Zozie 22:16 - NYANMIƐN NDƐ'N 1998

¹⁶ Izraɛlfuɛ kun nga'm be kwlaa bé nuan. Be usali be kɛ: «Sa nga ti bɔ man amun fɔnnin Izraɛl Nyanmiɛn wun kɛ amun fa fɔnnin lɛ'n sa'n, e klo kɛ e ´ti nun. ?Ɔ yo sɛ yɛ man amun kacili amún sin sili i sa-a? ?Kɛ amun kplan amun tiaun Nyanmiɛn sɔwlɛ'n, nán nyin kekle yɛ amu'an yo i i su lɛ-ɔ?

Zozie 22:16 Iomraidhean Croise

Ɛsdras 8:22

Kɛ n se famiɛn'n kɛ ɔ man ye sonja nga be nanti bé ja'n, ɔ nin nga be fu nnɛn kpanngɔ'n nan be `sasa ye e kpɔfuɛ'm be lika'n, ɔ yo min nyannzuɛn, afin e dun mmua seli famiɛn'n kɛ e Nyanmiɛn'n ti be nga be fa bé wun mantan i'n be sasafuɛ, sanngɛ ya ng'ɔ fɛ i be nga be kaci be sin si i bé wun'n ɔ yo sro.

Saun Yolɛ 17:8

Nan i ti'n, sɛ Izraɛl awlo nunfuɛ kun, sɛ wie kusu-ɔ aofuɛ wie b'ɔ tran Izraɛl wa'n i waan ɔ ´yi tɛ nga be yrɛ i nnɛn'n kɔlikɔli'n annzɛ tɛ uflɛ ɔ ´man min'n,

Kalɛ 32:15

Sɛ amun Ribɛnfuɛ nin Gadfuɛ mun, amun waan amun su-man Anannganman i su kun'n, Anannganman wa yo man Izraɛlfuɛ'm be wa cɛ aawlɛ flɛnnɛn'n nun wa ekun'n, wuun mlinlɛ yɛ amun mlinnin be-ɔ.»

Mmla'n 12:11

Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Zozie 22:11

Izraɛlfuɛ kun nga'm be tili i kɛ Ribɛn nin Gad akpasua'n, ɔ nin Manase akpasua bue'n b'a kplan Nyanmiɛn sɔwlɛ wie Izraɛlfuɛ'm be bue liɛ'n su Kanaan mɛn'n nun lɔ.

Zozie 22:15

Be ɔli Galaad mɛn'n nun lɔ wia afiliɛ lɔ Izraɛl akpasua'm bé sin nan b'a usa be sa,

1 Samiɛl 15:11

«Sail i famiɛn sielɛ nga n fɛ i sieli yɛ'n, ɔ yo min ya kpa. Sail nin min nun-man nun kun, ɔ fa-man min ndɛ'n su kun.» Ndɛ sɔ'n yoli Samiɛl ya kpa. Kɔnguɛ wunmuan'n nun'n, ɔ sun flɛli Anannganman.