Zozie 24:2 - NYANMIƐN NDƐ'N 1998

² Zozie seli be kwlaa be kɛ: «Amun `tie ndɛ nga Anannganman b'ɔ ti Izraɛl Nyanmiɛn'n kan'n. ‹Laa, amun nannan'm be tran Efrat'n i bue kun lɔ. Abraam nin Nakɔr bé si Terak i awlo nin-ɔn. Be sɔ amuɛn.

Zozie 24:2 Iomraidhean Croise

Bo Bolɛ 11:22

Sɛrig dili afuɛ ablasan yɛ ɔ wuli Nakɔr-ɔ.

Bo Bolɛ 11:24

Nakɔr dili afuɛ ablaɔn-nin-ngwlan yɛ ɔ wuli Terak-ɔ.

Bo Bolɛ 11:26

Terak dili afuɛ ableso yɛ ɔ wuli Abram nin Nakɔr, ɔ nin Aran-an.

Bo Bolɛ 11:27

Abram nin Nakɔr yɛ Aran bé si Terak i osu'n yɛ. Aran wuli Lɔt

Bo Bolɛ 31:19

Kɛ ɔ ´yo sɔ'n, wuun Laban ɔ'a ɔ i bua'm be ndrɛ'n i kpɛkpɛlɛ. Kpɛkuun Rasɛl wuɛli i si i awlo amuɛn mun.

Bo Bolɛ 31:30

Ɔ wla lo ɔ́ si i awlo lɔ ti yɛ a su kɔ-ɔ. ?Yɛ sanngɛ nzu sa ti yɛ a wuali min amuɛn mun-ɔn?»

Bo Bolɛ 31:32

Nian-nian e trɔ'm be nun'n, sran nga a wun wɔ amuɛn i sa nun'n, man i sɔfuɛ'n ɔ wu. Ɔ'a yo ye bɔ ɔ'a yo e niaan be nyrun-ɔn. Nian-nian min ninnge'm be nun, ng'ɔ ti ɔ liɛ, fa.» Zakɔb si-man kɛ Rasɛl wuali amuɛn sɔ mun.

Bo Bolɛ 31:53

Man Abraam nin Nakɔr be Nyanmiɛn'n ɔ yo ye afiɛn ndɛ siesiefuɛ.» Yɛ Zakɔb fali Nyanmiɛn nga i si Izaak sro i'n i dunman'n tali nda-a.

Bo Bolɛ 35:4

Yɛ be fali amuɛn ng'ɔ o bé sa nun'n kwlaa nin be asunmanndi mun mannin Zakɔb-ɔ. Nan Zakɔb ɔ'a fa ninnge sɔ mun ɔ'a wla be ase sɛni waka ng'ɔ o Sisɛm lɛ'n i bo.

1 Be Nyoliɛ 1:27

Terak wuli Abram. I kunngba'n yɛlɛ Abraam'n.

Ezai 51:2

Amun `nian Abraam b'ɔ ti amún si'n nin Sara b'ɔ wuli amun'n. Afin kɛ n ´flɛ Abraam'n, wuun ɔ lɛ-man ba. N yoli i ye, yɛ n yoli man i osu'n ɔ trɛli.

Ezekiɛl 16:3

Se Zerizalɛm kɛ Anannganman Nyanmiɛn'n wan yoo: ‹Ɔ finwlɛ nin wɔ awuliɛ nun'n, a ti Kanaanfuɛ, ɔ si ti Amɔrfuɛ yɛ ɔ nin ti Ɛtfuɛ .

JÉSUS-CHRIST I DYASIN FE'N BO LUC KLELI'N 3:34

Zida ti Zakɔb wa, Zakɔb ti Izaak wa, Izaak ti Abraam wa, Abraam ti Tara wa, Tara ti Nakɔr wa,

Mmla'n 26:5

Kpɛkuun man sran'n ɔ jran Anannganman amun Nyanmiɛn'n i nyrun lɛ, nan ɔ `se kɛ: «Min nannan'n ɔ ti Aramfuɛ, ɔ wlan-wlannin lika'm be nun, ɔ tu tran wa, ɔ tu tran wa. Ɔ wa ɔli Ezipt mɛn'n nun lɔ ɔ nin i sran mun. Kɛ be ´kɔ'n, be ti sran ba nnyɔn kun cɛ, b'a sɔn-man. Be ko trannin lɔ, be trɛli, be yoli nvle dan kun b'ɔ lɛ wunmiɛn.

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»