Zozie 24:6 - NYANMIƐN NDƐ'N 1998

⁶ Kɛ amun nannan'm be tuli Ezipt lɔ'n be juli Ndɛma jenvie'n nuan. Be fali Eziptfuɛ'm be kakaklolo mun, ɔ nin be nnɛn kpanngɔ fufuɛ mun, be suli bé su lele juli lɛ.

Zozie 24:6 Iomraidhean Croise

Neemi 9:11

A kpɛli jenvie nun mannin be. Be nantili aunnyan siɛ'n su jenvie'n i afiɛn be sinnin. Yɛ be nga be su be su'n, a yoli man be mlɔnnin bunman'n nun kɛ yɛbuɛ bɔ b'a yi i nzue dan nun sa.

Jue Mun 78:13

Ɔ kpɛli jenvie'n nun nan b'a sin nun. Ɔ jrannin nzue'n kɛ b'a fa talɛ b'a si i nyrun ce sa .

Ezipt Lɔ Tulɛ'n 12:37

Izraɛlfuɛ'm be tuli bé bo Ramsɛs klɔ'n su lɛ be nanti ɔli Sikɔt. Be yasua'm be ngunmin'n, sɛ b'a ka-man bla nin ba kanngan, ɔ nin oke mun'n, be kwla ju sran kɔe akpi-akpi ya nsiɛn (600.000).

Ezipt Lɔ Tulɛ'n 12:51

Cɛn sɔ nun'n, Anannganman yoli man Izraɛlfuɛ'm be tuli Ezipt lɔ. Be kɔ'n be lɔngɔ su sɛsɛsɛ kɛ sonja'm be sa.

Mise 6:4

?Kɛ amun wo Ezipt lɔ bɔ amun ti kanga'n, bɔ n ko deli amun'n, bɔ n fali amun lɔ m bali'n, bɔ n yili Moiz, nin Aarɔn, ɔ nin Mari kɛ be dun mmua amun nyrun'n, tɛ yɛ n yoli amun-ɔn?

Sa nga bé yôli'n 7:36

I yɛ ɔ deli be Ezipt lɔ nin-ɔn. Ɔ yoli abonuan sa mun, ɔ yili atrɛ mun Ezipt lɔ, nin Ndɛma Jenvie nun, ɔ nin aawlɛ flɛnnɛn nun lɔ afuɛ ablanan .

Hébreu 11:29

Nyanmiɛn su bɔ Izraɛlfuɛ'm be lafi'n ti yɛ Jenvie ɔkwlɛ'n kpacili nan b'a sin nun nin-ɔn. Sanngɛ kɛ Eziptfuɛ'm be waan be ´su be su'n, nzue'n bu katali bé su .