Zozie 4:7 - NYANMIƐN NDƐ'N 1998

⁷ Amun `se be kɛ: ‹Kɛ be ´fa Anannganman i alaka'n kpɛ Zurdɛn nzue'n, nzue nun'n kpɛli. Nzue'n nun kpɛli sakpa Nyanmiɛn i alaka'n i nyrun. I sɔ'n ti, yɛbuɛ sɔ'm be ti Izraɛlfuɛ'm be wla kpɛnlɛ like tititi.› »

Zozie 4:7 Iomraidhean Croise

Jue Mun 111:4

Ɔ klo kɛ be nyin ´kpɛn atrɛ ng'ɔ yi'n bé su. Anannganman yaci sa cɛ, ɔ si aunnvuɛ.

Ezipt Lɔ Tulɛ'n 12:14

Amun `fa cɛn sɔ'n amun `fa kpɛn amún wun wla. Kɛ ɔ ko ju'n, amun kwlaa amun `yia, amun `manman min Anannganman sa nga n yoli'n ti. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi. Ɔ ti mmla kun bɔ be kwla kaci-mɛn i.»

Ezipt Lɔ Tulɛ'n 28:12

Be `fa yɛbuɛ nnyɔn sɔ'm be `sie efɔd'n i nyanman b'ɔ sin be wati su'n bé su. Be ti yɛbuɛ bɔ be ti Izraɛl akpasua blu-nin-nnyɔn'm be nzɔliɛ. Be ti wla kpɛnlɛ yɛbuɛ mun. Kɛ ɔ ´yo sɔ'n, Aarɔn ´sua be dunman mun i wati su ´fa kɔ min tannin sua'n nun lɔ, kpɛkuun min Anannganman mín wla su fi-man amún su le.

Ezipt Lɔ Tulɛ'n 30:16

Blɛ bɔ ɔ́ sa ko kan Izraɛlfuɛ'm bé sa nuan sika bɔ be ´fa to be nguan'n i ti'n, fa di min tannin sua'n i nun junman. I sɔ'n nun mín wla wa kpɛn Izraɛlfuɛ'm bé su, yɛ n ´sasa be nguan'n.»

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Kalɛ 17:5

I sɔ'n, ɔ ´kpɛn Izraɛlfuɛ'm bé wla kɛ sran ng'ɔ ti-man Aarɔn i osu'n nun sran'n, ɔ lɛ-man atin kɛ ɔ yra ansans Anannganman i nyrun. Sran nga bɔ ɔ'a di-man su nan ɔ ko yo i sɔ sa'n, sa kunngba ng'ɔ juli Kɔre nin i minniɛn'm bé su'n, ɔ ´ju i su wie kɛ Anannganman man Moiz kan kleli Aarɔn'n sa.

1 Korɛntfuɛ Mun 11:24

kɛ ɔ lali Nyanmiɛn ase'n, ɔ bubuli nun, ɔ seli kɛ: «Kpaun ng'ɔ o yɛ'n ti min wunnɛn, ɔ ti amun liɛ. An `yo i kɛ nga n yo i yɛ'n sa, man amún wla kpɛn n su.»

Mmla'n 16:3

Nán amun fa kpaun nga be fali kpaun ayre wlali nun'n be di cɛn sɔ'n. Amun `di i nin kpaun nga kpaun ayre nun-man nun'n. Ɔ ti amun ndawlɛ kpaun. Amun `di i sɔ cɛn ba nso. Afin kɛ amun ´fin Ezipt mɛn'n nun lɔ amun ´ba'n, ɔ yoli kplilɛ su. Amun `di i sɔ nan amún wla kpɛn su kɛ amun fin Ezipt mɛn'n nun lɔ bali cɛn kun.

Zozie 4:6

Yɛbuɛ sɔ'm be ti kɛ nzɔliɛ sa amun afiɛn. Sɛ cɛn wie amun mma'm be usa kɛ: ‹?Yɛbuɛ nga be siesie i yɛ'n i bo'n kle sɛ?›