Zozie 3:14 - NYANMIƐN NDƐ'N 1998

¹⁴ Izraɛlfuɛ'm be fɛli i ngblaliɛ nun lɛ be ɔli Zurdɛn'n i kpɛlɛ. Nyanmiɛn nyrun jranfuɛ nga be sua Nyanmiɛn i alaka'n be o be nyrun.

Zozie 3:14 Iomraidhean Croise

Jue Mun 132:8

Anannganman, jaso bla ɔ wunmiɛn dewlɛ lika'n nun. A nin wɔ alaka bɔ ɔ fanngan'n wo nun'n be `bla.

Zeremi 3:16

Anannganman'n wan yoo: «Kɛ amun wa trɛ bɔ amun ´sɔn kpanngban mɛn'n nun'n, be su kan-man Anannganman i alaka'n i ndɛ kun. Be su bu-mɛn i akunndan kun, bé wla su kpɛn-mɛn i su kun. Be su koko-mɛn i kun, be su bobo-man uflɛ .

Mmla'n 31:26

«Amun `fa mmla fluwa nga sie Anannganman amun Nyanmiɛn'n i alaka'n i wun lɛ. Man ɔ yo min nin Izraɛlfuɛ mun e afiɛn lalofuɛ.

Hébreu 9:4

Nyanmiɛn sɔwlɛ b'ɔ ti sika ɔkwlɛ'n, bɔ be yra ayre fannin su'n, ɔ nin Nyanmiɛn i alaka, bɔ be klo sika ɔkwlɛ guɛli i wun'n be o lɔ. Sika ɔkwlɛ sɛma'n bɔ mani'n wo nun'n, nin Aarɔn kpɔnman b'ɔ fɛfɛli'n, ɔ nin yɛbuɛ paplaapla bɔ be klɛ aenguɛ nga Nyanmiɛn waan ɔ nin sran'm be ´tra bé su'n, be wo alaka sɔ'n nun .

Zozie 24:11

Amun kpɛli Zurdɛn'n be bali Zeriko. Zerikofuɛ'm be nin amun kunnin. Amɔrfuɛ nin Ferezfuɛ, nin Kanaanfuɛ, nin Ɛtfuɛ, nin Girgazfuɛ, nin Evfuɛ, ɔ nin Zɛbisfuɛ mun be kusu be nin amun kunnin. N fali be kwlaa m mannin amun.

Zozie 3:3

Be seli sran mun kɛ: «Kɛ amun wun kɛ Nyanmiɛn nyrun jranfuɛ bɔ be ti Levi akpasua sufuɛ mun b'a sua Anannganman amun Nyanmiɛn'n i alaka'n, amun `fɛ i kan amun wo lɛ'n be `su bé su,

Zozie 3:6

Kɛ i aliɛ cɛnnin'n, Zozie seli Nyanmiɛn nyrun jranfuɛ mun kɛ be `sua Anannganman i alaka'n nan be `dun sran'm be nyrun mmua. Yɛ be suali alaka'n nan b'a dun mmua.

Zozie 6:6

Nɛn i wa Zozie flɛli Nyanmiɛn nyrun jranfuɛ mun nan ɔ'a se be kɛ: «Amun `sua Anannganman i alaka'n amun wati su. Man amun nun sran nso be fa awɛ nso be dun mmua alaka'n i nyrun!»