Zozie 3:1 - NYANMIƐN NDƐ'N 1998

¹ Nglɛmun ndɛ kpa'n, Zozie nin Izraɛlfuɛ'm be fɛli i Sitim lɛ be ɔli Zurdɛn nuan lɔ. Be lali lɛ ka nan b'a kpɛ.

Zozie 3:1 Iomraidhean Croise

Bo Bolɛ 21:14

Yɛ Abraam jasoli nglɛmun tutu kpa'n, ɔ fali like diwa nin nzue kplo kun mannin Agar, ɔ fali ba'n sieli i sin nan ɔ'a se i kɛ be wɔ. Agar toli i ti Beɛr-Seba aawlɛ flɛnnɛn'n nun lɔ.

Bo Bolɛ 22:3

Yɛ Abraam ´jaso nglɛmun ndɛ yɛ ɔ ´fa aflunmun i su tranlɛ like'n ɔ ´fa sie i su-ɔ. Ɔ fɛli i sufuɛ'm be nun nnyɔn nin i wa Izaak. Yɛ ɔ ´kpaci yie ng'ɔ ko yi tɛ'n su nin-ɔn. Yɛ ɔ ´fa lika nga Nyanmiɛn kleli i'n i atin nin-ɔn.

Jue Mun 119:60

Wɔ mmla'm be su falɛ'n, n ´jran mín ja nun n ´yo. N fa sie-man lele.

Zeremi 25:3

«Amɔn b'ɔ ti Zida famiɛn'n i wa Zozias i sielɛ'n i afuɛ blu-nin-nsan'n su yɛ Anannganman'n fɛli i ndɛ'n wlali mín nuan-an. Kɛ ɔ fɛ i lɛ b'ɔ ´fa ju ndɛ'n ɔ ti i afuɛ ablaɔn-nin-nsan. M'an sɔtɔ i kanlɛ m'an kan m'an flan nun lele nán tilɛ yɛ an ko ti-ɔ.

Zeremi 26:5

Amun `sie amún su min sufuɛ bɔ yɛlɛ min nuan ijɔfuɛ bɔ n sunmannin be amun sin'n be ndɛ bɔ be kan'n i bo. N sɔtɔli be sunmanlɛ nan andɛ sa-a, sanngɛ amun waan nán amun yɛ amun ko tie-ɔ.

Zeremi 7:13

Amun kusu, sa nga amun yoli i lɛ'n ti'n, m boli amun ndɛ kan klelɛ'n bo nglɛmun nun. N kan n flannin nun lelele, nán tielɛ yɛ an ko tie-ɔ. N flɛli amun lelele, nán min su yɛ an ko tɛ-ɔ.

Mise 6:5

Min sran mun, akunndan nga Balak b'ɔ ti Moab famiɛn'n buli i amun wun'n, nin ndɛ nga Bɛɔr i wa Balaam fa tɛli i su'n, man amun wla kpɛn su. Sunmanlɛ nga kɛ amun fɛ i Sitim lele be fa juli Gilgal bɔ n ko sunmannin amun'n, man amun wla kpɛn su. Amun wla kpɛn su kɛ ɔ ´yo nan amu'an wun aklunye nga m bɔbɔ min Anannganman n yoli amun'n ti .»

Kalɛ 25:1

Izraɛlfuɛ'm be trannin Sitim lɛ, be nin Moab bla'm be trannin tekle bolɛ'n nun.

Marc 1:35

Nglɛmun ndɛ kpa'n kɛ lika'n tɛ dun'n, ɔ jao fitɛli, ɔ ɔli aawlɛ flɛnnɛn nun lɔ lika kun b'ɔ ti diin'n nun, ɔ nin Nyanmiɛn be ko koko yalɛ.

Zozie 2:1

I sin, Nɛn i wa Zozie sunmannin sran nnyɔn nvialiɛ nun kɛ be `fɛ i Sitim lɛ be ko kpla Kanaan mɛn'n ɔ nin Zeriko klɔ'n be nian . Nan b'a wɔ. Kɛ be juli Zeriko lɔ'n, tekle bla wie be flɛ i Raab, i awlo yɛ be ko wlu lali-ɔ.

Zozie 6:12

Zozie jasoli nglɛmun ndɛ kpa, Nyanmiɛn nyrun jranfuɛ'm be suali Nyanmiɛn i alaka'n be wati su.

Zozie 6:15

I le nso'n su'n be jasoli ndɛ kpa, yɛ be bo sin yiali klɔ'n kɛ be fa yo i titi'n sa, sanngɛ le kun sɔ'n liɛ'n be bo sin yiali klɔ'n kpɛ nso.

Zozie 7:16

Nglɛmun ndɛ kpa'n, Zozie man Izraɛlfuɛ'm be wa sin jranjrannin akpasua akpasua. Zida akpasua'n yɛ Nyanmiɛn kleli-ɔ.

Zozie 8:10

Nglɛmun ndɛ kpa'n, Zozie sinsinnin i sonja'm be su ɔ nian-niannin be. I sin ɔ nin Izraɛl kpɛnngbɛn'm be dunnin mmua be nyrun kɛ be nin Ai ´ko kun.

Jɔlɛ Difuɛ Mun 20:19

Izraɛlfuɛ'm be jasoli nglɛmun ndɛ be ko kpɛli be ngblaliɛ Gibea wun lɔ.

1 Samiɛl 17:20

Nglɛmun ndɛ kpa'n, David jasoli nan ɔ'a ko yaci bua mun sran kun sa nun kɛ ɔ nian bé su. Kpɛkuun yɛ ɔ suɛli i trɔ'n ɔli ngaliɛ nga i si mɛnnin i'n i kanlɛ-ɔ. Kɛ ɔ ´ju Izraɛlfuɛ'm be nanmue nun lɔ'n, wuun alɛ kunfuɛ'm be su ko jranjran'n, wuun be su bo be sro.