Zozie 23:10 - NYANMIƐN NDƐ'N 1998

¹⁰ Amun nun sran kunngba fuan amun kpɔfuɛ akpi, afin Anannganman amun Nyanmiɛn'n kun amún ti alɛ kɛ ɔ fa kannin'n sa.

Zozie 23:10 Iomraidhean Croise

2 Samiɛl 23:8

David i sonja kpakpa'm be dunman be yɛ. Zɔsɛb-Basebɛt b'ɔ ti Takɛmɔnfuɛ'n, ɔ ti safunyrɛn nsan'n bé su kpɛn. Kɛ ɔ cuɛnnin i cua'n kpɛ kunngba sa'n, ɔ kunnin sran ya mɔcuɛ.

1 Be Nyoliɛ 5:20

Alɛ sɔ'n i kunlɛ nun'n, be kpan flɛli Nyanmiɛn nan ɔ'a tɛ be su, afin be fa be wla'n be guɛli i su. Ɔ ukali be, ɔ man be kwlali Agarenfuɛ mun nin be mantanfuɛ mun.

1 Be Nyoliɛ 5:22

Be kunnin sran sunman, afin alɛ sɔ'n fin Nyanmiɛn. Be trannin be kpɔfuɛ'm be osu'n nun lɛ lele. I sin yɛ be kpɔfuɛ uflɛ'm be wa fali be ko yoli be kanga-a.

Jue Mun 35:1

Jue nga ti David liɛ. I waan: Anannganman, be nga be kle min yalɛ'n, kle be yalɛ wie. A nin be nga be nin min kun'n, amun `kun.

Jue Mun 46:7

Nvle'm be nunfuɛ'm be kplin, famiɛn diwlɛ'm be su keje. Kɛ Nyanmiɛn'n kpan sa fiaan'n, kpɛkuun asiɛ'n su keje.

Ezipt Lɔ Tulɛ'n 14:14

Anannganman'n wa kun amún ti alɛ. I ti amun `gua bliin.»

Ezai 30:17

Amun kpɔfuɛ'm be nun sran kunngba ɔ ´wlanwlan amun nun sran akpi. Yɛ sɛ be nun sran nnun be wlanwlan amun'n, amun ngba kwlaa amun ´wanndi. I agualiɛ su'n, be nga be ´nyan nguan'n, be ngunmin yɛ be ´ka lɛ-ɔ. Be ´yo kɛ waka wie bɔ b'a kplɛn i oka kun su, bɔ i ngunmin o lɛ couun'n sa. Be ´yo kɛ nzɔliɛ kun bɔ b'a fa sie i kpɔlɛ kun su'n sa.»

Saun Yolɛ 26:7

Be nga be nin amun be kun'n, be ´wanndi amún bo. Sɛ amun nin be nyɛn i-ɔ be su nyan-man jranwlɛ.

Saun Yolɛ 26:8

Be nga be nin amun be kun'n, kannzɛ man be yo sran ya kun, yɛ sɛ amun kusu amun ti sran nnun'n, san be ´wanndi amún bo. Be nun akpi blu (10.000) be ´wanndi amun nun sran ya bo. Be nin amun be jran kun alɛ-ɔ ɔ su yo-man ye.

Zakari 12:8

I sɔ blɛ nun'n, Anannganman'n ´sasa Zerizalɛmfuɛ mun. Be nun fuɛnfuɛ kpa'm be wa yo wunmiɛnfuɛ kɛ David sa. David osufuɛ'm be kusu be ´yo kɛ Nyanmiɛn sa, be yo kɛ Nyanmiɛn i anz b'ɔ dun mmua be nyrun'n sa.

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

Mmla'n 20:3

Man ɔ se kɛ: «Izraɛlfuɛ mun, amun `sie amun su. Alɛ'n yɛ amun nin amun kpɔfuɛ'm be su wa kun i ndɛ yɛ. Nán srɛ kun amun, nán amún wun usu-usu amun, nán amún sa sin bubu amun, nán amun wawɛ'n ɔ wanndi amún sin.

Mmla'n 20:4

Afin Anannganman amun Nyanmiɛn'n ɔ nin amun yɛ ɔ ´kɔ-ɔ. Sɛ amun nin amun kpɔfuɛ mun amun ´kun'n, ɔ ´uka amun, ɔ ´man amun kwlalɛ .»

Mmla'n 28:7

Anannganman ɔ ´yo man amun kpɔfuɛ nga be nin amun ´ba alɛ kunlɛ'n, be su nyan-man jranwlɛ. Be balɛ'n su be ´fa atin kunngba, sanngɛ be kɔlɛ'n su'n, be wanndi be fa atin nso.

Mmla'n 3:22

Nán amun sro be. Anannganman amun Nyanmiɛn'n bɔbɔ yɛ ɔ ´kun amún ti alɛ-ɔ.»

Mmla'n 32:20

Yɛ i waan: «N ´kaci n sin si be, yɛ n wa nian sa ng'ɔ wa ju be su'n. Be nyin yi-man min.

Mmla'n 32:30

?Sran kunngba cenje kwla fuan sran akpi? ?Sran nnyɔn cɛ be kwla fuan sran akpi blu? N ´tɛ su kɛ: Ɛɛn! Sɛ min Anannganman bɔ n ti kɛ yɛbuɛ sa bɔ be talo min'n, sɛ n fa be n wla be kpɔfuɛ'm be sa nun'n, be kwla yo be sɔ.

Zozie 10:42

Ɔ fali lika sɔ'm be ngba. Ɔ kwlali be famiɛn mun likawlɛ afin Anannganman bɔbɔ yɛ ɔ uka Izraɛl-ɔ.

Zozie 23:11

I sɔ'n ti, amun `nian amún wun kpa. Amun `klo Anannganman b'ɔ ti amun Nyanmiɛn'n.

Zozie 23:3

Amun wunnin sa nga Anannganman b'ɔ ti amun Nyanmiɛn'n fa yoli nvle fanunfanun kwlaa mun amun dunman nun'n, afin Anannganman bɔbɔ yɛ ɔ kunnin alɛ'n mannin amun-ɔn.

Jɔlɛ Difuɛ Mun 15:15

Yɛ ɔ wunnin aflunmun aoje uflɛ-uflɛ kun-ɔn, ɔ toli i sa'n fali, nan ɔ'a fa kun sran akpi.

Jɔlɛ Difuɛ Mun 3:31

I sin Anat i wa Samgar yɛ ɔ wa jasoli su-ɔ. Ɔ fali nannin kankanlɛ waka kun kunnin Filistifuɛ'm be nun sran ya nsiɛn. I kusu deli Izraɛlfuɛ'm be wie.

1 Samiɛl 14:6

Zonatan seli i gbanflɛn ng'ɔ suɛ i alɛ ninnge'n kɛ: «Bla e wɔ Filistifuɛ nga b'a wla-man be klɛn'm bɔ be nyin yi-man Nyanmiɛn bé wun lɔ. Sɛ Anannganman ´uka ye o! Afin i liɛ'n, sɛ ɔ klo kɛ ɔ ´man sran kwlalɛ'n, ɔ lɛ-man kɛ amun ti kaan, annzɛ amun sɔnnin.»