Zozie 21:8 - NYANMIƐN NDƐ'N 1998

⁸ Izraɛlfuɛ'm be tuli klɔ sɔ'm be nin be nnɛn didiwlɛ lika mun be wun fɔtɔ yɛ be fa mannin Levifuɛ mun-ɔn. Ndɛ nga Anannganman kan kleli Moiz'n be niannin su sɛsɛsɛ be yoli.

Zozie 21:8 Iomraidhean Croise

Bo Bolɛ 49:5

Simeɔn nin Levi be ti kun: be sran nnyɔn'n bé bo ti kun yɛ be fa be tokofi mun be yo nzaje sa nin-ɔn.

Bo Bolɛ 49:7

Be ya tɛ sɔ'n ti, be yako. Be anwlɛn tɛ sɔ'n ti, be yako. N ´titi be nun Zakɔb i nvle'n nun, n ´yo man be osu'n, ɔ bo sanndi Izraɛl nvle'n nun.

Nyanndra Mun 16:33

Like nga be waan be ´fa si Nyanmiɛn i klun sa'n, be to guɛ i ase, sanngɛ Anannganman bɔbɔ yɛ ɔ kle i klun sa sɔ nin-ɔn.

Nyanndra Mun 18:18

Like nga be guɛ i ase be fa si Nyanmiɛn klun sa'n ɔ kwla yo man utre'n wie, ɔ kwla kpɛ sran nnyɔn bɔ be lɛ nyrun'n be nun.

Kalɛ 32:2

I sɔ ti be ko toli Moiz nin Nyanmiɛn nyrun jranfuɛ Eleazar, ɔ nin Izraɛlfuɛ'm be kwlakwla nan b'a se be kɛ:

Kalɛ 33:54

Kɛ amun ´cɛcɛ asiɛ'n nun'n, amun `tu fɔtɔ. Amun `nian kɛ amun akpasua nin amun osu-osu'm be dan'n ɔ fa ti'n su yɛ amun `yo-ɔ. Be nga be sɔnnin'n, man be lika liɛ nga amun ´man be'n ɔ cɛn, be nga b'a sɔn-man'n, man be lika liɛ nga amun ´man be'n `yo kaan. Nga fɔtɔ'n kle'n, i su yɛ amun `di-ɔ. Kɛ amún si'm be akpasua'm be fa ti'n, i su yɛ be ´nian yɛ be ´man amun asiɛ nin-ɔn.

Kalɛ 35:3

Man be tran klɔ dandan'm bé su. Asiɛ ng'ɔ mantan be lɛ'n, be ti be nnɛn'm be didiwlɛ lika, i nnɛn kanngan mun o, i nnɛn dandan mun o.

Zozie 18:6

Amun `klɛklɛ akpasua nso nga be o lɛ'n be lika'n kɛ be fa ti'n. Nan amun wa fa kle min. Kɛ ɔ ko yo sɔ'n n wa tu lika sɔ'm bé wun fɔtɔ n ´man akpasua-akpasua mun Anannganman i nyrun.

Zozie 21:3

Yɛ Izraɛlfuɛ'm be kpali klɔ wie mun, ɔ nin bé wun lɛ nnɛn didiwlɛ lika mun nan b'a fa man Levifuɛ mun kɛ Anannganman fa kannin'n sa.

Zozie 21:7

Mɛrari i awlo liɛ'm be nyannin klɔ dandan blu-nin-nnyɔn. Klɔ sɔ'm be o Ribɛn nin Gad, ɔ nin Zabilɔn be lika nun.

Zozie 21:9

Zida nin Simeɔn akpasua'n be klɔ liɛ nga be fa mannin