Biblia Todo Logo
Bìoball air-loidhne

- Sanasan -




Zozie 22:22 - NYANMIƐN NDƐ'N 1998

22 «Anannganman Nyanmiɛn'n, Nyanmiɛn Kpli b'ɔ lɛ-man sin'n, b'ɔ kwla like kwlaa yo'n, ɔ si akunndan nga e buli bɔ man e yoli sɔ'n. Izraɛl nvle'n kusu ɔ wa si sɔ. Sɛ nyin kekle yɛ e yoli'n, sɛ fɔnlɛ dan yɛ e fɔnnin'n, ɔ fata kɛ be kun ye ndɛndɛ.

Faic an caibideil Dèan lethbhreac




Zozie 22:22
40 Iomraidhean Croise  

kɛ a o ɔ tranwlɛ nun nyanmiɛn su lɔ'n, tɛ be su, yaci bé wun sa'n cɛ be. Yɛ sran kun i like ng'ɔ yoli'n, nian su yo ng'ɔ nin i fata'n, afin wɔ kunngba yɛ a si sran kun i anwlɛn'n nun lɔ sa mun-ɔn.


Kusu wuun a si jrɛiin kɛ m'an yo-man sa, yɛ a si kɛ sran fi kwla de-man min ɔ́ sa nun.


Sanngɛ ɔ si min ajalɛ nga n tu'n. Sa nianlɛ ng'ɔ su sa min nian yɛ, n ´fin nun n ´fite sa cɛ kɛ b'a wla sika ɔkwlɛ sin nun b'a yi sa .


man mín sa'n ɔ kpa min wun tɔ. Man mín sa'n bu i afiɛn sɛsɛ tɔ.


An `manman Nyanmiɛn b'ɔ lɛ-man wunsu'n, afin i klun-ufue'n wo lɛ tititi.


Ɔ wa yo man ɔ nzuɛn kpa'n ɔ ´fite nglo wein kɛ like bɔ b'a fa sie i lika ng'ɔ kpaja'n nun'n sa. Yɛ ɔ ndɛ fɛ'n kusu ɔ ´fite nglo weiin kɛ like bɔ b'a yi nglo wia kpa'n nun'n sa.


Min Nyanmiɛn, min waan n ´yo ɔ klun sa. Ɔ mmla'n ɔ o min klun .»


?Sɛ e wla fili wɔ'n, sɛ e fali like uflɛ e suli i'n,


ɔ lɛ kɛ a su si-man nun? Afin a si be klun lɔ sa'n kwlaa.


Jue nga ti Azaf liɛ. I waan: Nyanmiɛn'n, Nyanmiɛn'n, Anannganman'n su kan ndɛ. Kɛ ɔ fɛ i wia afiliɛ lɔ lele b'ɔ fa ju wia atɔliɛ lɔ'n, ɔ flɛ asiɛ wunmuan'n i sufuɛ mun.


Jue nga ti Azaf liɛ. I waan: Nyanmiɛn i wun sran mun b'a sin b'a yiɛ i, ɔ su di jɔlɛ.


Afin Anannganman ti Nyanmiɛn kun b'ɔ ti kpli. Ɔ ti famiɛn dan ɔ sie ninnge'n kwlaa.


Be nga waka sran mun yɛ be sɔ be'n, bɔ be manman ninnge finfin mun'n, be ´wun nyannzuɛn. Ɔ lɛ-man amuɛn kun b'ɔ bu-man Nyanmiɛn like-ɔ.


Siɛn liɛ'n, m'an si kɛ Anannganman ti dan tra amuɛn'm be kwlakwla. Ɔ yili i dan b'ɔ ti'n i nglo blɛ bɔ Eziptfuɛ'm be ´kle Izraɛlfuɛ'm be nyrɛnnɛn'n.»


N liɛ'n, a si min, Anannganman, a wun min, a si kɛ min anwlɛn'n wo ɔ su. Sran sɔ'm be liɛ'n, yi be sie be lɛ kɛ nnɛn bɔ be su wa ko kun be'n sa. Sie be ngunmin man be minndɛ be kunlɛ cɛn'n.


«M bɔbɔ min Anannganman n si klɔ sran klun akunndan'n, n wun i anwlɛn'n nun lɔ. Ɔ man n nian kɛ sran kun fa nanti'n. N nian kɛ i aeliɛ'n fa ti'n su yɛ n fɛ i nuan like mɛn i-ɔ.


Nga famiɛn'n klo kɛ ɔ ´yo'n yɛ ɔ ´yo-ɔ. Ɔ ´yo wun tufuɛ, ɔ ´se i wun kɛ ɔ ti dan tra amuɛn'm be ngba. I ti ɔ wa kan Nyanmiɛn Kpli'n i wun ndɛ tɛtɛ kpa nga be kan-man'n. Ɔ ´nyan jranwlɛ lele ´fa ju cɛn bɔ Nyanmiɛn i ya'n ɔ ´tɛ nglo'n. Kpɛkuun Nyanmiɛn wa yo nga i waan ɔ ´yo'n .


I sin ɔ seli Daniɛl kɛ: «Nanwlɛ o, amun Nyanmiɛn'n yɛ ɔ o nglo lɔ nin-ɔn. I yɛ ɔ ti famiɛn'm be Min nin-ɔn. I yɛ ɔ tike sa nga be ti fiawa'n be su-ɔ, afin a kwla tikeli nvialiɛ nun sa nga'm be su kleli min .»


Sɛ Anannganman'n fa é wun ya'n, i su-ɔ, afin e fɔnnin i wun. Sanngɛ ɔ ju i blɛ-ɔ, Anannganman ´jran é sin, ɔ ´di é ti ndɛ, ɔ ´yi ye fite weiin nun. I sɔ sa kpakpa ng'ɔ yo man ye'n, e bɔbɔ e ´wun i .


Kpɛkuun amun ´wun ngbaciɛ ng'ɔ o sran kpa nin sran ng'ɔ bu-man Nyanmiɛn nin i nuan ndɛ'n be like fi'n be afiɛn'n, ɔ nin ngbaciɛ ng'ɔ o sran ng'ɔ su Nyanmiɛn nin sran ng'ɔ su-man Nyanmiɛn'n be afiɛn'n.»


Ɔ usɛli i kpɛ kun ekun kɛ: «?Zan wa Simɔn, a klo min?» I kpɛ nsan su liɛ'n b'ɔ usali i'n, ɔ yoli Piɛr ya yɛ ɔ tɛli su kɛ: «Nannan, a si sa'n kwlaa, a si kɛ n klo wɔ.» Jésus seli i kɛ: «Nian m bua'm be lika.»


Yɛ be kan kleli Nyanmiɛn kɛ: «Nannan Nyanmiɛn, ɔ bɔ a si sran'm be kwlaa be anwlɛn'n, sran nnyɔn nga, kle ye be nun kun nga a fɛli i'n,


Sɛ n fɔnnin n yoli sa wie bɔ sɛ be yo-ɔ be kun be'n, bɔ i ti yɛ be waan be ´kun min'n, n su se-man kɛ nán man be kun min. Sanngɛ sɛ sa nga ti yɛ be sanmannin min'n ɔ ti-man nanwlɛ'n, sran fi kwla fa-man min man-man be. N ´fa min ndɛ liɛ'n kɔ Sezar ja su.»


?An bu i kɛ n klo-man amun ti yɛ n se sɔ-ɔ? Nyanmiɛn si kɛ n klo amun.


E Min Jésus i Si Nyanmiɛn bɔ be bo i dunman tititi'n, ɔ si kɛ m bua-man ato.


Kɛ e si kɛ e Min'n yo sro'n, i ti e kan ndɛ weiin e kle sran mun nan be kaci. Nyanmiɛn si e kpa, yɛ e bu i kɛ amun kusu an si e kpa.


Yɛlɛ kɛ Anannganman amun Nyanmiɛn'n ɔ ti dan tra amuɛn'm be ngba. Ɔ ti miɛn'm be Miɛn. Ɔ ti Nyanmiɛn Kpli, ɔ lɛ wunmiɛn, ɔ yo sro, ɔ kpa-man sran nun, be cɛ i like kɛ ɔ jran bé sin-ɔn ɔ yo-man ye.


I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.


Like fi nun-man lɛ bɔ Nyanmiɛn wun-mɛn i-ɔ. Like nga ɔ yili be'n wie fi fiɛ-mɛn i nyrun, i nyin ta be kwlaa. I ja su yɛ e kwlaa e ´kan sa nga e yoli nin-ɔn.


Ribɛn akpasua'n nin Gad akpasua'n, ɔ nin Manase akpasua bue'n be tɛli Izraɛl akpasua kun nga'm be awlofuɛ'm be su kɛ:


Be klɛli dunman kun i tralɛ'n nin i sɔwa'n su kɛ: «Famiɛn'm be Famiɛn nin sran'm be min mun be Min .»


N ´kun i mma mun, ɔ man asɔnun'm be kwlaa be ´si kɛ min yɛ n si sran'm be akunndan'n nin sa ng'ɔ o be klun lɔ nin-ɔn. Like nga an yoli'n, n ´fa sran kun liɛ ng'ɔ yoli'n i nuan like n mɛn i .


Nyin kekle nin wunnzue yilɛ'n be sɛ. Bé wun bɔ be kɛn-mɛn i ase'n kusu nin amuɛn sɔlɛ'n be sɛ. Kɛ bɔ a yili Anannganman i ndɛ'n i blo'n, i ti i kusu ɔ'a yi wɔ blo wie. Ɔ man a su yo-mɛn i nvle'n i su famiɛn kun.»


Man be yaci ndɛ dandan'm be kanlɛ beblebe'n! Man be yaci ndɛ tɛtɛ'm be kanlɛ, afin Anannganman ti Nyanmiɛn kun b'ɔ si sa'n ngba, yɛ sɛ n ´kwla se'n, ɔ sunnzun sa'n kwlaa i toe'n su.


Lean sinn:

Sanasan


Sanasan