Zozie 24:16 - NYANMIƐN NDƐ'N 1998

¹⁶ Nvlefuɛ'm be tɛli i su kɛ: «Ɔ siɛ! Nán e yɛ e ´yi Anannganman i ase e ´su ninnge uflɛ mun-ɔn.

Zozie 24:16 Iomraidhean Croise

Jue Mun 119:106

Jɔlɛ klanman nga a dili'n, i su sa bɔ n seli wɔ kɛ n ´yo'n, san n ´yo i nuan su.

Rɔmfuɛ Mun 3:6

Ɔ ti-man sɔ mlɔnmlɔn! ?Afin sɛ Nyanmiɛn di-man nanwlɛ'n, ɔ yo sɛ yɛ ɔ kwla di mɛnfuɛ'm be jɔlɛ-ɔ?

Rɔmfuɛ Mun 6:2

E su yo-mɛn i sɔ mlɔnmlɔn! ?Sa tɛ'n, kɛ e wuli bɔ e nin i a bu'n, ɔ ´yo sɛ yɛ e ´yo i ekun-ɔn?

Zozie 22:29

Nan y'a bu-mɛn i kɛ e ´kplan Nyanmiɛn sɔwlɛ e ´yi tɛ nga be yrɛ i nnɛn kɔlikɔli'n, annzɛ tɛ uflɛ i su, y'a se-man kɛ e ´yi sraka bɔ be fa ble annzɛ like b'ɔ ti kɛ ble sa'n be yi'n i su, y'a se-man kɛ e yo i sɔ nan e ´kaci é sin e si Anannganman, annzɛ e ´fɔnndɔn i. Y'a se-man kɛ e ´yi tɛ lika uflɛ fi san Anannganman i sɔwlɛ b'ɔ o i tranwlɛ nun'n i su.»

Zozie 24:15

Sɛ kusu i sɔ'n jɔ-man amun klun'n, ndɛkɛn amun kle like nga amun klo kɛ amun ´su i'n, sɛ amun ´su ninnge nga amun nannan'm be su be Efrat bue kun lɔ nin o, annzɛ sɛ amun su Amɔrfuɛ nga amun wo be mɛn'n nun yɛ'n be liɛ mun o! Sanngɛ n liɛ'n, e nin min osufuɛ mun, e ´su Anannganman.»

Zozie 24:17

Anannganman e Nyanmiɛn'n yɛ ɔ toli e nin é si mun e ti Eziptfuɛ'm bé sa nun-ɔn. Ɔ yili atrɛ dandan mun e bɔbɔ e nyrun, ɔ sasali ye atin wunmuan'n nun. Ɔ sasali e nvle nga e sinnin nun e bali'n be lika.

1 Samiɛl 12:23

N kusu n kwla se-man kɛ n srɛ-man Nyanmiɛn m man-man amun kun. Sɛ n se sɔ-ɔ, wuun m'an fɔn Anannganman wun. N ´srɛ m ´man amun, n ´kle amun atin ng'ɔ ti kpa'n, b'ɔ ti seiin'n.