Zozie 5:14 - NYANMIƐN NDƐ'N 1998

¹⁴ Sran sɔ'n tɛli i su kɛ: «N ti-man be wie fi, n ti Anannganman i alɛ kunfuɛ'm be su kpɛnngbɛn. N julɛ yɛ.» Yɛ Zozie tɔli utuli i nyin ase nan ɔ'a se i kɛ: «Min Min, ń su o ɔ nuan'n bo.»

Zozie 5:14 Iomraidhean Croise

Bo Bolɛ 17:17

Abraam bubu guali asiɛ wun gblo, ɔ utuli i nyin ase, yɛ ɔ srili-ɔ. Ɔ seli i klun lɔ kɛ: «?Sran yasua kun di afuɛ ya kwlaa'n, ɔ kwla wu ba ekun? ?Yɛ Sara kusu bɔ ɔ'a di afuɛ ablangwlan'n, ɔ kwla wu ba ekun?»

Bo Bolɛ 17:3

Abram bubu guali asiɛ wun gblo! Ɔ utuli i nyin ase nan Nyanmiɛn'n ɔ'a se i kɛ:

2 Samiɛl 7:19

Yɛ sanngɛ min Min Anannganman, kan w'a fa ye a ju lɛ'n, ɔ ti kaan ɔ nyrun. ?Sa nga a wa yo man min osu'n nunfuɛ mun cɛn wie'n yɛ a su kɛn i ndɛ ekun-ɔn? ?Yɛ m bɔ n ti klɔ sran'n, yɛ a bo ndɛ nga su kle min-ɔn?

2 Samiɛl 7:20

?N ´se sɛ ekun, min Min Anannganman? Ɔ bɔbɔ a si min bɔ n ti ɔ sufuɛ'n.

Jue Mun 110:1

Jue nga ti David liɛ. I waan: Anannganman i nuan su ndɛ ng'ɔ kan kleli min Min'n yɛ. Ɔ seli i kɛ yo: «Tran ase mín fama su wa lele man n yi ɔ kpɔfuɛ'm be ase ɔ́ bo nan n `fa be yo ɔ́ ja siesiewlɛ .»

Jue Mun 24:10

?Wan yɛlɛ famiɛn dan sɔ'n? Famiɛn dan sɔ'n yɛlɛ Anannganman b'ɔ sie like kwlaa'n.

Ezipt Lɔ Tulɛ'n 4:10

Moiz seli Anannganman kɛ: «Min Min, n ´srɛ wɔ kpa ti-ɔ, n ti-man sran b'ɔ ti ijɔfuɛ-ɔ. N ti-man sran bɔ ijɔ nzra nun titi-ɔ, kɛ a nin min ijɔ yɛ'n bɔbɔ n tɛ o min osu'n nun. Mín nuan'n sin-man ndɛndɛ, min ijɔlɛ ti tankantankan.»

Ezipt Lɔ Tulɛ'n 4:13

Moiz waan: «N ´srɛ wɔ kpa ti-ɔ, min Min, sunman sran uflɛ.»

Ezai 55:4

N fɛ i sieli kɛ ɔ `kan min ndɛ kle nvle-nvle'm be nunfuɛ mun nan ɔ `yo mɛnmɛn'm be nyrun dunfuɛ, yɛ ɔ `sie be.

Ezai 6:8

N tili Anannganman i aniɛn'n, ɔ usali kɛ: «?Wan yɛ n ´sunmɛn i-ɔ? ?Yɛ wan yɛ ɔ ´dun mmua e nyrun-ɔn? ?Wan yɛ ɔ ´ijɔ e nuan-an?» Nan m'an tɛ su kɛ: «Min-ɔn, sunman min.»

Ezekiɛl 3:23

Yɛ n fali kongo nun atin'n yɛ n wɔli lɔ-ɔ. Anannganman'n i nyrun nyannyan ng'ɔ yili i nglo'n, ɔ ti kɛ nga n wunnin i Kɛbar nzue ba'n nuan lɔ'n sa. N tɔli yɛ n utuli mín nyin ase.

Daniɛl 10:13

Sanngɛ wawɛ ng'ɔ sasa Pɛrs famiɛn diwlɛ'n, ɔ buli min nyrun cɛn ba ablaɔn-nin-kun. Mikaɛl b'ɔ ti anz dan kun'n, ɔ wa ukali min. Yɛ n kali Pɛrs famiɛn'm bé wun lɛ lɔuun.

Daniɛl 10:21

Sran fi su uka-man min nan e nin kpɔfuɛ sɔ mun y'a kun, san anz Mikaɛl b'ɔ ti Izraɛl i sasafuɛ'n yɛ ɔ ´uka min-ɔn.› »

Daniɛl 12:1

«I blɛ sɔ nun'n, Mikaɛl b'ɔ ti anz'm be su kpɛn'n, b'ɔ sasa ɔ nvle nunfuɛ mun'n, ɔ ´ba. Blɛ sɔ'n wa yo awlaboɛ blɛ. I sɔ awlaboɛ liɛ'n, kɛ ɔ fin cɛn bɔ mɛn'n wo lɛ lele b'ɔ ´fa ju ndɛ yɛ'n, be nian wun-mɛn i sɔ le. Blɛ sɔ nun'n, ɔ nvle nunfuɛ bɔ be klɛli be dunman nguan fluwa'n nun'n be ´fite nun .

Daniɛl 8:11

Ɔ ti nyanman lele toli nyanmiɛn su lɔfuɛ'm bé su kpɛn'n i lɔ. Ɔ man be yacili tɛ nga be yi man kpɛn sɔ'n cɛn kwlakwla'n i yilɛ, nan ɔ'a yo kpɛn'n i tranwlɛ'n i fiɛn.

Saun Yolɛ 9:24

Be ´nian-an sin yɛ ɔ'a kpɛn Nyanmiɛn i sɔwlɛ'n su yɛ. Ɔ yrali tɛ nga be yrɛ i nnɛn'n kɔlikɔli'n nin tɛ nnɛn kun'm be lui'n. Kɛ Izraɛlfuɛ'm be wunnin i sɔ'n, kpɛkuun yɛ be bo be sroli woo-ɔ! Kpɛkuun yɛ be utuli bé nyin'n i ase-ɔ.

Kalɛ 16:22

Moiz nin Aarɔn be tɔli asiɛ wun, bé utuli be nyin ase, yɛ be sun flɛli Anannganman kɛ: «?Ee Nyanmiɛn, wɔ bɔ a mannin ninnge nga a yili be'm be nguan'n, sran kunngba b'ɔ yoli sa tɛ'n, i ti a ´fa ya sran'm be kwlakwla bé wun?»

Kalɛ 22:31

Bé ja nun lɛ, Anannganman tikeli Balaam i nyinma'n nan ɔ'a wun anz b'ɔ jin atin'n i afiɛn'n nin i sa nun tokofi b'ɔ nun-mɛn i bua nun'n. Kpɛkuun ɔ tɔli asiɛ wun, ɔ utuli i nyin ase.

Matthieu 22:44

‹E Min Nyanmiɛn'n seli min Min liɛ'n kɛ: Tran ase n fama su, Lele m man a ´tia ɔ kpɔfuɛ'm be su ?›

Matthieu 8:2

Kokowefuɛ kun wa kotoli i bo, ɔ srɛli i kɛ: «Nja, yaci, yo man n kokowe'n wie weiin.»

JÉSUS-CHRIST I DYASIN FE'N BO LUC KLELI'N 1:43

?Wan yɛlɛ min bɔ min Min'n i nin'n ba min wun wa-a?

JÉSUS-CHRIST I DYASIN FE'N BO LUC KLELI'N 20:42

David bɔbɔ kɛnnin Nyanmiɛn Jue fluwa'n nun kɛ: ‹E Min Nyanmiɛn'n seli min Min liɛ'n kɛ: Tran ase min fama su,

JÉSUS-CHRIST I DYASIN FE'N BO LUC KLELI'N 5:12

Kɛ Jésus o klɔ kun su'n, bian kun bɔ kokowe'n wo i wunnɛn'n kwlaa su'n, ɔ wunnin i, ɔ kotoli i bo, ɔ utuli i nyin ase, yɛ ɔ srɛli i kɛ: «Nja, yaci, yo man n kokowe'n wie weiin.»

Jean 20:28

Yɛ Tomas seli i kɛ: «Min Min, min Nyanmiɛn!»

Sa nga bé yôli'n 9:6

Sanngɛ jao wlu klɔ'n nun lɔ, be wa kle wɔ like nga a wa yo'n.»

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

Hébreu 2:10

Nanwlɛ, Nyanmiɛn b'ɔ yili like'n kwlaa bɔ i ti yɛ i kwlaa o lɛ'n, ɔ yoli sa ng'ɔ yo-ɔ ɔ nin i fata'n. Afin kɛ ɔ ´yo nan i mma kpanngban kpa b'a nyan i anyrunnyan'n wie ti, ɔ yoli man Jésus b'ɔ kpɛ atin man be nyan bé ti'n, ɔ yo sran bɔ nyrɛnnɛn b'ɔ wunnin i'n ti ɔ si atin sɔ'n kpɛ kpa.

Zozie 20:1

Anannganman seli Zozie kɛ ɔ `kan kle Izraɛlfuɛ'm be kɛ yoo: «Amun `kpa fiawlɛ klɔ nga m man Moiz kɛnnin i ndɛ kleli amun'n.

Sa nglô yile 12:7

Alɛ tɔli nyanmiɛn su lɔ. Misɛl nin i anz mun be nin dragɔn nin i anz mun be kunnin .