Zozie 22:18 - NYANMIƐN NDƐ'N 1998

¹⁸ Yɛ ndɛ yɛ amu'an kaci amún sin a si Anannganman nin-ɔn. Sɛ ndɛ amun yo nyin kekle Anannganman su'n, ainman Izraɛl nvle wunmuan'n su yɛ i ya'n ɔ ´tɔ-ɔ.

Zozie 22:18 Iomraidhean Croise

2 Samiɛl 24:1

Anannganman fali ya Izraɛlfuɛ'm bé wun ekun, ɔ man David cuɛnnin sa yili bé su. Anannganman suli i bo kɛ ɔ ka Izraɛlfuɛ mun nin Zidafuɛ mun.

1 Famiɛn Mun 9:6

sanngɛ sɛ amun nin amun osu'n nunfuɛ mun amun kaci amún sin si min'n, sɛ amu'an fa-man min mmla fanunfanun nga n fa mannin amun'n be su'n, sɛ amun ko tu amuɛn'n nan amun kotokoto bé bo'n,

2 Famiɛn Mun 17:21

Kɛ Anannganman yili Izraɛlfuɛ mun David osufuɛ'm be nun'n, be fali Nɛbat i wa Zeroboam be sieli famiɛn. Yɛ Zeroboam man Izraɛlfuɛ'm be yacili Anannganman. Ɔ man Izraɛlfuɛ'm be yoli sa tɛ dan kpa.

1 Be Nyoliɛ 21:1

Satan jasoli Izraɛl'n i wun, yɛ ɔ suli David bo kɛ ɔ ka Izraɛlfuɛ mun.

1 Be Nyoliɛ 21:14

Yɛ Anannganman man tukpacɛ b'ɔ sa ndɛndɛ yoli Izraɛlfuɛ mun-ɔn. Sran akpi-akpi ableso (70.000) be wuli Izraɛl mɛn'n nun tukpacɛ sɔ'n ti.

2 Be Nyoliɛ 25:27

Kɛ ɔ fin cɛn bɔ Amazia kacili i sin sili Anannganman'n, sran'm be cicili i wun ndɛ Zerizalɛm lɔ. Cɛn kun ɔ wanndi ɔli Lakis. Be suli i su lele juli lɔ, nan b'a kun i.

2 Be Nyoliɛ 34:33

Zozias nunnunnin tete sa nga Izraɛlfuɛ'm be yo'n su, be nin sa sɔ mun fin mɛn nga'm be nun. Ɔ miannin sran nga be o Izraɛl asiɛ'n su'n be kwlaa kɛ be `su Anannganman be Nyanmiɛn'n. Zozias nyin su'n, b'a kaci-man bé sin b'a si-man be nannan'm be Nyanmiɛn'n.

Saun Yolɛ 10:6

Moiz wa seli Aarɔn nin i klun ba yasua nnyɔn uflɛ Eleazar nin Itamar be kɛ yoo: «Nán amun yaci amún ti ndrɛ'n lɛ man ɔ yo sukusuku, yɛ nán amun titi amún wun tralɛ'm be nun. Sɛ amun yo i sɔ-ɔ, wuun amun su kunndɛ amun bɔbɔ amun wie, yɛ amun su klɔklɔ Anannganman nan ɔ `fɛ i ya'n gua Izraɛlfuɛ'm bé su. Amun `yaci amun niaan mun ɔ nin Izraɛlfuɛ'm be nun man be sun be bɔ Anannganman fa sin kunnin be'n.

Kalɛ 16:22

Moiz nin Aarɔn be tɔli asiɛ wun, bé utuli be nyin ase, yɛ be sun flɛli Anannganman kɛ: «?Ee Nyanmiɛn, wɔ bɔ a mannin ninnge nga a yili be'm be nguan'n, sran kunngba b'ɔ yoli sa tɛ'n, i ti a ´fa ya sran'm be kwlakwla bé wun?»

Kalɛ 32:15

Sɛ amun Ribɛnfuɛ nin Gadfuɛ mun, amun waan amun su-man Anannganman i su kun'n, Anannganman wa yo man Izraɛlfuɛ'm be wa cɛ aawlɛ flɛnnɛn'n nun wa ekun'n, wuun mlinlɛ yɛ amun mlinnin be-ɔ.»

Mmla'n 7:4

Sɛ amun yo sɔ'n, be ´cuɛn amun mma bla nin amun mma yasua mun, be ´fa be wlɛ i amuɛn sɔlɛ nun, kpɛkuun be ´kaci be sin si Anannganman. Yɛ sɛ ɔ yo sɔ kusu'n, Anannganman'n ´fa ya dan kpa amun wun, kpɛkuun ɔ ´nunnun amun ndɛndɛ kpa.

Zozie 22:15

Be ɔli Galaad mɛn'n nun lɔ wia afiliɛ lɔ Izraɛl akpasua'm bé sin nan b'a usa be sa,

Zozie 22:16

Izraɛlfuɛ kun nga'm be kwlaa bé nuan. Be usali be kɛ: «Sa nga ti bɔ man amun fɔnnin Izraɛl Nyanmiɛn wun kɛ amun fa fɔnnin lɛ'n sa'n, e klo kɛ e ´ti nun. ?Ɔ yo sɛ yɛ man amun kacili amún sin sili i sa-a? ?Kɛ amun kplan amun tiaun Nyanmiɛn sɔwlɛ'n, nán nyin kekle yɛ amu'an yo i i su lɛ-ɔ?

Zozie 22:20

Kɛ Akan b'ɔ ti Zerak i anunman'n yoli sa tɛ'n, like ng'ɔ ti-man kɛ be fa'n b'ɔ fali'n, Izraɛl nvle wunmuan'n su yɛ Anannganman i ya'n ɔ tɔli-ɔ. Nán Akan kunngba yɛ ɔ wuli-ɔ .»

Zozie 7:1

Izraɛlfuɛ'm b'a fa-man Anannganman i ndɛ'n su. Like ng'ɔ seli be kɛ nán be fa'n, be fali. Zida i awlofuɛ kun, be flɛ i Akan, Karmi wa-a. Karmi i si'n yɛlɛ Zabdi, Zabdi kusu liɛ yɛlɛ Zerak. Akan sɔ'n yɛ ɔ fali ninnge sɔ mun-ɔn, nan Anannganman ɔ'a fa ya Izraɛlfuɛ'm be wun.

Zozie 7:11

Izraɛlfuɛ'm be yoli sa tɛ, b'a fa-man ndɛ nga n kan kleli be'n su. Be fali like nga n tanninnin be kɛ nán be fa'n. Be wuali ninnge sɔ'm be fa fiali be bɔlɛ nun.

Zozie 7:21

N wunnin Mezopotami lɔ tralɛ klanman kpa kun, ɔ nin jɛtɛ ufue b'ɔ tra kilo nnyɔn, ɔ nin sika ɔkwlɛ kpɔlɛ kun b'ɔ ju kilo kun nin bue e kpɔfuɛ'm be bɔlɛ nun. Nanwlɛ, kɛ n wunnin ninnge sɔ mun'n, m'an kwla tra-man min anwlɛn yɛ n fali-ɔ. N fuli kunman yɛ n fa be n fa fiali min tannin sua'n nun lɔ, jɛtɛ ufue'n wo i bo.»

1 Samiɛl 12:14

Sɛ amún nyin yi Anannganman nan amun su i'n, sɛ amun tie i aniɛn nan amu'an yi-man ndɛ ng'ɔ kannin'n i blo'n, i liɛ'n, amun nin amun famiɛn ng'ɔ sie amun'n, Nyanmiɛn ´sie amun.

1 Samiɛl 12:20

Samiɛl seli be kɛ: «Nán srɛ kun amun. N si kɛ amu'an yo sa tɛ dan, sanngɛ nán amun kaci amún sin si Anannganman. Amun `nian nun `su i kɛ ɔ fata'n sa.