Zozie 3:11 - NYANMIƐN NDƐ'N 1998

¹¹ Amun `se kɛ sɛ: asiɛ wunmuan'n i Min'n, i alaka'n be wa fa kpɛ Zurdɛn'n amun nyrun.

Zozie 3:11 Iomraidhean Croise

1 Be Nyoliɛ 29:11

Anannganman, a ti dan , a kwla, a yo nyɛnmɛn, a o lɛ tititi, ɔ nyrun'n ti nyannyannyan. Nglo lɔ nin asiɛ'n su wa ninnge'n kwlaa be ti ɔ liɛ. Anannganman wɔ yɛ a ti famiɛn nin-ɔn. A o ninnge'n kwlaa ti su.

Zɔb I Nyrɛnnɛn Wunlɛ 41:11

Sin taaman fin i nuan nun fite. Sɛnmlɛn ba fin i nuan nun fite.

Jue Mun 24:1

Jue nga ti David liɛ. I waan: Anannganman liɛ yɛlɛ asiɛ'n nin i su ninnge'n kwlaa. I liɛ yɛlɛ mɛn'n nin i nun sran'n kwlaa .

Jue Mun 97:5

Oka'm be klo Anannganman b'ɔ ti asiɛ wunmuan'n i Min'n i nyrun kɛ ngo'n sa.

Ezai 3:12

Ba kanngan mun yɛ be yo min sran'm be tɛtɛ-ɔ, bla mun yɛ be sie be-ɔ. Min sran mun, amun nyrun dunfuɛ'm be mlinnin amun. Be kata atin nga amun sin nun'n.

Ezai 54:5

Afin sɛ e ´kwla se'n, sran ng'ɔ yili amun'n yɛ ɔ ti amun wun nin-ɔn. I dunman'n yɛlɛ Anannganman b'ɔ sie mɛn wunmuan'n. Sran ng'ɔ kpɔ amun ti'n, yɛlɛ Izraɛl Nyanmiɛn'n. Be flɛ i kɛ asiɛ wunmuan'n i Nyanmiɛn.

Zeremi 10:7

?Nvle wunmuan'n be famiɛn: wan cɛ yɛ ɔ lɛ atin se kɛ i nyin yi-man wɔ-ɔ? A nin ainyiɛ fata. Afin nvle nin famiɛn diwlɛ'm be nun ngwlɛlɛfuɛ'm be kwlaa be nun sran fi nin wɔ sɛ-man .

Mise 4:13

«Siɔnfuɛ mun, an `jaso be `kpukpu ble'n. Ɔ ti wunmiɛn-ɔn, m ´man amun. Amun ´nyan wunmiɛn kɛ nannin b'ɔ lɛ blalɛ wɛ'n sa, kɛ nannin b'ɔ lɛ aaba ja bui'n sa. Amun ´nunnun nvle dandan mun, kpɛkuun bé bo ninnge nga an isa'n, an ´fa man min bɔ n sie mɛn wunmuan'n .»

Sofoni 2:11

Anannganman'n su yo-man be blɛblɛ, ɔ ´kuakua asiɛ'n su amuɛn fanunfanun mun. Ɔ man nvle nga be o mmua-mmua kpa'n be ´koto i bo bé mɛn'm be nun sɛsɛsɛ .

Zakari 14:9

Anannganman'n yɛ ɔ ´sie mɛn wunmuan nin-ɔn. I kunngba yɛ ɔ ´yo Nyanmiɛn bɔ sran'm be kwlaa be su i-ɔ. I kunngba yɛ sran'm be kwlaa be ´bo i dunman-an.

Zakari 4:14

Yɛ ɔ seli min kɛ: «Sran nnyɔn nga be guali be ti su ngo bɔ be su asiɛ wunmuan sufuɛ'm be Min'n, be-ɔ .»

Zakari 6:5

Kpɛkuun anz'n tɛli min su kɛ: «Aunngban bue nnan nga be fɛ i wa be fɛ i wa be ko jrannin mɛn wunmuan'n i Min'n nyrun'n be su kɔ siɛn'n .»

Mmla'n 9:3

Ndɛkɛn'n, man amun si kɛ Anannganman amun Nyanmiɛn'n ɔ ´dun mmua amun nyrun, ɔ ti kɛ sin sa, ɔ yra. I yɛ ɔ wa nunnun be-ɔ. I yɛ ɔ ´gua be nyin ase-ɔ. Ɔ man amun wa fuan be, amun wa kun be ndɛndɛ kpa kɛ Anannganman kan kleli amun'n sa.

Zozie 3:13

Kɛ Nyanmiɛn nyrun jranfuɛ nga be sua Nyanmiɛn i alaka'n bé ja ´tia Zurdɛn nun cɛ'n, nzue'n ɔ wa kpɛ. Nzue i bue ng'ɔ fin nglo lɔ'n, ɔ wa jran, ɔ ´bo kofie kunndunngluun'n kɛ b'a si i nyrun ce sa.»