Zozie 23:7 - NYANMIƐN NDƐ'N 1998

⁷ Nán amun nin nvle nga be tɛ o amun afiɛn'n be sanngan. Nán amun bo be amuɛn'm be dunman'n su be di jɔlɛ. Nán amun fa be dunman'm be ta nda. Nán amun koto bé bo, nan amun sɔ be.

Zozie 23:7 Iomraidhean Croise

2 Famiɛn Mun 17:12

Be suli amuɛn mun, sanngɛ Anannganman dun mmua seli be kɛ nán be yo i sɔ ninnge mun.

2 Famiɛn Mun 5:18

N ´srɛ Anannganman kɛ ɔ yaci sa kun cɛ min. Sa sɔ'n yɛlɛ kɛ, kɛ min min'n wlu i amuɛn bɔ be flɛ i Rimɔn'n i sua'n nun b'ɔ ´koto'n, n kusu n koto wie, afin ɔ kisa min sa'n su. Sɛ n ko koto Rimɔn i sua'n nun sɔ'n, man Anannganman yaci cɛ min.»

2 Be Nyoliɛ 7:19

Sanngɛ sɛ amun fa atin uflɛ'n, sɛ amun gua min mmla fanunfanun nga n fa mannin amun'n be ase'n, yɛ sɛ amun ko sɔ amuɛn mun nan amun koto bé bo'n,

Jue Mun 16:4

Be nga be sɔ amuɛn mun'n, be nyrɛnnɛn i su ɔ uka. Be ko tu amuɛn wie mɛn uflɛ'm be nun. Tɛ mmoja nga be guɛ i ase lɛ'n, n yo-man wie. Dunman nga be ´bo be lɛ'n, m bo-man wie.

Ezipt Lɔ Tulɛ'n 20:5

Nán koto bé bo, nán su be, afin n ti Anannganman ɔ Nyanmiɛn yɛ n si kwla. Sɛ sran kun jaso mín wun'n, n tu i fɔ, n tu i nin i mma mun be fɔ lele n fa wlu i anunman'm be mma liɛ'm be nun.

Ezipt Lɔ Tulɛ'n 23:13

Amun `fa ndɛ nga min Anannganman n kan kle amun'n su kpa. Amun `nian amún wun kpa. Nán amun bo flɛ amuɛn mun kɛ amun srɛ be like, nán be dunman bɔ sa tɛ amún nuan nun mlɔnmlɔn.»

Ezipt Lɔ Tulɛ'n 23:33

Nán amun kplin be su kɛ be tran amun mɛn'n nun kɛ ɔ ´yo nan b'a laka-man amun nan amu'an fɔn-man mín wun'n ti. Afin sɛ amun su be amuɛn mun'n, wuun amu'an tɔ amuɛn sɔlɛ aya'n nun.»

Nyanndra Mun 4:14

Klunwifuɛ'm be sinwlɛ liɛ'n nán fa su wie, sran nga i klun ti tɛ'n, i atin liɛ'n, nán ɔ́ ja kpɛn nun.

Zeremi 12:16

Laa, be kleli min nvlefuɛ mun kɛ be `fa Baal dunman'n be ta nda, sanngɛ sɛ be suan min nvlefuɛ'm be nantilɛ'n nan sɛ be fa min dunman'n be ta nda be se kɛ: ‹N kan Anannganman'n, n ´fa be n ´sie i min nvlefuɛ'm be nun.

Zeremi 5:7

«?N ´yaci ɔ wun sa'n cɛ wɔ sɛ? Zerizalɛm bɔ ɔ fuɛ'm be yili min ase'n, bɔ amuɛn mun yɛ be bo be dunman be fa ta nda'n, like ng'ɔ nin be fata'n, n fa mannin be tratrali su bɔbɔ, sanngɛ kpɛkuun be ko kunndɛ bian min bo. Be kpli yɛ be kɔ tekle bla'n i awlo lɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 2:17

Kpɛkuun n ´fɛ i vinyi fie mun `mɛn i ekun. N ´yo man Nyrɛnnɛn kongo'n ´kaci i wla ase gualɛ lika. Ɔ wa to jue su min su kɛ i talua nun'n sa. Ɔ ´su min su kɛ blɛ ng'ɔ fin Ezipt ´ba-a, ɔ fa suli min su'n sa .»

Sofoni 1:5

Sran nga be fu sua'm bé ti'n su be koto nzraama'm be bo'n, ɔ nin be bɔ be koto Anannganman'n bo be tɛ i nda kpɛkuun be kunngba'n be ta amuɛn Milkɔm nda'n, n ´nunnun be.

Kalɛ 32:38

Nɛbo, Baal-Mɛɔn, yɛ Sibma. Be tɔnnin wie'm be dunman uflɛ.

Kalɛ 33:55

Sɛ kusu amu'an kan-man mɛn'n i nun sran nga be o amun nyrun'n bé bo'n nan amun yaci be lɛ'n, be ´kaci kɛ owie sa, be ´wɔ amun nyinma su, annzɛ be ´kaci kɛ kpɛngbɛ piembie sa, be ´wɔ amun nvɛn mma'n. Be ´kaci amun kpɔfuɛ mɛn nga amun wa tran nun'n i nun.

1 Korɛntfuɛ Mun 15:33

Nán an laka amún wun, sɛ sran kpa nin sran tɛ san nun'n, i nzuɛn tɛ'n sɛ i.

Efɛzfuɛ Mun 5:11

Nán amun nin be nga be fa aosin'n kata bé nyin be yo sa b'ɔ yo-man sa fi ye'n mun di, sanngɛ an `yo man be wun sa sɔ'm be wlɛ.

Mmla'n 10:20

Amun `nyin yi Anannganman amun Nyanmiɛn'n, amun `su i, amun `fa amún wun `mɛntɛn i. Amun `fɛ i dunman yɛ amun fa ta nda-a.

Mmla'n 6:13

Amun `nyin yi Anannganman amun Nyanmiɛn'n, amun `su i. Sɛ amun ´ta nda'n, amun `fɛ i dunman'n yɛ amun fa ta-a.

Mmla'n 6:14

Nán amun koto like wie fi bo, nán amun fa nvle nga be mantan amun'n be amuɛn mun.

Zozie 23:12

Sɛ amun kaci amún sin si i nan amun fa amun wun fa mantan nvle nga be tɛ o amun afiɛn'n, sɛ amun ja be mma mmla mun'n, sɛ amun sanngan be nun nan amun fa be sanngan amun nun'n,

Zozie 23:8

Amun `fa amún wun fa mantan Anannganman b'ɔ ti amun Nyanmiɛn'n kɛ amun fa yoli i lele ndɛ'n sa.