Zozie 4:3 - NYANMIƐN NDƐ'N 1998

³ Amun `se be kɛ be `fa yɛbuɛ blu-nin-nnyɔn Zurdɛn'n i afiɛn kan Nyanmiɛn nyrun jranfuɛ'm be jrannin lɛ'n, nan be `fɛ i sɔ yɛbuɛ liɛ mun be `guɛ i kan amun ´la lɛ ndɛ kɔnguɛ'n.»

Zozie 4:3 Iomraidhean Croise

Bo Bolɛ 28:22

Yɛbuɛ nga n tɛkɛli i yɛ'n ɔ ´kaci Nyanmiɛn i sɔwlɛ, yɛ like kwlaa ng'ɔ man min'n n ´fɛ i blusu'n m ´mɛn i.»

Jue Mun 103:2

N ´la Anannganman i ase, n wla su fi-man like ng'ɔ yo mannin min'n i wie fi su.

Jue Mun 11:4

Anannganman wo i sua b'ɔ ti i liɛ klonglo'n i nun lɔ. Anannganman i famiɛn bia'n wo nyanmiɛn su lɔ. Yɛ ɔ nian, ɔ nian sa nga klɔ sran'm be yo'n .

JÉSUS-CHRIST I DYASIN FE'N BO LUC KLELI'N 19:40

Yɛ ɔ seli be kɛ: «Sɛ be muan bé nuan'n, yɛbuɛ'm be ´kpan .»

Zozie 24:27

I sin ɔ seli Izraɛlfuɛ'm be kɛ: «Amun `nian yɛbuɛ nga kpa. Ɔ ti lalofuɛ, afin sɛ ɔ ti sran'n, wuun n ´se kɛ ɔ tili ndɛ nga Anannganman kan kleli ye'n i kwlaa. Ɔ wa yo amun lalofuɛ man amun su yaci-man amun Nyanmiɛn'n i sulɛ.»

Zozie 3:13

Kɛ Nyanmiɛn nyrun jranfuɛ nga be sua Nyanmiɛn i alaka'n bé ja ´tia Zurdɛn nun cɛ'n, nzue'n ɔ wa kpɛ. Nzue i bue ng'ɔ fin nglo lɔ'n, ɔ wa jran, ɔ ´bo kofie kunndunngluun'n kɛ b'a si i nyrun ce sa.»

Zozie 4:4

Yɛ Zozie flɛli sran blu-nin-nnyɔn nga be kpali be nin-ɔn,

Zozie 4:8

Be nga be kpali be'n be niannin ndɛ nga Zozie kan kleli be'n su. Be fali yɛbuɛ blu-nin-nnyɔn Zurdɛn'n i afiɛn kɛ Anannganman fa kan kleli Zozie'n sa. Be fali yɛbuɛ'm be ɔli kan be ´la lɛ kɔnguɛ'n, akpasua kun yɛbuɛ kun akpasua kun yɛbuɛ kun.

1 Samiɛl 7:12

Samiɛl fali yɛbuɛ kun sieli i Mizpa nin Sɛn be afiɛn, kpɛkuun ɔ tɔnnin i dunman kɛ Ebɛn-Ezɛr. I waan: «Kɛ ɔ fɛ i laa lele b'ɔ ´fa ju yɛ'n Anannganman ukali ye.»