Zozie 6:18 - NYANMIƐN NDƐ'N 1998

¹⁸ Sanngɛ yo, nán amun fa like nga Anannganman waan be saci be'n be wie fi kɛ ɔ ´yo nan i sannzan ɔ'a tɔ-man Izraɛl nvle'n su'n ti.

Zozie 6:18 Iomraidhean Croise

2 Samiɛl 21:1

David i blɛ su'n, awe kun kpɛnnin. Ɔ dili afuɛ klonglo nsan, nan David ɔ'a srɛ Anannganman, yɛ Anannganman tɛli i su kɛ: «Sail nin i awlofuɛ'm be sran kunlɛ'n ti-ɔ. Gabaɔnfuɛ'm bɔ be kunnin be'n i ti-ɔ.»

Akunndanfuɛ'n 9:18

Ngwlɛlɛ'n i kpa liɛ'n, alɛ ninnge'm be to-mɛn i. Sa tɛ yofuɛ kunngba cɛ kwla saci like kpanngban.

Zonas 1:12

Zonas waan: «Sɛ amun ´wun kɛ jenvie'n ´go nun'n, san amu'an fa min b'a to b'a yi nun. Afin n si jrɛin kɛ min ti yɛ aunngban dan nga su kle amun yalɛ lɛ-ɔ.»

Rɔmfuɛ Mun 12:9

Nán amun sran klolɛ'n ɔ yo amún nuan bui su. An `kpɔ sa tɛ'n, nán an nian, sanngɛ like nga be ti kpa'n, man be lo amun.

2 Korɛntfuɛ Mun 6:17

I sɔ'n ti'n, e Min Nyanmiɛn seli kɛ: «An `jao be nun, nán an fa amun wun mantan be. Nán an kan fiɛn , yɛ n ´sɔ amun nun.

Efɛzfuɛ Mun 5:11

Nán amun nin be nga be fa aosin'n kata bé nyin be yo sa b'ɔ yo-man sa fi ye'n mun di, sanngɛ an `yo man be wun sa sɔ'm be wlɛ.

Mmla'n 13:17

Amun `tian sran sɔ'm bé bo ninnge'm bé nuan gua'n su, nan amun `wɔ i kwlaa nun man Anannganman amun Nyanmiɛn'n. Amun `wɔ klɔ'n nun wie. Sacilɛ nga klɔ sɔ'n fa sacili'n, man klɔ sɔ'n ɔ ka sɔ, nán man be kplɛn i uflɛ kun.

Mmla'n 23:10

Sɛ amun nin amun kpɔfuɛ mun amun ´ko kun'n nan sɛ amun kpɛ amun ngblaliɛ'n, nán amun yo man like fiɛn wie fi kan amun.

Mmla'n 7:26

Tete like b'ɔ nunnunlɛ yɛ ɔ nin i fata'n, nán amun fa sie amun sua'm be nun, sɛ ɔ yo sɔ-ɔ, be ´nunnun amun wie kɛ i sa. Amun `bu ninnge sɔ mun kɛ be ti fiɛn, nán amun bu be like mlɔnmlɔn, be nin nunnunlɛ yɛ ɔ fata-a.

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.

Zozie 7:1

Izraɛlfuɛ'm b'a fa-man Anannganman i ndɛ'n su. Like ng'ɔ seli be kɛ nán be fa'n, be fali. Zida i awlofuɛ kun, be flɛ i Akan, Karmi wa-a. Karmi i si'n yɛlɛ Zabdi, Zabdi kusu liɛ yɛlɛ Zerak. Akan sɔ'n yɛ ɔ fali ninnge sɔ mun-ɔn, nan Anannganman ɔ'a fa ya Izraɛlfuɛ'm be wun.

Zozie 7:13

Jaso, ko se Izraɛlfuɛ'm be kɛ be siesie bé wun nan e nin be `yia ainman. Se be kɛ be yo bé wun saun nan m bɔbɔ min Anannganman bɔ n ti Izraɛl Nyanmiɛn'n min wan yoo: ‹Ninnge nga n seli amun kɛ nán amun fa'n, ɔ o amun trɔ'n nun. Ɔ man amun su kwla-man amun kpɔfuɛ'm be nyrun jran, san amu'an yi ninnge sɔ mun.

Zozie 7:15

N wa kle be nun sran nga ninnge'n wo i sa nun'n. I sɔ sran liɛ'n be wa fɛ i yi sin nun, be `yrɛ i ɔ nin i sa nun ninnge mun min ndɛ nga n kannin'n i su bɔ ɔ'a fa-man'n, ɔ nin tete b'ɔ boli i Izraɛlfuɛ'm be afiɛn'n ti.»›

Zozie 7:25

Zozie seli Akan kɛ: «?Ɔ yo sɛ yɛ a kleli e nyrɛnnɛn sɔ-ɔ? Anannganman kusu wa kle wɔ nyrɛnnɛn ndɛ.» Yɛ Izraɛlfuɛ'm be kwlaa be finnin i yɛbuɛ ɔ nin i awlofuɛ mun kwlaa be kunnin be, i sin be yrali be yɛ be wɔli bé bo ninnge mun kwlaa be nun.

1 Jean 5:21

M mma mun, an `nian amún wun amuɛn'm be lika.

1 Samiɛl 15:9

Sail nin i sa nun sran'm be yacili Agag lɛ. Nannin kpakpa mun, nin bua kpakpa mun, nin nnɛn nin nannin ba nga b'a lo mun, nin ninnge nga be ti kpa mun be yacili be lɛ, b'a saci-man be. San nga bɔ be bɔn-man like fi'n, bɔ be fa-a, ɔ fa-man'n, yɛ be nunnunnin be-ɔ.