Zozie 4:19 - NYANMIƐN NDƐ'N 1998

¹⁹ Anglo klikli'n i le blu'n su yɛ Izraɛlfuɛ'm be kpɛli Zurdɛn nin-ɔn. Be boli be nanmue'n Gilgal lɛ, Zeriko i wia afiliɛ lɔ.

Zozie 4:19 Iomraidhean Croise

2 Famiɛn Mun 2:1

Kɛ Anannganman man seke kun wa mannin Eli su'n, wafa ng'ɔ fa yoli'n yɛ. Le kun Eli nin Elize be fin Gilgal be su kɔ lika, kpɛkuun

Amɔs 4:4

«Izraɛlfuɛ mun, an `wɔ Betɛl Nyanmiɛn sua'n nun lɔ, amun li nán amun yaci amun sa tɛ'n i yolɛ. Wie kusu-ɔ, an `wɔ Gilgal Nyanmiɛn sua'n nun lɔ amun li nán amun yaci amun sa tɛ'n i yolɛ. Kɛ an ju lɔ'n, i aliɛ cɛn'n, an `yi amun tɛ mun. I le nsan su'n, an `fa amún sa nun ninnge'n i blusu'n be man min.

Amɔs 5:5

Nán amun wɔ Betɛl annzɛ Gilgal. Nán amun wɔ Beɛr-Seba Nyanmiɛn sua'n nun lɔ. Afin be wa tra Gilgalfuɛ mun be ´ko jra be mɛn uflɛ nun. Betɛl kusu ɔ wa nunnun mlɔnmlɔnmlɔn.»

Mise 6:5

Min sran mun, akunndan nga Balak b'ɔ ti Moab famiɛn'n buli i amun wun'n, nin ndɛ nga Bɛɔr i wa Balaam fa tɛli i su'n, man amun wla kpɛn su. Sunmanlɛ nga kɛ amun fɛ i Sitim lele be fa juli Gilgal bɔ n ko sunmannin amun'n, man amun wla kpɛn su. Amun wla kpɛn su kɛ ɔ ´yo nan amu'an wun aklunye nga m bɔbɔ min Anannganman n yoli amun'n ti .»

Mmla'n 1:3

Kɛ Izraɛlfuɛ'm be fin Ezipt mɛn'n nun lɔ bali'n, i afuɛ ablanan'n i anglo blu-nin-kun'n su anglo'n i cɛn ba klikli'n su'n, yɛ Moiz kannin ndɛ nga Anannganman fa wlɛli i nuan'n kleli Izraɛlfuɛ mun-ɔn.

Mmla'n 11:30

Oka sɔ'm be o Zurdɛn'n i sin lɔ wia atɔliɛ lɔ atin'n i sin lɔ. Kanaanfuɛ nga be tran Zurdɛn'n i lika kpɛtɛkplɛɛ nun'n be mɛn'n nun lɔ-ɔ. Yɛ be o Gilgal nyrun ndɛnman su lɛ Mɔre oka'm bé wun koko lɔ.

Zozie 10:43

Kɛ ɔ yoli sɔ'n, Zozie, ɔ nin Izraɛlfuɛ mun be kwlaa be sali be sin Gilgal nanmue'n nun lɔ.

Zozie 10:6

Gabaɔnfuɛ'm be mannin Zozie ngaliɛ Gilgal lɔ kɛ: «E bɔ e ti ɔ sran mun'n, e yɛ Amɔr famiɛn nga be tran oka'm be su'n b'a ju b'a gua é su yɛ. Bla ndɛndɛ bla wa uka ye, bla wa de ye!»

Zozie 15:7

Ɔ sin Nyrɛnnɛn kongo nun lɔ kɔ Debir nglo lɔ lika liɛ nun, kpɛkuun ɔ sin nglo lɔ ekun Gilgal wun lɔ Adɔmim kpɔlɛ'n i ndɛnman kongo'n i bo ngua. Kpɛkuun ɔ sin An-Semɛs nzue ti wun lɛ, ɔ to An-Rɔgɛl.

Zozie 24:11

Amun kpɛli Zurdɛn'n be bali Zeriko. Zerikofuɛ'm be nin amun kunnin. Amɔrfuɛ nin Ferezfuɛ, nin Kanaanfuɛ, nin Ɛtfuɛ, nin Girgazfuɛ, nin Evfuɛ, ɔ nin Zɛbisfuɛ mun be kusu be nin amun kunnin. N fali be kwlaa m mannin amun.

Zozie 4:18

Kɛ Nyanmiɛn nyrun jranfuɛ'm be fuli cenje'n cɛ'n, kpɛkuun yɛ Zurdɛn'n yi sinnin i osu-ɔ, ɔ su sonji kɛ laa'n sa.

Zozie 5:10

Izraɛlfuɛ'm be kali Gilgal i nanmue nun lɛ be dili Delɛ-cɛn'n anglo'n i le blu le nnan su, nnɔsua nun, lika kpɛtɛkplɛɛ ng'ɔ mantan Zeriko lɛ'n nun.

Zozie 5:9

Yɛ Anannganman seli Zozie kɛ: «Ndɛkɛn'n nyannzuɛn nga amun fa fin Ezipt'n, m'an yi i amun su.» I ti yɛ be flɛli lika sɔ'n kɛ Gilgal nin-ɔn. Dunman sɔ'n yɛ ɔ tɛ o i su lele ndɛ-ɔ.

Zozie 9:6

Be ɔli Gilgal nanmue nun lɔ nan b'a se Zozie nin Izraɛlfuɛ mun kɛ: «E fin mɛn kun b'ɔ o mmua kpa'n nun. E klo kɛ e nin amun ´tra aenguɛ.»

1 Samiɛl 10:8

I sin, dun mmua min nyrun Gilgal lɔ, n wa to wɔ lɔ. N ´yi tɛ nga be yra be nnɛn'n kɔlikɔli'n ɔ nin bo kun yolɛ i su tɛ mun. Minndɛ min le nso man n kan like ng'ɔ fata kɛ a yo'n n kle wɔ.»

1 Samiɛl 15:33

Yɛ Samiɛl seli i kɛ: «Kɛ a kunnin sran mun bɔ be fili bé nin'm be sa'n, i kunngba nin-ɔn, a wa fi ɔ nin liɛ'n i sa kusu.» Yɛ Samiɛl jɔjɔli i nun Nyanmiɛn sua ng'ɔ o Gilgal lɛ'n nun-ɔn.