Zozie 22:25 - NYANMIƐN NDƐ'N 1998

²⁵ Anannganman bɔbɔ fali Zurdɛn'n fa sieli e nin amun Ribɛn nin Gadfuɛ mun e afiɛn awɛ. Amun like fi nun-man Anannganman sa nun.› Kpɛkuun amun mma mun man e liɛ'm be ´kaci bé sin si Anannganman.

Zozie 22:25 Iomraidhean Croise

2 Samiɛl 20:1

Sran finfinfuɛ wie o Gilgal lɛ, be flɛ i Seba, Bikri i wa-a . Ɔ ti Bɛnzamɛn akpasua sufuɛ. Ɔ boli awɛ'n. I waan: «E ndɛ nun-man David ndɛ nun. E nin Izai i wa'n e di-man aja kunngba. Izraɛlfuɛ mun, amun kwlaa amun `sa amun sin amun tranwlɛ.»

1 Famiɛn Mun 12:16

Izraɛlfuɛ'm be wunnin kɛ famiɛn'n ɔ'a tie-man bé nuan ndɛ'n, yɛ be seli kɛ: «E ndɛ nun-man David ndɛ nun! E nin Izai i wa sɔ'n e di-man aja kunngba! Izraɛlfuɛ mun, amun man e sa e sin e wɔ e tannin sua'm be nun! Siɛn'n, David i osu'n nunfuɛ mun, amun famiɛn diwlɛ'n yɛ ɔ o lɛ-ɔ, amun `niɛn i lika!» Yɛ Izraɛlfuɛ'm be jasoli lɛ be ɔli-ɔ.

1 Famiɛn Mun 14:16

Ɔ ´yi Izraɛl'n i ase, afin Zeroboam i bɔbɔ yoli sa tɛ, yɛ ɔ man Izraɛl kusu yoli sa tɛ wie.»

1 Famiɛn Mun 15:30

Nga ti bɔ sa sɔ'n juli'n, yɛlɛ Zeroboam i sa tɛ b'ɔ yoli b'ɔ man Izraɛl fɔnnin'n, afin sa sɔ'n fɔkɔli Anannganman b'ɔ ti Izraɛl Nyanmiɛn'n i anwlɛn dan.

Neemi 2:20

N tɛli be su kɛ: «Nglo lɔ Nyanmiɛn'n man nga e sunnzun'n ɔ ´yo ye. I sufuɛ yɛlɛ ye, é bo ti kun, e wa bo talɛ'n i kplanlɛ'n bo. Amun liɛ'n, Zerizalɛm lɔ like ti-man amun like. Amun kwla yo-man like lɔ. Be ´kan Zerizalɛm ndɛ-ɔ, be bo-man amun dunman nun.»

Jue Mun 16:5

Anannganman, min like liɛ nga n nyɛnnin i'n, yɛlɛ wɔ. Wɔ yɛ a ti min wun nyan-man nun-ɔn. Ɔ sa nun yɛ min nguan'n ɔ wo-ɔ.

Sa nga bé yôli'n 8:21

Ndɛ nga, ɔ liɛ nun-man nun yɛ a su nyan-man like fi nun, afin wɔ akunndan'n ti-man kpa Nyanmiɛn nyrun.

Zozie 22:24

Srɛ b'ɔ kun ye'n ti yɛ e yoli sɔ-ɔ. Atrɛkpa-a, cɛn wie lele amun mma'm be wa se e liɛ'm be kɛ: ‹?Amun li, nguɛ nzɔliɛ yɛ ɔ wo amun nin Anannganman b'ɔ ti Izraɛl Nyanmiɛn'n amun afiɛn-ɔn?

Zozie 22:26

I sɔ srɛ ti yɛ man e fali akunndan kɛ e ´kplan Anannganman i sɔwlɛ sɔ nin-ɔn. Nán tɛ nnɛn nga be yrɛ i nnɛn kɔlikɔli'n annzɛ tɛ uflɛ fi yilɛ dunman nun-ɔn.

Zozie 22:27

E klun wa'n e waan man Nyanmiɛn sɔwlɛ sɔ'n yo kɛ sa nzɔliɛ sielɛ sa e nin amun ye afiɛn, ɔ nin e mma mun nin amun liɛ mun be afiɛn. Nzɔliɛ sɔ'n kle kɛ e lɛ atin e yi tɛ nga be yrɛ i nnɛn kɔlikɔli mun, ɔ nin e bo kun yolɛ i su tɛ mun, ɔ nin e tɛ'm be kwlaa. I liɛ'n, amun mma'm be su kwla se-man e liɛ'm be kɛ be like nun-man Anannganman sa nun.

1 Samiɛl 26:19

Nannan, sie ɔ́ su, min waan n kan ndɛ kle wɔ. Sɛ Anannganman yɛ ɔ su ɔ bo kɛ a yo min like'n, man ɔ sɔ tɛ nga n yi mɛn i nun'n, sɛ kusu klɔ sran mun yɛ be wlawla wɔ'n, man Anannganman man nyrɛnnɛn tɔ bé su afin be waan be ´fuan min nan n jaso Anannganman i mɛn'n nun. Be klo kɛ n wɔ n ko sɔ amuɛn mun.