Zozie 24:18 - NYANMIƐN NDƐ'N 1998

¹⁸ Anannganman yɛ ɔ fuannin nvle beblebe sɔ mun e nyrun-ɔn. I yɛ ɔ fuannin Amɔrfuɛ nga be tran mɛn nga nun laa nin-ɔn. I sɔ'n ti, e kusu e ´su Anannganman. I yɛ ɔ ti e Nyanmiɛn nin-ɔn.»

Zozie 24:18 Iomraidhean Croise

Jue Mun 116:16

Anannganman, n ti ɔ sufuɛ, n ti ɔ sufuɛ bla i wa. A tili mín wun nyanman nun.

Ezipt Lɔ Tulɛ'n 10:2

N ´yo i sɔ nan w'a kwla kan klelɛ nga n kleli Eziptfuɛ'm be nun'n ɔ nin abonuan sa nga n yoli be Ezipt mɛn'n nun'n w'a kle ɔ mma mun nin wɔ anunman mun'n ti. Kpɛkuun amun wa si kɛ min yɛ n ti Anannganman nin-ɔn.»

Ezipt Lɔ Tulɛ'n 15:2

Min wunmiɛn nga n lɛ i'n fin Anannganman. Anannganman ti yɛ n to jue nin-ɔn. I yɛ ɔ deli min-ɔn. Ɔ ti min Nyanmiɛn, m ´mɛnmɛn i. Ɔ ti min si i Nyanmiɛn, m ´mɛnmɛn i sakpa.

Ezipt Lɔ Tulɛ'n 23:31

Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.

Mise 4:2

Nvle-nvle be nunfuɛ mun be ´tu ajalɛ be ´kɔ, be ´se kɛ: «An `bla man e wɔ Anannganman i oka'n su lɔ. E `wɔ Zakɔb i Nyanmiɛn'n i sua'n nun lɔ nan ɔ `kle ye kɛ e `nanti'n, nan e `nanti i atin'n su, afin Siɔn lɔ yɛ mmla'n fin-ɔn. Zerizalɛm lɔ yɛ Nyanmiɛn ndɛ'n fin ba-a.»

Zakari 8:23

I blɛ sɔ nun'n, sɛ sran blu be aniɛn'n ti ngunmin-ngunmin'n, be ´ko tra Zuif kunngba cenje i wun tralɛ'n i nuan su'n, kpɛkuun be ´se i kɛ: ‹E nin amun yɛ e ´kɔ-ɔ, afin e tili i kɛ Nyanmiɛn'n wo amun sin.› »

Sa nga bé yôli'n 7:45

Kɛ e nannan'm be nyannin sua sɔ'n, be fali nan Zozie a fa be a ɔ nvle nga Nyanmiɛn fuannin be be nyrun'm be nun. Ɔ kali lɛ lele fa juli David blɛ su .

Mmla'n 10:21

I yɛ ɔ ti bɔ amun `mɛnmɛn i-ɔ. Nyanmiɛn ng'ɔ yoli sa dandan'n, Nyanmiɛn ng'ɔ yoli sa sroesroe mun amun bɔbɔ amun nyrun'n, i-ɔ.

Mmla'n 33:27

Kɛ ɔ fin lalafuɛ nun lele'n, Nyanmiɛn yɛ ɔ ti ɔ fiawlɛ nin-ɔn. I fanngan b'ɔ o lɛ titi'n ti, ɔ sasa wɔ. Ɔ fuan ɔ kpɔfuɛ mun ɔ nyrun. Ɔ se wɔ kɛ: ‹Nunnun be.›

Zozie 23:9

Anannganman dunman nun nvle dandan bɔ be yo sro'n be wanndili amun nyrun, lele ndɛ be wie fi a kwla jran-man amun nyrun.

Zozie 24:17

Anannganman e Nyanmiɛn'n yɛ ɔ toli e nin é si mun e ti Eziptfuɛ'm bé sa nun-ɔn. Ɔ yili atrɛ dandan mun e bɔbɔ e nyrun, ɔ sasali ye atin wunmuan'n nun. Ɔ sasali e nvle nga e sinnin nun e bali'n be lika.

Zozie 24:19

Zozie tɛli be su kɛ: «Amun su kwla-man Anannganman su yɛlɛ kɛ ɔ ti Nyanmiɛn kun bɔ i nzuɛn'n nin klɔ sran liɛ'n ti-man kun. Ɔ su kwla suan-man amun fɔnlɛ nin amun sa tɛ'm bé bo, yɛ ɔ su kplin-man su kɛ amun fa like uflɛ ukɛ i su.