'n wo bé sa nun'n be sinnin Nyanmiɛn i alaka nyrun. Kɛ be ´kɔ'n, wuun be ´fita awɛ'n nun. Sran wie'm be dun mmua be nyrun, yɛ be wie'm be su alaka'n su. Kɛ be ´nanti kɔ'n, wuun awɛ'n ´tɛ.

Zozie 6:8

Be niannin ndɛ nga Zozie kan kleli be'n su be yoli. Nyanmiɛn nyrun jranfuɛ nso nga awɛ'n wo be sa nun'n be sinnin Nyanmiɛn i alaka'n i nyrun. Kɛ be ´nanti kɔ'n, wuun be ´bo awɛ'n.