Zozie 4:9 - NYANMIƐN NDƐ'N 1998

⁹ Zozie man be fali yɛbuɛ blu-nin-nnyɔn ekun, nan b'a fa be a siesie be wiengu su Zurdɛn'n i afiɛn kan Nyanmiɛn nyrun jranfuɛ nga be suali Nyanmiɛn i alaka'n be jrannin lɛ'n, yɛbuɛ sɔ'm be tɛ o lɛ ndɛ.

Zozie 4:9 Iomraidhean Croise

Bo Bolɛ 26:33

Izaak tɔnnin gbo sɔ'n i dunman kɛ Siba. Siba i bo'n yɛlɛ nda talɛ. I sɔ'n ti yɛ lele ndɛ be flɛli klɔ'n kɛ Beɛr-Seba nin-ɔn.

Bo Bolɛ 28:18

Zakɔb jasoli nglɛmun ndɛ kpa nan ɔ'a fa yɛbuɛ ng'ɔ fa suɛnnin i ti'n ɔ'a taka ɔ'a man Nyanmiɛn, nan ɔ'a gua su ngo.

2 Samiɛl 4:3

afin kɛ Beerɔtfuɛ'm be wanndi ko trannin Gitaim'n, lele ndɛ be tɛ o lɔ.

1 Famiɛn Mun 18:31

Yɛ ɔ niannin Zakɔb i wa'm bé nuan'n su fali yɛbuɛ blu-nin-nnyɔn. Zakɔb yɛ Anannganman seli i kɛ: «Be wa flɛ wɔ Izraɛl» nin-ɔn .

2 Be Nyoliɛ 5:9

Waka sɔ'm be ti ndɛnndɛn. I ti sɛ a wo alaka'n i wun mmua kɛ Nyanmiɛn i lika kpa'n i anuan wun wa sa'n, a wun bé ti'n. Sanngɛ sɛ a o gua su wa'n, a wun-man be. Alaka'n kali lɛ lele ndɛ.

Ezipt Lɔ Tulɛ'n 24:12

Anannganman seli Moiz kɛ: «Fu mín sin oka'n su wa nan jran lɛ. N wa fa yɛbuɛ paplapa bɔ n klɛli mmla'm bé su'n n ´fa man wɔ, nan `fa mmla sɔ mun kle Izraɛlfuɛ mun.»

Ezipt Lɔ Tulɛ'n 28:21

Be `klɛ Zakɔb i mma blu-nin-nnyɔn'm be dunman yɛbuɛ sɔ'm bé su. Be `klɛ bé su kɛ be fa klɛ nzɔliɛ'm be su'n sa. Be `klɛ dunman kun yɛbuɛ kun su, be `klɛ kun yɛbuɛ kun su. Yɛbuɛ sɔ'm be wa yo Izraɛl akpasua blu-nin-nnyɔn'm be nzɔliɛ.

Matthieu 27:8

I sɔ'n ti, lele ndɛ be tɛ flɛ asiɛ sɔ'n Mmoja Asiɛ.

Matthieu 28:15

Sonja'm be sɔli sika sɔ'n nun nan b'a yo kɛ be kan kleli be kɛ be yo'n sa. Be ndɛ sɔ'n truli Zuif'm be nun lele fa ju ndɛ.

Mmla'n 34:6

Nan Anannganman ɔ'a sie i Moab lɔ kongo'n kun nun Bɛt-Pɛɔr ndɛnman lɛ. Sran fi ɔ'a wun-mɛn i asieliɛ'n lele ndɛ.

Zozie 24:26

Yɛ ɔ klɛli be mmla sɔ mun Nyanmiɛn i mmla fluwa'n nun. I sin, ɔ fali yɛbuɛ dan kun tɛkɛli i waka dan'n bo lɛ Anannganman i lika nun lɛ.

Zozie 4:10

Nyanmiɛn nyrun jranfuɛ nga be sua Nyanmiɛn i alaka'n, be jrannin Zurdɛn ba'n i afiɛn lele san ndɛ nga Anannganman fa wlali Zozie nuan kɛ ɔ `kan kle nzrafuɛ mun'n, be niannin i kwlaa su yoli. Ɔ man Zozie fali ndɛ nga Moiz kan kleli i'n su. Izraɛlfuɛ'm be kannin bé wun be kpɛli Zurdɛn'n.

Jɔlɛ Difuɛ Mun 1:26

Bian sɔ'n ɔ ɔli Ɛtfuɛ'm be mɛn'n nun ko kplannin klɔ kun nan ɔ'a tɔn i dunman Liz. Be tɛ flɛ i sɔ lele ndɛ.

1 Samiɛl 30:25

Kɛ ɔ fɛ i le kun sɔ nun'n, David fa kacili mmla Izraɛl lɔ. Kɛ e ´se ndɛ yɛ'n be tɛ di su.

1 Samiɛl 7:12

Samiɛl fali yɛbuɛ kun sieli i Mizpa nin Sɛn be afiɛn, kpɛkuun ɔ tɔnnin i dunman kɛ Ebɛn-Ezɛr. I waan: «Kɛ ɔ fɛ i laa lele b'ɔ ´fa ju yɛ'n Anannganman ukali ye.»