Zozie 3:5 - NYANMIƐN NDƐ'N 1998

⁵ Zozie seli sran'm be kɛ: «Amun `yo amun wun saun afin ainman Anannganman wa yi atrɛ amun afiɛn.»

Zozie 3:5 Iomraidhean Croise

Zɔb I Nyrɛnnɛn Wunlɛ 1:5

Kɛ be ko wie bé cɛn'n i di'n, Zɔb flɛ be yɛ ɔ yo bé saun. Kpɛkuun ɔ jaso nglɛmun ndɛ ɔ kun nnɛn yi tɛ nga be yrɛ i nnɛn'n kɔlikɔli'n. Ɔ yi tɛ sɔ'n i mma'm bé ti nun ti nun. Afin i waan: «N si-man sɛ min mma'm be yoli sa tɛ wie o! Sɛ be kannin Nyanmiɛn i ya o!» Kɛ Zɔb yo i sɔ titi-ɔ.

Jue Mun 77:15

Nyanmiɛn, wɔ yɛ a yo abonuan sa mun-ɔn. A kleli nvle kun nga'm be kɛ a kwla.

Jue Mun 86:10

Afin a ti kpli, a yo abonuan sa mun. Wɔ kunngba wɔ yɛ a ti Nyanmiɛn nin-ɔn.

Zoɛl 2:16

Amun `flɛflɛ mɛn mma'm be kwlaa nan an `yia Nyanmiɛn dunman nun. Kpɛnngbɛn mun o, gbanflɛn mun o, talua mun o, ba kanngan nga be tɛ nɔn nyɔnflɛn mun o, an `flɛ be kwlaa'n man be yia. Yasua nin bla nga blɛ yɛ b'a ja'n, man be fin be atɔnvlɛ sua'n nun be fite.

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.

Saun Yolɛ 20:7

Man amun nantilɛ'n ɔ yo weiin, nán fiɛn fi ɔ tran amun wun, afin min yɛ n ti Anannganman amun Nyanmiɛn nin-ɔn.»

Kalɛ 11:8

Kɔnguɛ kɛ bɔlɛ ufue'n ´gua'n, yɛ mani'n kusu gua-a. Kpɛkuun nglɛmun'n, sran'm be bo sanndi lika'n nun be kɔ i isalɛ. Be ko tin i yɛbuɛ su annzɛ be si i kpokpo nun. Be tɔn i blalɛ sɛ nun, be fa yo gato. I fɛ'n ti kɛ gato bɔ be fa ngo yɛ be fa yoli'n sa-a.

Jean 17:19

Be ti n fa mín wun mannin wɔ mlɔnmlɔn nan be kusu be `kaci ɔ liɛ sakpa.

Zozie 3:13

Kɛ Nyanmiɛn nyrun jranfuɛ nga be sua Nyanmiɛn i alaka'n bé ja ´tia Zurdɛn nun cɛ'n, nzue'n ɔ wa kpɛ. Nzue i bue ng'ɔ fin nglo lɔ'n, ɔ wa jran, ɔ ´bo kofie kunndunngluun'n kɛ b'a si i nyrun ce sa.»

Zozie 3:15

I blɛ sɔ'n nun'n, wuun munngun'n ɔ'a kpɛn, Zurdɛn'n ɔ'a yi ɔ'a fu ce'n su . Kɛ Nyanmiɛn nyrun jranfuɛ'm be juli Zurdɛn nuan bɔ bé ja'n kpɛnnin nzue nun cɛ'n,

Zozie 3:4

kɛ ɔ ´yo nan amu'an wun atin nga e ´fa su'n ti, afin atin sɔ'n, amun nian fɛ-mɛn i le. Sanngɛ nán amun wunnge alaka'n wun koko ngboko. Man kilo kun tran amun afiɛn.»

Zozie 3:6

Kɛ i aliɛ cɛnnin'n, Zozie seli Nyanmiɛn nyrun jranfuɛ mun kɛ be `sua Anannganman i alaka'n nan be `dun sran'm be nyrun mmua. Yɛ be suali alaka'n nan b'a dun mmua.

Zozie 7:13

Jaso, ko se Izraɛlfuɛ'm be kɛ be siesie bé wun nan e nin be `yia ainman. Se be kɛ be yo bé wun saun nan m bɔbɔ min Anannganman bɔ n ti Izraɛl Nyanmiɛn'n min wan yoo: ‹Ninnge nga n seli amun kɛ nán amun fa'n, ɔ o amun trɔ'n nun. Ɔ man amun su kwla-man amun kpɔfuɛ'm be nyrun jran, san amu'an yi ninnge sɔ mun.

1 Samiɛl 16:5

I waan: «Ɛɛn! M bali kɛ n wa yi tɛ m man Anannganman. Ɔ mɛn i ti amun `siesie amun nin Nyanmiɛn amun afiɛn nan amun `bla tɛ yilɛ'n bo.» Samiɛl siesieli Izai nin i mma'm be nin Nyanmiɛn be afiɛn nan ɔ'a flɛ be tɛ'n i yilɛ bo.