Zozie 6:22 - NYANMIƐN NDƐ'N 1998

²² Zozie seli sran nnyɔn nga be ko kplali klɔ'n be kɛ: «Amun `wɔ tekle bla'n i awlo lɔ nan amun man ɔ nin i awlofuɛ'm be fite kɛ amun fua kleli i'n sa.»

Zozie 6:22 Iomraidhean Croise

2 Samiɛl 21:2

Famiɛn'n flɛli Gabaɔnfuɛ mun kɛ ɔ ´kan ndɛ ´kle be. Gabaɔnfuɛ'm be ti-man Izraɛlfuɛ . Be ti Amɔrfuɛ'm be onga. Izraɛlfuɛ'm be tali be nda laa kɛ be su kun-man be, kpɛkuun Izraɛlfuɛ mun nin Zidafuɛ mun bɔ Sail klo be dan'n ti i waan ɔ ´nunnun Gabaɔnfuɛ sɔ mun.

2 Samiɛl 21:7

Famiɛn'n sili Sail i anunman Mɛfibɔsɛt b'ɔ ti Zonatan i wa'n i aunnvuɛ nda bɔ David nin Zonatan be fali Anannganman i dunman be tali bé wiengu'n ti.

Jue Mun 15:4

Ɔ nin sran nga Nyanmiɛn a yi i blo'n bé nuan sɛ-man. Sanngɛ ɔ klo sran nga i nyin yi Nyanmiɛn'n. Sɛ ɔ ta nda wie'n, kannzɛ ɔ wa miɛn i sa kasiɛn'n, ɔ kpɛ-mɛn i ndɛ ng'ɔ kannin'n i wun.

Ezekiɛl 17:13

Ɔ fali diewa ba kun, ɔ nin i trali aenguɛ, ɔ tali nda kɛ ɔ su kpɔci-mɛn i. Ɔ fali sran kaklaakla mun ɔli mɛn'n i wun mmua

Ezekiɛl 17:16

Min Anannganman Nyanmiɛn bɔ min nyin o su'n, ndɛ nga n kan yɛ: Ɔ wa wu Babilɔni lɔ. Babilɔni famiɛn'n yɛ ɔ sieli wɔ Babilɔni lɔ-ɔ. Sanngɛ nda nga ɔ tali nin aenguɛ nga ɔ nin i be trali'n, ɔ'a di-man be su, i ti i mɛn nun yɛ ɔ wu-ɔ.

Hébreu 11:31

Nyanmiɛn su bɔ Raab b'ɔ ti tekle bla'n lafi'n ti yɛ kɛ be bɔ bé nyin yi-man Nyanmiɛn'n be wuli'n ɔ'a wu-man wie nin-ɔn, yɛlɛ kɛ be nga be ɔli be mɛn'n i kpla nianlɛ'n, ɔ sikeli be kpa .

Zozie 6:17

Klɔ sɔ'n ti Anannganman liɛ. I sɔ'n ti amun `nunnun i ɔ nin i nun ninnge'n kwlaa. Amun `yaci Raab b'ɔ ti tekle bla ɔ nin sran nga be o i awlo nun'n be kwlaa be lɛ, yɛlɛ kɛ be nga e sunmannin be kɛ be wa kpla klɔ'n, ɔ fa be fiali.

Zozie 6:23

Be ɔli nan b'a yi Raab nin i si nin i nin, nin i niaan mun, ɔ nin i awlofuɛ'm be kwlaa b'a fite. Be ko sieli be Izraɛl nanmue'n i wun koko lɔ.

Zozie 9:15

Yɛ Zozie nin be trali aenguɛ-ɔ, b'ɔ kle kɛ be ko kun-man be. Kpɛnngbɛn'm be kusu be tali be nda sɔ wie.

Jɔlɛ Difuɛ Mun 1:25

Yɛ ɔ kleli be-ɔ. Efraim nin Manase be osu'n nun sran mun bɔ be ti Zozɛf i akpasua sufuɛ'n, be kunnin klɔ'n nun sran'm be kwlaa, san bian sɔ'n nin i osufuɛ mun yɛ be yacili be lɛ-ɔ.