Zozie 22:5 - NYANMIƐN NDƐ'N 1998

⁵ Sanngɛ amun `fa mmla nga Moiz b'ɔ ti Anannganman i sufuɛ'n, fa mannin amun'n i kwlaa su: amun `klo Anannganman b'ɔ ti amun Nyanmiɛn'n, amun `fɛ i atin'n su, amun `niɛn i ndɛ'm be su, amun `fa bé wun mɛntɛn i, amun `nian nun be su i kpa kɛ ɔ fata'n sa.»

Zozie 22:5 Iomraidhean Croise

Jue Mun 106:3

Be nga Anannganman i mmla'n su yɛ be nanti'n, bɔ be yo sa i nuan su titi'n, be liɛ su ti ye!

Jue Mun 78:7

nan b'a fa bé wla'n b'a guɛ i Nyanmiɛn su, nan bé wla ɔ'a fi-man ng'ɔ yoli'n, nan b'a fɛ i mmla'm be su.

Ezipt Lɔ Tulɛ'n 15:26

Ɔ seli be kɛ: «Sɛ amún nyin yi min Anannganman bɔ n ti amun Nyanmiɛn'n nan amun yo like nga be ti kpa min nyrun'n, sɛ amun sie amún su min mmla'm bé bo nan amun kwlaa amun fa bé su'n, tukpacɛ nga n fa yili i Eziptfuɛ'm bé su lɔ'n, n su fa yi-man amún su wie. Afin min yɛ n ti Anannganman bɔ n yo amun juejue nin-ɔn.»

Ezipt Lɔ Tulɛ'n 20:6

Sanngɛ sran nga be klo min'n, bɔ be fa min ndɛ'm bé su'n, n klo be lele n fa wlu be anunman'm be mma liɛ'm be nun lele ju be akpasua akpi su.

Ezipt Lɔ Tulɛ'n 23:13

Amun `fa ndɛ nga min Anannganman n kan kle amun'n su kpa. Amun `nian amún wun kpa. Nán amun bo flɛ amuɛn mun kɛ amun srɛ be like, nán be dunman bɔ sa tɛ amún nuan nun mlɔnmlɔn.»

Ezipt Lɔ Tulɛ'n 23:25

M bɔbɔ min Anannganman bɔ n ti amun Nyanmiɛn'n yɛ amún `su min-ɔn. N ´yra min nuan klanman man amun, i ti amun ´nyan aliɛ diwa nin nzue nɔnwa. N ´yo man amun su tɔ-man tukpacɛ.

Nyanndra Mun 4:23

Ɔ ti'n bɔ a fa bu akunndan'n, sie i kpa tra ninnge'm be kwlaa, afin i nun yɛ nguan'n i bo'n fin-ɔn.

Ezai 55:2

?Ɔ yo sɛ ti yɛ amun fa sika to aliɛ ng'ɔ ta-man sran nin-ɔn? ?Ɔ yo sɛ ti yɛ amun kle amún wun yalɛ be kunndɛ like ng'ɔ yi-man sran ku nin-ɔn? Sɛ amun ti ndɛ nga n kan be'n, amun ´nyan like kpa be ´di, aliɛ kpakpa mun yɛ amun ´di-ɔ .

Zeremi 12:16

Laa, be kleli min nvlefuɛ mun kɛ be `fa Baal dunman'n be ta nda, sanngɛ sɛ be suan min nvlefuɛ'm be nantilɛ'n nan sɛ be fa min dunman'n be ta nda be se kɛ: ‹N kan Anannganman'n, n ´fa be n ´sie i min nvlefuɛ'm be nun.

Matthieu 22:37

Jésus tɛli i su kɛ: «Klo ɔ Min Nyanmiɛn'n kpa, fa ɔ́ wla'n kwlaa guɛ i su, man wɔ akunndan'n kwlaa trɛn i su.

Matthieu 4:10

Yɛ Jésus seli i kɛ: «Satan, jaso lɛ! Afin be klɛli i kɛ: ‹Koto ɔ Min Nyanmiɛn'n i bo, yɛ su i kunngba cɛ .› »

Matthieu 6:24

«Sran kun i min kwla yo-man nnyɔn, san ɔ ´kpɔ kun yɛ ɔ ´klo kun, ɔ ´fɛ i wun mantan kun yɛ ɔ ´yo kun finfin. An kwla yo-man Nyanmiɛn i sran nan amun kunngba'n amu'an yo sika'n i klofuɛ.

Jean 12:26

Sran nga i waan ɔ ´su min'n, man ɔ su n su, yɛ lika nga n wo nun'n, n sran sɔ'n ɔ ´tran lɔ wie. N Si ´bu sran ng'ɔ su min'n i sran.»

Jean 14:15

«Sɛ an klo min'n, amun ´fa min ndɛ'n su.

Sa nga bé yôli'n 11:23

Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.

Sa nga bé yôli'n 27:23

Nyanmiɛn bɔ n ti i liɛ bɔ n su i'n, i anz kun bali min wun ndɛ kɔnguɛ yɛ ɔ seli min kɛ:

Rɔmfuɛ Mun 1:9

Nyanmiɛn bɔ min akunndan'n kwlaa wo i sulɛ'n su'n, bɔ m bo i Wa'n i jasin fɛ'n, ɔ si kɛ n kan amun ndɛ kle i titi.

Rɔmfuɛ Mun 12:9

Nán amun sran klolɛ'n ɔ yo amún nuan bui su. An `kpɔ sa tɛ'n, nán an nian, sanngɛ like nga be ti kpa'n, man be lo amun.

Rɔmfuɛ Mun 8:28

E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

Mmla'n 10:20

Amun `nyin yi Anannganman amun Nyanmiɛn'n, amun `su i, amun `fa amún wun `mɛntɛn i. Amun `fɛ i dunman yɛ amun fa ta nda-a.

Mmla'n 11:1

Amun `klo Anannganman amun Nyanmiɛn'n, amun `fɛ i mmla fanunfanun'm be kwlaa bé su tititi.

Mmla'n 11:13

Sɛ sakpa amun fa mmla nga n ´fa man amun ndɛkɛn yɛ'n su'n, nan amun klo Anannganman amun Nyanmiɛn'n, nan amun fa amun wla'n kwlaa guɛ i su, nan amun akunndan'n kwlaa trɛn i su'n,

Mmla'n 11:22

Afin sɛ amun fa mmla nga n ´fa man amun yɛ bé sie'n, nan amun fa su'n, sɛ amun klo Anannganman amun Nyanmiɛn'n, nan amun fɛ i atin'n su'n, nan amun fa bé wun mɛntɛn i'n,

Mmla'n 13:4

nán amun tie sran nga i waan ɔ ti Nyanmiɛn nuan ijɔfuɛ sɔ'n, annzɛ i ti'n wuun ase'n i ndɛ mun. Amun si kɛ Anannganman amun Nyanmiɛn'n yɛ ɔ su sa amun nian-an, sɛ amun klo i kpa kɛ ɔ fata'n sa o, sɛ amun fa amun wla'n kwlaa guɛ i su o, yɛ sɛ amun akunndan kwlaa o i su o.

Mmla'n 4:29

Kpɛkuun amun wa kunndɛ kɛ amun ´mantan Anannganman amun Nyanmiɛn'n. Sɛ amun tu amun klun amun fa amun wun mɛntɛn i kpa'n, yɛ sɛ amun fa amun wla'n kwlaa guɛ i su'n, ɔ ´fɛ i wun ´kle amun.

Mmla'n 4:4

Amun nga kusu bɔ amun fali bé wun mantannin Anannganman amun Nyanmiɛn'n, amun kwlakwla yɛ amun tɛ o nguan nun yɛ.

Mmla'n 4:6

Sɛ amun fa bé su nan amun nian bé su fa nanti'n, sɛ nvle kun nga'm be nunfuɛ'm be ti mmla sɔ'm be nun ndɛ mun'n, be ´si kɛ amun ti ngwlɛlɛfuɛ nin akunndanfuɛ mun. Nga be ´se'n yɛlɛ kɛ: «Nvle dan nga i nunfuɛ'm be si ngwlɛlɛ o, be si sa o!»

Mmla'n 4:9

Sanngɛ amun `nian amún wun kpa cɛn kwlakwla kɛ ɔ ´yo nan amún wla ɔ'a fi-man sa nga amun bɔbɔ amun wunnin be'n ti. Nán man be fin amun akunndan nun fite le. Amun `fa kle amun mma mun nin amun anunman mun.

Mmla'n 5:10

Sanngɛ sran nga be klo min'n, bɔ be fa min mmla'm bé su'n, n ´klo be lele n fa wlu be anunman'm be mma liɛ'm be nun lele fa ju be akpasua akpi su.

Mmla'n 6:17

Amun `fa Anannganman amun Nyanmiɛn'n i ndɛ nin i mmla fanunfanun ng'ɔ fa mannin amun'n bé su kpa.

Hébreu 12:15

An `nian amún wun kpa, nán man ye nga Nyanmiɛn yo sran'n ɔ to fuan sran fi nan klunwi'n i olui'n ɔ'a fɛfɛ-man, yɛ ɔ'a saci-man amun nan ɔ'a sa-man sran kpanngban'n ti .

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

Zozie 23:8

Amun `fa amún wun fa mantan Anannganman b'ɔ ti amun Nyanmiɛn'n kɛ amun fa yoli i lele ndɛ'n sa.

Sa nglô yile 15:3

Be to Moiz b'ɔ ti Nyanmiɛn i sran'n nin Bua Gbanflɛn'n be jue'n, be se kɛ: «Anannganman Nyanmiɛn wɔ bɔ a kwla like kwlaa yo'n, sa dandan nga a yo be'n, be ti abonuan! Nvle-nvle'm be Famiɛn, a ti nanwlɛfuɛ yɛ a yo sa i nuan su !

1 Samiɛl 12:20

Samiɛl seli be kɛ: «Nán srɛ kun amun. N si kɛ amu'an yo sa tɛ dan, sanngɛ nán amun kaci amún sin si Anannganman. Amun `nian nun `su i kɛ ɔ fata'n sa.

1 Samiɛl 12:24

Amun kusu amun nyin `yi Anannganman, amun nian nun be su i nanwlɛ su. An `bu sa dandan ng'ɔ yoli mannin amun'n be akunndan.

1 Samiɛl 7:3

Yɛ Samiɛl seli be kɛ: «Sɛ amun klo kɛ amun ´sa amún sin amun ´su Anannganman sakpa'n, amun `gua amuɛn nga amun ko tuli be nvle wie be nun bɔ i wie yɛlɛ Astarte be blo. Amun `fa amún wun mantan Anannganman yɛ amun `su i kunngba, kpɛkuun ɔ wa de amun Filistifuɛ'm bé sa nun.»