Zozie 22:15 - NYANMIƐN NDƐ'N 1998

¹⁵ Be ɔli Galaad mɛn'n nun lɔ wia afiliɛ lɔ Izraɛl akpasua'm bé sin nan b'a usa be sa,

Zozie 22:15 Iomraidhean Croise

1 Be Nyoliɛ 21:3

Zoab seli famiɛn'n kɛ: «N ´srɛ kɛ man Anannganman yo man i sran'm be sɔn tra nga su kpɛ ya. ?Nannan, be kwlaa sɔ'm be ti-man ɔ sufuɛ? ?I kpa nin-ɔn, nannan, ɔ yo sɛ ti yɛ ɔ waan be yo i sɔ like liɛ nin-ɔn? ?Ɔ yo sɛ ti yɛ a fa Izraɛlfuɛ mun wla sa tɛ kɛ nga sa nun-ɔn?»

2 Be Nyoliɛ 10:19

Kɛ Izraɛlfuɛ'm be yili David osu'n i blo kɛ ng'ɔ o lɛ'n sa. Lele ndɛ be tɛ jaso osu sɔ'n wun.

2 Be Nyoliɛ 25:27

Kɛ ɔ fin cɛn bɔ Amazia kacili i sin sili Anannganman'n, sran'm be cicili i wun ndɛ Zerizalɛm lɔ. Cɛn kun ɔ wanndi ɔli Lakis. Be suli i su lele juli lɔ, nan b'a kun i.

2 Be Nyoliɛ 26:18

Be ko jrannin famiɛn'n nyrun lɛ, yɛ be seli i kɛ: «Kpli, a lɛ-man atin kɛ a fa ansans yrɛ i man Anannganman. I sɔ junman liɛ'n ti Aarɔn osu'n nunfuɛ bɔ be ti Nyanmiɛn nyrun jranfuɛ'n be liɛ, afin be sieli be ngunmin i sɔ yolɛ'n ti. Fin Nyanmiɛn i sua'n nun fite, yɛlɛ kɛ w'a fɔn. A su nyan-man nyrun Anannganman b'ɔ ti Nyanmiɛn'n i sa nun sa sɔ'n ti.»

2 Be Nyoliɛ 28:13

Kpɛnngbɛn sɔ'n be seli be kɛ: «Nán amun fa kanga nga mun wlu wa. Amun su wa yo man e fɔn Anannganman wun, afin amun su uka e sa tɛ'n bɔ e yoli'n su. E dun mmua e fɔnnin kpa laa, ɔ man Nyanmiɛn ɔ'a fa e wun ya dan kpa.»

Ɛsdras 9:15

Anannganman, Izraɛl Nyanmiɛn, ɔ klun ti ufue ti yɛ e nun wie e nyin tɛ osu-ɔ. E ti sa tɛ yofuɛ yɛ e o ɔ nyrun wa yɛ. E nin ɔ nyrun jranlɛ fata-man.»

Ɛsdras 9:2

afin b'a ja nvle sɔ'm be nun mmla mun. B'a ja wie b'a man be mma mun. Ɔ man b'a fa Nyanmiɛn i nvle b'a sanngan nvle sɔ'm be nun. Famiɛn i awlo lɔ sran dandan nin jɔlɛ difuɛ'm be yɛ be kleli be atin tɛ sɔ nin-ɔn .»

Jue Mun 78:8

I liɛ'n, be su yo-man kɛ be nannan'm, bɔ be yoli nyin kekle dan'n, bɔ be anwlɛn'n yoli nnyɔn-nnyɔn'n, bɔ be akunndan'n ɔ'a tran-man Nyanmiɛn su'n sa.

Ezipt Lɔ Tulɛ'n 32:8

B'a yaci atin nga n kleli be'n lɛ lalaa, b'a klo sika ɔkwlɛ b'a yo nannin ba kun, b'a koto i bo, b'a yi sraka mun b'a mɛn i, kpɛkuun be seli kɛ: ‹Izraɛlfuɛ mun, amun like ng'ɔ fa amun Ezipt lɔ bali'n yɛ.› »

Ezai 63:10

Sanngɛ be yoli nyin kekle, be boli Nyanmiɛn i Wawɛ'n i wla. Nyanmiɛn ɔ'a klo-man be sa kun, kpɛkuun i bɔbɔ yɛ ɔ nin be kunnin siɛn nin-ɔn.

Saun Yolɛ 26:40

«Sanngɛ i agualiɛ su'n, be nga b'a wu-man'n, be wa wun i wlɛ kɛ kannzu be bɔbɔ nin be nannan mun be yoli sa tɛ. Sa tɛ bɔ be yoli'n yɛlɛ kɛ be dili fɔ min lika, bé nyin ɔ'a yi-man min.

Saun Yolɛ 5:19

Afiɛn siesielɛ tɛ-ɔ, afin yɛlɛ kɛ sran sɔ'n kannin min sakpa.»

Kalɛ 14:43

Amalɛkfuɛ'm be nin Kanaanfuɛ'm be yɛ be o amun nyrun lɛ-ɔ, alɛ'n wa di amun. Afin kɛ bɔ amun kacili amún sin sili Anannganman'n ti'n, ɔ su jran-man amún sin.»

Kalɛ 32:15

Sɛ amun Ribɛnfuɛ nin Gadfuɛ mun, amun waan amun su-man Anannganman i su kun'n, Anannganman wa yo man Izraɛlfuɛ'm be wa cɛ aawlɛ flɛnnɛn'n nun wa ekun'n, wuun mlinlɛ yɛ amun mlinnin be-ɔ.»

Kalɛ 5:6

ɔ `kan ndɛ yɛ mun kle Izraɛlfuɛ mun. I waan: «Sɛ yasua wie annzɛ bla wie yo i wiengu kun sa'n, wuun min yɛ ɔ'a yo min sa sɔ nin-ɔn, wuun sa sɔ'n ti dan.

Matthieu 18:17

Sɛ ɔ fa-man be ndɛ'n su'n, kɛn i asɔnunfuɛ'm be nyrun, sɛ ɔ fa-man'n, bu i kɛ sran b'ɔ nun-man amun nun sa, bu i kɛ gua bo sika defuɛ sa.»

1 Korɛntfuɛ Mun 1:10

Aniaan mun, e Min Jésus-Krist ti n ´srɛ amun, man amún nuan sɛ, nán an bubu amun wun nun, sanngɛ man amun akunndan'n nin amun nɛn'n ɔ yo kun.

1 Korɛntfuɛ Mun 5:4

Sɛ an yia e Min Jésus dunman nun'n, n jin amún sin,

Mmla'n 30:17

Sanngɛ sɛ amun kaci amún sin si i'n, sɛ amun nyin ɔ'a yi-mɛn i'n, yɛ sɛ amun ko koto like uflɛ'm bé bo amun sɔ be'n,

Mmla'n 7:4

Sɛ amun yo sɔ'n, be ´cuɛn amun mma bla nin amun mma yasua mun, be ´fa be wlɛ i amuɛn sɔlɛ nun, kpɛkuun be ´kaci be sin si Anannganman. Yɛ sɛ ɔ yo sɔ kusu'n, Anannganman'n ´fa ya dan kpa amun wun, kpɛkuun ɔ ´nunnun amun ndɛndɛ kpa.

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.

Zozie 22:12

Kɛ Izraɛlfuɛ'm be tili i sɔ'n, be yiali Silo lɛ kɛ be nin wia afiliɛ lɔ akpasua liɛ'm be ´ko kun.

Zozie 22:14

Kpɛnngbɛn blu yɛ be nin i be ɔli-ɔ, akpasua kun su sran kun, akpasua kun su sran kun. Be kwlakwla be ti Izraɛl awlo'm be nun kpɛnngbɛn mun.

Zozie 22:16

Izraɛlfuɛ kun nga'm be kwlaa bé nuan. Be usali be kɛ: «Sa nga ti bɔ man amun fɔnnin Izraɛl Nyanmiɛn wun kɛ amun fa fɔnnin lɛ'n sa'n, e klo kɛ e ´ti nun. ?Ɔ yo sɛ yɛ man amun kacili amún sin sili i sa-a? ?Kɛ amun kplan amun tiaun Nyanmiɛn sɔwlɛ'n, nán nyin kekle yɛ amu'an yo i i su lɛ-ɔ?

Zozie 22:18

Yɛ ndɛ yɛ amu'an kaci amún sin a si Anannganman nin-ɔn. Sɛ ndɛ amun yo nyin kekle Anannganman su'n, ainman Izraɛl nvle wunmuan'n su yɛ i ya'n ɔ ´tɔ-ɔ.

1 Samiɛl 15:23

Nyin kekle nin wunnzue yilɛ'n be sɛ. Bé wun bɔ be kɛn-mɛn i ase'n kusu nin amuɛn sɔlɛ'n be sɛ. Kɛ bɔ a yili Anannganman i ndɛ'n i blo'n, i ti i kusu ɔ'a yi wɔ blo wie. Ɔ man a su yo-mɛn i nvle'n i su famiɛn kun.»