Zozie 23:15 - NYANMIƐN NDƐ'N 1998

¹⁵ Kɛ Anannganman b'ɔ ti amun Nyanmiɛn'n fa yiali i kasiɛ kpakpa'm bé nuan'n, i kunngba nin-ɔn, ɔ wa yiɛ i ndɛ wiwi ng'ɔ kan kleli amun'n be kwlakwla bé nuan. Sɛ ɔ ti amun nunnunlɛ-ɔ, ɔ ´nunnun amun mɛn kpa ng'ɔ fa mannin amun'n nun.

Zozie 23:15 Iomraidhean Croise

1 Famiɛn Mun 14:15

Anannganman ´bo Izraɛlfuɛ mun, kpɛkuun be ´usu kɛ ndɛma b'ɔ jin nzue nuan'n ɔ keje'n sa. Anannganman ´tu Izraɛlfuɛ'm bé bo asiɛ klanman b'ɔ fa mannin bé si mun'n su. Ɔ ´fa be ko gua nzue'n i bue kun lɔ, afin be takali waka nga be sɔ be'n be fa klɔklɔli i.

1 Famiɛn Mun 8:56

«N ´la Anannganman b'ɔ man Izraɛlfuɛ'm bɔ bé ti i sran mun'n bé wun ɔ'a jɔ be fɔun'n kɛ ɔ kan kleli be sa'n i ase. Anannganman i ndɛ b'ɔ fa wlali Moiz nuan kɛ ɔ ´kan'n ɔ yoli i su sa'n ngba, i nun kaan sa ɔ nun-man lɛ bɔ ɔ'a yiɛ-mɛn i nuan-an.

Ezai 24:6

I sɔ'n ti sannzan bɔ be boli asiɛ'n ti ɔ su saci, yɛ i sufuɛ'm be sua bé sa tɛ'n i su afɛ'n. I sɔ'n ti yɛ asiɛ'n su sran'm b'a wu nin-ɔn. Sran nga b'a ka lɛ'n be ti kaan sa.

Zeremi 32:24

Be nga be bali klɔ'n i falɛ'n, be yɛ be ´kplɛn i wun kpata'n be ´ba lɛ. Be su wa fa klɔ'n. Be ´fa alɛ, nin awe, ɔ nin tukpacɛ b'ɔ sa ndɛndɛ'n be ´fa fa klɔ'n, ndɛ nga a kannin'n yɛ ɔ'a ju yɛ ɔ bɔbɔ ɔ́ nyin ta nun yɛ.›

Zeremi 32:42

Anannganman'n wan yoo: «Like nga n yoli bɔ n fali nyrɛnnɛn dan nga n yili i Zida mɛn'n su'n, i kunngba'n yɛ n ´yo man be ´wun ndɛ fɛ nga n ´kɛn i yɛ'n kwlaa wlɛ-ɔ.

Zeremi 35:17

I sɔ'n ti, Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ ndɛ nga n kan'n be fa-man'n, bɔ n flɛ be-ɔ, be sro-man'n, i ti nyrɛnnɛn sa nga n kɛnnin i kɛ n ´fa yi i Zerizalɛmfuɛ mun nin Zidafuɛ'm be su'n, n wa fa yi be su.»

Saun Yolɛ 26:3

«Sɛ amun fa min mmla'm bé su'n, ndɛ nga n kan n kle amun'n, sɛ amun fa bé su'n,

1 Tɛsalonikfuɛ Mun 2:16

Be waan be ´yo sɔ nan nán man e kan ndɛ kle be nga be ti-man Zuif nan be `nyan be ti. Kɛ be yo sɔ'n, ɔ man bé sa tɛ nga be yo'n ɔ gua su tititi. Sanngɛ siɛn'n, Nyanmiɛn i ya'n ɔ'a jao bé wun.

Jɔlɛ Difuɛ Mun 13:1

Izraɛlfuɛ'm be yoli like nga Anannganman klo-mɛn i ekun. Yɛ Anannganman fali be wlɛli i Filistifuɛ'm be sa nun afuɛ ablanan.

Jɔlɛ Difuɛ Mun 3:12

Izraɛlfuɛ'm be yoli like nga Anannganman klo-mɛn i ekun. I sɔ'n ti yɛ Anannganman wlali Eglɔn b'ɔ ti Moab famiɛn'n i fanngan kɛ ɔ nin Izraɛlfuɛ'm be kun nin-ɔn.

Jɔlɛ Difuɛ Mun 3:8

Anannganman wa fali ya Izraɛlfuɛ'm bé wun. Ɔ yili i sa bé su mannin Kisan-Riseataim, b'ɔ ti Mezopotami famiɛn'n. Izraɛlfuɛ'm be suli Kisan-Riseataim afuɛ mɔcuɛ.

Jɔlɛ Difuɛ Mun 6:1

Izraɛlfuɛ'm be yoli like nga Anannganman klo-mɛn i ekun, nan Anannganman ɔ'a fa be a wlɛ i Madianfuɛ'm bé sa nun afuɛ nso.