Zozie 3:17 - NYANMIƐN NDƐ'N 1998

¹⁷ Kɛ nzrafuɛ'm be ´sin'n, wuun Nyanmiɛn nyrun jranfuɛ nga be sua Nyanmiɛn i alaka'n be jin Zurdɛn'n i afiɛn aunnyan siɛ'n su, b'a keje-man be wun lele san sran'm be kwlaa be sinnin.

Zozie 3:17 Iomraidhean Croise

2 Famiɛn Mun 2:8

Yɛ Eli fɛli i tralɛ dan'n, ɔ nyɔnnyɔnnin i nan ɔ'a fa fin nzue'n su. Yɛ nzue'n nun kpacili-ɔ, bue kun o wa, bue kun o wa. Eli nin Elize be sinnin aunnyan siɛ'n su be ja nun ɔli.

Jue Mun 66:6

Ɔ yoli man jenvie'n i lika'n wie kacili asiɛ kee. Be nanti be ja nun yɛ be kpɛ nzue ba nin-ɔn. Amun man é wun kpaja ye sa dan sɔ'n ti.

Ezipt Lɔ Tulɛ'n 14:21

Moiz tinngɛli i sa'n jenvie'n su. Anannganman yoli man aunngban dan kun b'ɔ fin wia afiliɛ lɔ'n fitali kɔnguɛ wunmuan'n nun. Ɔ suli nzue'n ɔli wa, ɔ suli ɔli wa, nan nzue'n i nun ɔ'a kpɛ, kpɛkuun i osu'n yoli wisiwisi.

Ezipt Lɔ Tulɛ'n 14:22

Izraɛlfuɛ'm be nantili aunnyan siɛ'n su be sinnin, afin nzue'n i wie jrannin be sa fama su yɛ i wie jrannin be sa bɛ su kɛ talɛ wie sa .

Ezipt Lɔ Tulɛ'n 14:29

Sanngɛ Izraɛlfuɛ'm be liɛ be kpɛli jenvie'n bé ja nun. Be sinnin nzue ng'ɔ jrannin kɛ talɛ sa bé sa fama su nin bé sa bɛ su'n i afiɛn.

Ezai 25:8

Ɔ ´nunnun wie'n mlɔnmlɔnmlɔn. Anannganman ɔ ´nunnun sran'm be kwlaa be nyinmuɛn'n. Nyannzuɛn nga i mɛn'n nunfuɛ'm be wunnin i'n, ɔ ´wie. Anannganman kannin sɔ .

Kalɛ 33:51

I waan ɔ `se Izraɛlfuɛ'm be kɛ: «Sɛ amun kpɛ Zurdɛn nzue'n nan amun ju Kanaan mɛn'n nun lɔ'n,

Hébreu 11:29

Nyanmiɛn su bɔ Izraɛlfuɛ'm be lafi'n ti yɛ Jenvie ɔkwlɛ'n kpacili nan b'a sin nun nin-ɔn. Sanngɛ kɛ Eziptfuɛ'm be waan be ´su be su'n, nzue'n bu katali bé su .

Zozie 4:1

Kɛ Izraɛlfuɛ'm be kwlaa be wieli Zurdɛn'n kpɛ'n, Anannganman seli Zozie kɛ:

Zozie 4:10

Nyanmiɛn nyrun jranfuɛ nga be sua Nyanmiɛn i alaka'n, be jrannin Zurdɛn ba'n i afiɛn lele san ndɛ nga Anannganman fa wlali Zozie nuan kɛ ɔ `kan kle nzrafuɛ mun'n, be niannin i kwlaa su yoli. Ɔ man Zozie fali ndɛ nga Moiz kan kleli i'n su. Izraɛlfuɛ'm be kannin bé wun be kpɛli Zurdɛn'n.

Zozie 4:11

Kɛ be kwlaa be fuli cenje'n su'n, Nyanmiɛn nyrun jranfuɛ nga be sua Nyanmiɛn i alaka'n, be sin ko fali mmua'n ekun.

Zozie 4:22

Amun `kan Izraɛl nvle'n i Zurdɛn kpɛlɛ'n i ndɛ'n kle be.

Zozie 4:3

Amun `se be kɛ be `fa yɛbuɛ blu-nin-nnyɔn Zurdɛn'n i afiɛn kan Nyanmiɛn nyrun jranfuɛ'm be jrannin lɛ'n, nan be `fɛ i sɔ yɛbuɛ liɛ mun be `guɛ i kan amun ´la lɛ ndɛ kɔnguɛ'n.»

Zozie 5:1

Kɛ Amɔrfuɛ nga be o Zurdɛn i bue kun lɔ'n nin Kanaanfuɛ nga be o be liɛ jenvie nga be flɛ i Mediterane i nuan'n, be famiɛn'm be tili i kɛ Anannganman jrannin Zurdɛn'n nan ɔ mannin Izraɛlfuɛ'm be atin be kpɛli'n, be wawɛ'n wanndili bé wun. B'a nyan-man anwlɛn kun kɛ be nin Izraɛlfuɛ'm be ´jran be ´kun alɛ.