Zozie 3:15 - NYANMIƐN NDƐ'N 1998

¹⁵ I blɛ sɔ'n nun'n, wuun munngun'n ɔ'a kpɛn, Zurdɛn'n ɔ'a yi ɔ'a fu ce'n su . Kɛ Nyanmiɛn nyrun jranfuɛ'm be juli Zurdɛn nuan bɔ bé ja'n kpɛnnin nzue nun cɛ'n,

Zozie 3:15 Iomraidhean Croise

2 Famiɛn Mun 2:6

Eli seli Elize ekun kɛ: «N ´srɛ wɔ, ka wa, afin Anannganman ɔ'a sunman min Zurdɛn'n i nuan lɔ.» Yɛ Elize tɛli i su kɛ: «N kan Anannganman, yɛ n kan ɔ bɔbɔ ti, n su kpɔci-man wɔ mlɔnmlɔn.» Yɛ be sran nnyɔn'n be ɔli-ɔ.

1 Be Nyoliɛ 12:15

Gad osu'n nunfuɛ mun-ɔn. Be ti sonja kpɛnngbɛn mun. Be nun kaan'n nin sran ya sɛ. Yɛ be nun kekle kpafuɛ'n nin sran akpi sɛ.

1 Be Nyoliɛ 12:16

Anglo klikli'n su'n, be yɛ be kpɛli Zurdɛn nin-ɔn. I blɛ sɔ'n nun yɛ Zurdɛn'n yi tratrali su nin-ɔn. Be yɛ be fuannin kongo'n nunfuɛ nga be o wia afiliɛ lɔ'n nin be nga be o wia atɔliɛ lɔ nin-ɔn. Be kwlaa sɔ'n be wanndili be nyrun.

Ezai 26:6

Yalɛfuɛ mun nin be nga be ti fakafaka'n, be tiatiali su.»

Zeremi 12:5

«A nin be bɔ be wanndi bé ja nun'n be wanndi-ɔ ɔ wunmiɛn'n kpu ɔ wun. ?Yɛ wuun kɛ ɔ o lɛ'n, a nin nnɛn kpanngɔ'm be si akplowa-a ɔ yo ye? ?Sɛ mɛn b'ɔ ti fɔuun'n i nun cɛ yɛ a tran-an, ɔ́ wla kwla gua ase kan'n, sɛ a ju Zurdɛn i nuan susrɛ'n nun'n a yo i sɛ ko?

Zeremi 49:19

«N ´yo kɛ asɔmɔli wie b'ɔ fin Zurdɛn nuan susrɛ wie nun fite kpɛkuun ɔ ti nyanman kɔ aawlɛ flɛnnɛn'n i afiɛn nzue ti lika'n i ndɛnman trele'n sa. Be nyinma bulɛ kun nun'n, n ´fuan Edɔmfuɛ mun sekeseke. N ´fa min sran liɛ'n n ´sie Edɔm su kpɛnngbɛn. ?Wan cɛ yɛ ɔ nin min sɛ-ɔ? ?Kɛ wan sa cɛ yɛ ɔ ´se min kɛ: ‹Nguɛ ti yɛ a yo sɔ-ɔ?› ?Kpɛn onin bɔ cɛ yɛ ɔ jran min nyrun-ɔn ɔ yo ye-ɔ?

Naɔm 1:4

Kɛ ɔ kpan jenvie'n su'n, kpɛkuun jenvie'n ɔ'a wie nun. Ɔ yo man nzue ba dandan'm be wie nun, kpɛkuun Bazan nin Karmɛl lɔ nnya nin ijre'm be glɔ, yɛ Liban lɔ waka nnyrɛ'm be glɔ wie.

Zozie 3:13

Kɛ Nyanmiɛn nyrun jranfuɛ nga be sua Nyanmiɛn i alaka'n bé ja ´tia Zurdɛn nun cɛ'n, nzue'n ɔ wa kpɛ. Nzue i bue ng'ɔ fin nglo lɔ'n, ɔ wa jran, ɔ ´bo kofie kunndunngluun'n kɛ b'a si i nyrun ce sa.»

Zozie 4:18

Kɛ Nyanmiɛn nyrun jranfuɛ'm be fuli cenje'n cɛ'n, kpɛkuun yɛ Zurdɛn'n yi sinnin i osu-ɔ, ɔ su sonji kɛ laa'n sa.