Zozie 3:3 - NYANMIƐN NDƐ'N 1998

³ Be seli sran mun kɛ: «Kɛ amun wun kɛ Nyanmiɛn nyrun jranfuɛ bɔ be ti Levi akpasua sufuɛ mun b'a sua Anannganman amun Nyanmiɛn'n i alaka'n, amun `fɛ i kan amun wo lɛ'n be `su bé su,

Zozie 3:3 Iomraidhean Croise

2 Samiɛl 6:13

Kɛ sran nga be sua Anannganman i alaka'n be tuli bé ja koko nsiɛn'n, David fali nannin yasua b'ɔ b'a kpɛ cro'n kun, bɔ ɔ'a lo kpa'n yili tɛ.

2 Samiɛl 6:3

Be fali Anannganman i alaka'n Abinadab i sua ng'ɔ o kpɔlɛ'n su lɔ'n nun. Be fɛli i kakaklolo uflɛ kun nun yɛ be ɔli-ɔ. Abinadab i mma mun, Iza nin Akzo yɛ be nian kakaklolo'n su yɛ ɔ kɔ-ɔ.

1 Famiɛn Mun 8:3

Izraɛl kpɛnngbɛn'm be kwlaa be bali, Nyanmiɛn nyrun jranfuɛ'm be suali alaka'n.

Zeremi 33:18

Levifuɛ nga be ti Nyanmiɛn nyrun jranfuɛ'n be kusu be ´nyan sran ´tran be ajalɛ nun titi ɔ ´yi tɛ nga be yra be nnɛn'n kɔlikɔli'n, ɔ ´yra ansans ɔ ´yi bo kun yolɛ i su tɛ mun, ɔ ´yi tɛ aliɛ ba blu-nin-nso nun.› »

Kalɛ 10:33

Be tuli be bo Anannganman i oka'n wun lɛ be nantili cɛn ba nsan. Be fa Nyanmiɛn i alaka'n dun mmua be nyrun nan ɔ ´kunndɛ lika kpa kun nga be ko tran nun'n.

Kalɛ 4:15

Kɛ Aarɔn nin i mma mun be ko wie min ninnge nga be o min lika nun'n bé wun cici'n, bɔ Izraɛlfuɛ'm be ´tu bé bo be ´kɔ'n, Keatfuɛ mun yɛ be wa sua ninnge sɔ mun-ɔn. Sanngɛ nán be kan like bɔ be ti min liɛ klonglo mun kɛ ɔ ´yo nan b'a wu-man'n ti. Junman ng'ɔ ti Keatfuɛ'm be liɛ tannin sua'n nun'n yɛ ɔ o lɛ-ɔ.

Matthieu 16:24

Kɛ ɔ yoli sɔ'n, ɔ seli i sɔnnzɔnfuɛ'm be kɛ sran nga i waan ɔ ´su n su'n, man ɔ klɛn i wun man min, yɛ ɔ ´suɛ i waka'n nan ɔ su n su.

Matthieu 8:19

Mmla klefuɛ kun bɛli i wun lɛ. Ɔ seli Jésus kɛ: «Nja, lika kwlaa bɔ a ´kɔ'n, min nin wɔ e ´kɔ-ɔ.»

Mmla'n 31:25

ɔ seli Levifuɛ nga be sua Anannganman i alaka'n be kɛ:

Mmla'n 31:9

Moiz klɛli Nyanmiɛn i mmla'n, ɔ fa mannin Nyanmiɛn nyrun jranfuɛ'm bɔ be ti Levifuɛ'n, bɔ be sua Anannganman i alaka'n. Ɔ fa mannin be ɔ nin Izraɛl kpɛnngbɛn'm be kwlaa.

Zozie 3:4

kɛ ɔ ´yo nan amu'an wun atin nga e ´fa su'n ti, afin atin sɔ'n, amun nian fɛ-mɛn i le. Sanngɛ nán amun wunnge alaka'n wun koko ngboko. Man kilo kun tran amun afiɛn.»

Zozie 3:6

Kɛ i aliɛ cɛnnin'n, Zozie seli Nyanmiɛn nyrun jranfuɛ mun kɛ be `sua Anannganman i alaka'n nan be `dun sran'm be nyrun mmua. Yɛ be suali alaka'n nan b'a dun mmua.

Zozie 3:8

Se Nyanmiɛn nyrun jranfuɛ nga be sua min alaka'n be kɛ, kɛ be ko jra Zurdɛn nun cɛ'n, be `jran nun lɛ.»

Zozie 4:10

Nyanmiɛn nyrun jranfuɛ nga be sua Nyanmiɛn i alaka'n, be jrannin Zurdɛn ba'n i afiɛn lele san ndɛ nga Anannganman fa wlali Zozie nuan kɛ ɔ `kan kle nzrafuɛ mun'n, be niannin i kwlaa su yoli. Ɔ man Zozie fali ndɛ nga Moiz kan kleli i'n su. Izraɛlfuɛ'm be kannin bé wun be kpɛli Zurdɛn'n.

Zozie 6:6

Nɛn i wa Zozie flɛli Nyanmiɛn nyrun jranfuɛ mun nan ɔ'a se be kɛ: «Amun `sua Anannganman i alaka'n amun wati su. Man amun nun sran nso be fa awɛ nso be dun mmua alaka'n i nyrun!»

Sa nglô yile 14:4

Sran sɔ mun yɛlɛ be nga b'a fɔnndɔn-man bé wun bla kunndɛlɛ nun'n, afin be niannin bé wun su kpa. Lika kwlaa nga Bua Gbanflɛn'n ´kɔ'n, be su i su. Be kpɔli bé ti sran'm be nun kɛ be `yo Nyanmiɛn nin Bua Gbanflɛn'n be sran'm be nun klikli.

1 Samiɛl 6:15

Levi akpasua sufuɛ'm be yili Anannganman i alaka'n ɔ nin gbogbo nga sika ɔkwlɛ ninnge'm be o nun'n. Be yili be kakaklolo'n nun, yɛ be fa sieli i yɛbuɛ dan'n su. Kpɛkuun le kunngba sɔ nun'n Bɛt-Semɛsfuɛ'm be yili tɛ nga be yra be nnɛn'n kɔlikɔli'n. Be yili tɛ uflɛ mun ekun be mannin Anannganman.