Zozie 4:14 - NYANMIƐN NDƐ'N 1998

¹⁴ I le kun sɔ'n nun Anannganman mannin Zozie kɔmin su Izraɛlfuɛ'm be nyrun. Kɛ ɔ fin i lɛ'n, bé nyin yili i tititi kɛ be nyin fa yili Moiz'n sa.

Zozie 4:14 Iomraidhean Croise

1 Famiɛn Mun 3:28

Izraɛlfuɛ'm be kwlaa be tili ndɛ sɔ'n bɔ famiɛn'n ɔ kpɛli nun klanman'n, ɔ man bé nyin yili i, afin be wunnin i kɛ Nyanmiɛn i ngwlɛlɛ'n yɛ ɔ ukɛli i jɔlɛ sɔ'n i dilɛ nun-ɔn.

2 Famiɛn Mun 2:15

Nyanmiɛn i nuan ijɔfuɛ nga be o Zeriko lɔ'n, be o mmua lɔ be wunnin like nga Elize yoli'n. Be seli be afiɛn kɛ: «Eli i wawɛ'n wo Elize su.» Be ko kpɛli i atin, be koto utuli be nyin ase i nyrun lɛ.

1 Be Nyoliɛ 29:25

Anannganman mannin Salomɔn su dan kpa. I dunman'n fuli Izraɛlfuɛ'm be kwlaa be afiɛn. Yɛ Anannganman yoli man i sielɛ'n takali trali Izraɛl famiɛn nga be dunnin mmua i nyrun'n.

2 Be Nyoliɛ 30:12

Zida lɔ kusu'n, Anannganman dili junman sran'm be nun, ɔ man be kwlaa be kplinnin su kɛ be ´yo sa bɔ Nyanmiɛn man famiɛn'n nin i awlo lɔ sran dandan'm be kannin'n i su sa.

Ezipt Lɔ Tulɛ'n 11:3

Anannganman yoli man Eziptfuɛ'm bé nyin yili Izraɛlfuɛ mun. Moiz bɔbɔ kpa'n yoli sran dan kpa kun Ezipt mɛn'n nun Ezipt famiɛn'n i mantanfuɛ'm be nyrun, ɔ nin nvle wunmuan'n i nyrun.

Ezipt Lɔ Tulɛ'n 14:31

Kɛ Izraɛlfuɛ'm be wunnin Anannganman i tinmin dan bɔ i ti ɔ kwlali Eziptfuɛ mun'n, bé nyin yili i. Be lafili i su, yɛ be lafili i sufuɛ Moiz su wie.

Nyanndra Mun 24:21

Mín wa, man ɔ́ nyin yi Anannganman nin famiɛn'n. Be nga be waan be ´kpɛ like'n kwlakwla wun'n, nán kuku ɔ́ wun yi be nun.

Rɔmfuɛ Mun 13:4

afin Nyanmiɛn man be nian ɔ su yɛ man a yo kpa-a. Sanngɛ sa a yo sa tɛ'n, man ɔ klun titi wɔ. Afin Nyanmiɛn a sie-man be lɛ ngbɛn, ɔ sieli be lɛ kɛ be tu i klunngbɔ, yɛ be tu sran ng'ɔ yo sa tɛ'n i fɔ.

1 Korɛntfuɛ Mun 10:2

Kɛ be wluli jenvie nin nyanmiɛn ble nun'n, ɔ ti kɛ be batɛm yolɛ sa, ɔ man be nin Moiz be kacili sran wunmuan.

Zozie 3:7

Anannganman seli Zozie kɛ: «Kɛ ɔ fin ndɛ'n, n wa man ɔ dunman'n su Izraɛlfuɛ'm be nyrun. Be wa si kɛ n jin ɔ́ sin kɛ n fa jrannin Moiz i sin'n sa.

Zozie 4:13

Sonja akpi-akpi ablanan (40.000) be tanndannin, be alɛ ninnge'n wo be sa nun sɛsɛsɛ, be sinnin Anannganman i nyrun lɛ, nan b'a fa Zeriko lɔ lika kpɛtɛkplɛɛ i ndɛnman.

Zozie 4:15

Anannganman seli Zozie kɛ:

1 Samiɛl 12:18

Samiɛl kpan flɛli Anannganman, kpɛkuun Anannganman man nzue'n boli nun. Nzue'n tɔli cɛn sɔ'n nun. Izraɛlfuɛ'm be kwlaa be sroli Anannganman ɔ nin Samiɛl.