Zozie 6:4 - NYANMIƐN NDƐ'N 1998

⁴ Man Nyanmiɛn nyrun jranfuɛ nso be fa awɛ nso be dun mmua Nyanmiɛn i alaka'n nyrun. I le nso su'n, amun `bo sin yia klɔ'n kpɛ nso. Kɛ amun ´nanti'n, wuun Nyanmiɛn nyrun jranfuɛ'm be ´fita awɛ nun.

Zozie 6:4 Iomraidhean Croise

Bo Bolɛ 2:3

Nyanmiɛn fali cɛn sɔ'n yoli wunmiɛn-delɛ-cɛn, ɔ sieli i ngunmin. Afin cɛn sɔ'n nun yɛ ɔ yacili mɛn'n i yilɛ junman'n dilɛ yɛ ɔ deli wunmiɛn-ɔn .

1 Famiɛn Mun 18:43

Yɛ ɔ seli i sufuɛ'n kɛ: «Fu wa nan nian jenvie'n i bue liɛ'n su lɔ.» Yɛ ɔ fuli-ɔ, ɔ niannin. I waan: «N wun-man like fi.» Eli man ɔ niannin lɔ lele sɔ kpɛ nso.

2 Famiɛn Mun 5:10

Elize yili sran kɛ ɔ ko se i kɛ: «Ko wunnzin Zurdɛn'n nun kpɛ nso, yɛ a ´yo juejue, kpɛkuun a ´yo saun.»

2 Famiɛn Mun 5:14

Naaman ɔli Zurdɛn'n su lɔ, ɔ jrali nun kpɛ nso ɔ wunnzinnin kɛ Nyanmiɛn i nuan ijɔfuɛ'n seli i kɛ ɔ yo'n sa. Yɛ i wunnɛn'n yoli weiin, ɔ kacili kɛ bakan wunnɛn sa .

2 Be Nyoliɛ 13:12

Amun `nian, Anannganman bɔbɔ dun e nyrun mmua. I nyrun jranfuɛ'm be o wa, awɛ'm be o bé sa nun, kɛ be bo'n, wuun e nin amun e su ko kun. Izraɛlfuɛ mun, nán amun nin Anannganman amun nannan'm be Nyanmiɛn'n amun kun, afin amun su nyan-man jranwlɛ.»

2 Be Nyoliɛ 20:17

Nán amun yɛ amun wa kun alɛ nga-a. Amun li amun ko jranjran, kpɛkuun amun ka amun osu nun lɛ, yɛ amun wa wun delɛ nga Anannganman ´de amun'n. Zidafuɛ mun nin Zerizalɛmfuɛ mun, nán amun sro, nán srɛ kun amun. Ainman'n, amun `ko bu be nyrun, Anannganman ´jran amún sin.› »

2 Be Nyoliɛ 20:19

I sin'n, Levifuɛ'm bɔ be ti Keat nin Kɔre be akpasua sufuɛ'n be jasoli, be mannin be nɛn'n su kpa be manmannin Anannganman b'ɔ ti Izraɛl Nyanmiɛn'n.

2 Be Nyoliɛ 20:21

Zozafat nin sran'm be kwlaa bé bo yoli kun be fali jue tofuɛ'm be nun wie mun. Be waan be `wla bé wun Nyanmiɛn sulɛ ninnge mun, be `dun mmua sonja'm be nyrun, nan be `sro jue kɛ: «Man e manman Anannganman, afin i aunnvuɛ silɛ'n wo lɛ titi.»

Zɔb I Nyrɛnnɛn Wunlɛ 42:8

I sɔ'n ti, amun `fa nannin tola nso nin bua nene nso nan amun ko to min sufuɛ Zɔb lɔ, nan amun `fa nnɛn sɔ mun amun `yi tɛ nga be yrɛ i nnɛn'n kɔlikɔli'n amun `fa kpata amún ti. Yɛ min sufuɛ Zɔb ɔ ´srɛ man amun. N ´tɛ i srɛlɛ'n su, ɔ man sinnzin bɔ amun yoli'n, n su nian-man su n yo-man amun sa. Afin amu'an kan-man mín wun ndɛ kpa kɛ min sufuɛ Zɔb i liɛ'n b'ɔ kannin'n sa.»

Ezai 27:13

I cɛn sɔ nun'n, be ´fita nnɛn wɛ dan'n nun. Yɛ be nga be sanngan Asirifuɛ'm be nun'n, ɔ nin be nga be bo sanndili Ezipt mɛn'n nun'n, be ´koto Anannganman i bo oka b'ɔ ti i liɛ'n klonglo'n b'ɔ o Zerizalɛm lɔ'n su .

Saun Yolɛ 14:16

nan ɔ `fɛ i sama tafitro fama'n bo nun nan ɔ `fa kpɛntɛn-kpɛntɛn min nyrun lɛ sɔ kpɛ nso.

Saun Yolɛ 4:6

Ɔ `fɛ i sama'n kun bo i nnɛn i mmoja'n nun, nan ɔ `fa kpɛntɛn-kpɛntɛn tannin ng'ɔ kpɛ min sua'n nun i bue ng'ɔ fite weiin nun wa'n i nun. Ɔ `yo i sɔ kpɛ nso min nyrun lɛ.

Zakari 4:2

Ɔ usa min kɛ: «?Nguɛ yɛ a wun i-ɔ?» Yɛ n waan: «Kannin siewlɛ b'ɔ ti sika ɔkwlɛ yɛ n wun i-ɔ. Kannin sɛ kun wo i ti su nglo, kpɛkuun kannin nso jinjin i ti su nglo lɔ wie, i kannin nzue sinsinwlɛ'n ti nso .

Zakari 4:6

Nan ɔ'a yiyi nun ɔ'a kle min. Yɛ ɔ seli min kɛ yoo: «Ndɛ nga Anannganman'n kan kle Zorobabɛl'n yɛ. I waan: ‹Nán kɛ ɔ wue kekle'n ti-ɔ, yɛ nan kɛ ɔ wunmiɛn dan'n ti, yɛ a kwla di junman nin-ɔn, sanngɛ min Wawɛ'n ti yɛ man a kwla di-ɔ.

Kalɛ 23:1

Balaam seli Balak kɛ ɔ `kplan tɛ yiwlɛ nso mɛn i, nan ɔ kunndɛ i su nannin tola nso nin bua nene nso.

Zozie 6:13

Nyanmiɛn nyrun jranfuɛ nso nga awɛ'n wo bé sa nun'n be sinnin Nyanmiɛn i alaka nyrun. Kɛ be ´kɔ'n, wuun be ´fita awɛ'n nun. Sran wie'm be dun mmua be nyrun, yɛ be wie'm be su alaka'n su. Kɛ be ´nanti kɔ'n, wuun awɛ'n ´tɛ.

Zozie 6:3

A nin ɔ sonja'm be kwlaa amun `bo sin yia klɔ'n, cɛn kun amun `yo i sɔ kpalɛ kun, lele cɛn nsiɛn.

Zozie 6:5

Sɛ be fita nun cuɛn i bo'n, man sran'm be kpan alɛ kpanlɛ kekle kpa! Kpɛkuun talɛ ng'ɔ sin yia klɔ'n ɔ ´bu gua. Kɛ ɔ ko bu'n, man Izraɛlfuɛ'm be wlu klɔ'n nun, sran kun `wɔ i nyrun ndɛnman su, sran kun `wɔ i nyrun ndɛnman su!»

Sa nglô yile 1:20

Nian, nzraama nso bɔ a wunnin be min sa fama nun'n, nin sika ɔkwlɛ kannin nso bɔ be jinjin lɛ'n, bé bo'n yɛ: nzraama nso'n be ti asɔnun nso'm be anz mun, yɛ sika ɔkwlɛ kannin nso bɔ be jinjin lɛ'n be ti asɔnun nso mun.»

Sa nglô yile 1:4

Min Zan n ´klɛ fluwa nga blɛ amun asɔnun nso nga amun wo Azi mɛn'n nun'n. Man Nyanmiɛn b'ɔ o lɛ'n, b'ɔ o lɛ lalaa'n, b'ɔ ´ka lɛ'n, nin i wawɛ nso bɔ be wo i bia'n i nyrun lɛ'n, ɔ nin Jésus-Krist b'ɔ kan ndɛ nanwlɛ'n, b'ɔ ti Nyanmiɛn i Wa Kpɛn bɔ i yɛ ɔ yili cɛnlɛ'n, b'ɔ sie asiɛ'n su famiɛn mun'n, be man an nyan ye, yɛ man amún wun jɔ amun fɔuun ! Jésus-Krist sɔ'n klo ye, ɔ fɛ i wun yili é ti tɛ,

Sa nglô yile 10:3

Ɔ kpan kekle kpa kɛ asɔmɔli sa. Kɛ ɔ kpannin'n, nyanmiɛn'n kpla kpɛ nso sɔli su.

Sa nglô yile 15:1

I sin n wunnin abonuan sa sroesroe dan kun ekun nyanmiɛn su lɔ. N wunnin anz nso bɔ nyrɛnnɛn kasiɛn nso'n wo bé sa nun'n. Afin be liɛ sɔ'n yɛ ɔ ti sa nga Nyanmiɛn yo i ya su'n i atabo nin-ɔn .

Sa nglô yile 15:7

Like nnan bɔ be ti kɛ nnɛn sa'n be nun kun fa sika klowa nso mannin anz nso'n. Anannganman Nyanmiɛn b'ɔ o lɛ titi'n i ya dan'n wo klowa'm be nun be yi.

Sa nglô yile 16:1

N tili sran kun nɛn kekle kpa Nyanmiɛn lika'n nun lɔ, ɔ seli anz nso'm be kɛ: «An `ko utu Nyanmiɛn i ya dan'n b'ɔ o klowa nso'n be nun'n asiɛ'n su !»

Sa nglô yile 5:1

I sin, n wunnin fluwa kun be nyɔnnyɔnnin i'n, be klɛli i klun nin i sin'n, ɔ o sran ng'ɔ ti bia'n su'n i sa fama'n nun. Be cicili i nin like nso .

Sa nglô yile 5:6

Yɛ n wunnin Bua Gbanflɛn kun ɔ jin bia'n, nin like nnan bɔ be ti kɛ nnɛn sa'n, ɔ nin kpɛnngbɛn'm be afiɛn lɛ. Ɔ ti kɛ b'a kun i sa. I wuɛ'n ti nso, yɛ i nyinma'n ti nso, be yɛ be ti Nyanmiɛn Wawɛ nso b'ɔ sunmannin be mɛn wunmuan'n nun nin-ɔn .

Sa nglô yile 8:2

N wunnin anz nso'n bɔ be jran Nyanmiɛn nyrun'n, be mannin be awɛ nso.

Sa nglô yile 8:6

Yɛ anz nso bɔ awɛ o bé sa nun'n, be mannin be awɛ'm bé su kɛ be ´bo.