Zozie 22:29 - NYANMIƐN NDƐ'N 1998

²⁹ Nan y'a bu-mɛn i kɛ e ´kplan Nyanmiɛn sɔwlɛ e ´yi tɛ nga be yrɛ i nnɛn kɔlikɔli'n, annzɛ tɛ uflɛ i su, y'a se-man kɛ e ´yi sraka bɔ be fa ble annzɛ like b'ɔ ti kɛ ble sa'n be yi'n i su, y'a se-man kɛ e yo i sɔ nan e ´kaci é sin e si Anannganman, annzɛ e ´fɔnndɔn i. Y'a se-man kɛ e ´yi tɛ lika uflɛ fi san Anannganman i sɔwlɛ b'ɔ o i tranwlɛ nun'n i su.»

Zozie 22:29 Iomraidhean Croise

Bo Bolɛ 44:17

Zozɛf waan: «Nyanmiɛn dunman nun ti, n yo sɔ-ɔ ɔ yo-man ye. Sran nga be wunnin klowa'n i sa nun'n, i kunngba yɛ ɔ ti min kanga-a. Amun nga mun an `wɔ amún si sin blɛlɛlɛ.»

Bo Bolɛ 44:7

Nan b'a tɛ i su kɛ: «?Aa, baba, ɔ yo sɛ ti yɛ a kan e ndɛ sa-a? E ti-man sa kɛ nga sa i yofuɛ mlɔnmlɔn.

1 Famiɛn Mun 21:3

Nabɔt tɛli Akab su kɛ: «Sɛ m bu akunndan bɔbɔ kɛ n ´fa mín nannan'm be aja'n m man wɔ'n, Anannganman man nán man ɔ yo ye.»

2 Famiɛn Mun 18:22

Wienun-ɔn, amun wa tɛ min su kɛ: Anannganman e Nyanmiɛn'n i su yɛ e fa é wla'n gua-a. ?Nán i yɛ Ezekias bubuli i sraka yiwlɛ lika bɔ be o kpɔlɛ'm be su'n nin i sɔwlɛ mun nin-ɔn? ?Ezekias ɔ'a se-man Zidafuɛ mun, nin Zerizalɛmfuɛ'm be kɛ san Nyanmiɛn sɔwlɛ ng'ɔ o Zerizalɛm lɔ'n i kunngba i wun lɔ yɛ be `su Anannganman-an?

2 Be Nyoliɛ 32:12

?Nán Ezekias yɛ ɔ bubuli Anannganman i sraka yiwlɛ lika nga be o kpɔlɛ'm be su'n mun nin i sɔwlɛ mun nin-ɔn? ?Nɛ́n i yɛ ɔ seli Zidafuɛ mun nin Zerizalɛmfuɛ'm be kɛ be `su Nyanmiɛn Nyanmiɛn sɔwlɛ kunngba wun lɛ nin-ɔn, nan lɛ kunngba cɛ yɛ be `yra ansans nin-ɔn?

Rɔmfuɛ Mun 3:6

Ɔ ti-man sɔ mlɔnmlɔn! ?Afin sɛ Nyanmiɛn di-man nanwlɛ'n, ɔ yo sɛ yɛ ɔ kwla di mɛnfuɛ'm be jɔlɛ-ɔ?

Rɔmfuɛ Mun 6:2

E su yo-mɛn i sɔ mlɔnmlɔn! ?Sa tɛ'n, kɛ e wuli bɔ e nin i a bu'n, ɔ ´yo sɛ yɛ e ´yo i ekun-ɔn?

Rɔmfuɛ Mun 9:14

?Ɔ man e ´se sɛ? ?E ´se kɛ Nyanmiɛn yo-man sa i nuan su? Ɔ ti-man sɔ mlɔnmlɔn!

Mmla'n 12:11

Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Zozie 22:23

Sɛ e waan e ´kaci é sin si Anannganman ti yɛ man e kplannin Nyanmiɛn sɔwlɛ ng'ɔ o yɛ'n, sɛ e waan e ´yi tɛ nga be yrɛ i nnɛn'n kɔlikɔli'n su'n, sɛ e waan e ´yi cɛlɛ wie annzɛ bo kun yolɛ i su tɛ i su ti yɛ e kplannin'n, man Anannganman bɔbɔ tu e fɔ!

Zozie 22:26

I sɔ srɛ ti yɛ man e fali akunndan kɛ e ´kplan Anannganman i sɔwlɛ sɔ nin-ɔn. Nán tɛ nnɛn nga be yrɛ i nnɛn kɔlikɔli'n annzɛ tɛ uflɛ fi yilɛ dunman nun-ɔn.

Zozie 22:28

Yɛ e seli é wun kɛ sɛ cɛn wie lele'n be kan i sɔ ndɛ be kle e, annzɛ be kan kle e mma mun'n i liɛ, e ´kwla tɛ be su kɛ: ‹Amun `nian, é si'm be niannin Nyanmiɛn sɔwlɛ su yɛ be kplannin nga-a. B'a kplɛn-mɛn i kɛ be ´yi tɛ nga be yrɛ i nnɛn kɔlikɔli'n annzɛ tɛ uflɛ i su. Be kplɛnnin i kɛ ɔ `yo e nin amun e afiɛn lalofuɛ.›

Zozie 22:30

Kɛ Fine b'ɔ ti Nyanmiɛn nyrun jranfuɛ'n, ɔ nin Izraɛl kpɛnngbɛn nga be nin i be ɔli'n be tili Ribɛn akpasua'n, nin Gad akpasua'n, ɔ nin Manase akpasua'm bé nuan su ndɛ'n, be klun jɔli.

Zozie 24:16

Nvlefuɛ'm be tɛli i su kɛ: «Ɔ siɛ! Nán e yɛ e ´yi Anannganman i ase e ´su ninnge uflɛ mun-ɔn.

1 Samiɛl 12:23

N kusu n kwla se-man kɛ n srɛ-man Nyanmiɛn m man-man amun kun. Sɛ n se sɔ-ɔ, wuun m'an fɔn Anannganman wun. N ´srɛ m ´man amun, n ´kle amun atin ng'ɔ ti kpa'n, b'ɔ ti seiin'n.