Zozie 21:44 - NYANMIƐN NDƐ'N 1998

⁴⁴ Anannganman man be trannin fɔuun nun be nvle'n kwlaa nun, kɛ ɔ fa boli bé nannan'm be kasiɛ'n sa. Ɔ man be yoli kwlafuɛ be kpɔfuɛ'm be kwlaa be su. Be nun kun sa ɔ'a kwla jran-man be nyrun.

Zozie 21:44 Iomraidhean Croise

2 Be Nyoliɛ 13:16

Izraɛlfuɛ'm be wanndili Zidafuɛ'm be nyrun. Nyanmiɛn yili be mannin Zidafuɛ mun.

Ezipt Lɔ Tulɛ'n 23:31

Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.

Ezipt Lɔ Tulɛ'n 33:14

Anannganman tɛli i su kɛ: «M bɔbɔ e nin wɔ e ´nanti yɛ n ´yo man a ´de wunmiɛn.»

Ezai 63:14

Anannganman i Wawɛ'n fali be ɔli wunmiɛn delɛ kɛ nnɛn bɔ be kɔ kongo'n nun lɔ'n sa.» Kɛ a dunnin mmua ɔ nvle'n nunfuɛ'm be nyrun kɛ nga sa, yɛ kɛ ɔ dunman'n ɔ fuli klanman kɛ nga sa.

Mmla'n 2:36

Kɛ ɔ fɛ i Arɔɛr b'ɔ o Arnɔn nzue ba'n i nuan'n, ɔ nin klɔ ng'ɔ o kongo nun'n lɔ lele b'ɔ ´fa ju Galaad mɛn'n nun'n, klɔ ba kun sa ɔ'a kwla jran-man e nyrun. Anannganman e Nyanmiɛn'n fali be kwlakwla mannin ye.

Mmla'n 21:10

Sɛ amun nin amun kpɔfuɛ mun amu'an ɔ alɛ kunlɛ'n, bɔ Anannganman amun Nyanmiɛn'n ɔ'a fa be ɔ'a man amun bɔ amu'an tra be lomuɛn'n,

Hébreu 4:9

I sɔ'n ti, Nyanmiɛn sran'm be wunmiɛn delɛ sakpa'n b'ɔ fa wunmiɛn nga Nyanmiɛn deli le nso su'n, ɔ tɛ o be nyrun.

Zozie 1:13

«Man amun wla kpɛn su kɛ Anannganman i sufuɛ Moiz seli amun kɛ: ‹Anannganman amun Nyanmiɛn'n fali mɛn ng'ɔ o yɛ'n mannin amun kɛ amun tran nun.›

Zozie 1:15

lele san be ´fa mɛn nga Anannganman fa man be nzue i bue kun lɔ'n. Bé wun ´jɔ be wie kɛ amun sa ka nan amu'an sa be sin mɛn nga Anannganman i sufuɛ Moiz fa mannin amun Zurdɛn'n i bue nga su'n nun.»

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.

Zozie 11:12

Zozie kwlali famiɛn nga be ju guɛli i su'n be kwlakwla. Ɔ fali be klɔ mun. Ɔ kunnin famiɛn mun nin klɔfuɛ mun kɛ Moiz b'ɔ ti Anannganman i sufuɛ'n seli be kɛ be yo'n sa.

Zozie 11:23

Wafa nga Anannganman kan kleli Moiz kɛ ɔ `fa mɛn sɔ'n, i su yɛ Zozie nian fali-ɔ. Ɔ fa cɛcɛli Izraɛl akpasua'm be kwlaa, i sin yɛ Izraɛlfuɛ'm be deli wunmiɛn alɛ kunlɛ nun-ɔn.

Zozie 11:8

Anannganman fali be wlali Izraɛlfuɛ'm bé sa nun, be kwlali be, be suli be su lele juli Sidɔn klɔ dan'n i nglo lɔ, ɔ nin Misrɛfɔt Maim lɔ, ɔ nin Mizpa kongo nun lɔ wia afiliɛ lika'n nun lɔ. Be kwlali be mlɔnmlɔn, b'a yaci-man sran ba kun sa lɛ.

Zozie 2:24

Be seli kɛ: «Nanwlɛ, Anannganman fali mɛn wunmuan sɔ'n mannin ye. Lɔ sran'm be kwlaa bé sa sin a bubu be. Be jran e nyrun-ɔn, ɔ jran-man.»

Zozie 22:4

Anannganman b'ɔ ti amun Nyanmiɛn'n i kusu man amun niaan'm b'a nyan alaje kɛ ɔ fua kleli be'n sa. Siɛn atin'n la nun, amun kwla sa amun sin kɔ mɛn nga Moiz b'ɔ ti Anannganman i sufuɛ'n fa cɛcɛli amun Zurdɛn'n i bue ng'ɔ kpɛ wia afiliɛ lɔ nun.

Zozie 22:9

Ribɛn akpasua'n, nin Gad akpasua'n, ɔ nin Manase akpasua bue'n be ɔli be nvle liɛ'n nun. Be kaleli Izraɛlfuɛ nga be o Silo lɔ'n, Kanaan mɛn'n nun lɔ. Be ɔli Galaad mɛn bɔ Anannganman man Moiz mannin be'n nun lɔ.

Zozie 23:1

Kɛ Anannganman deli Izraɛlfuɛ'm be kpɔfuɛ nga be bo sin yia be'n be kwlaa bé sa nun'n, b'ɔ man be dili alaje'n, i osu ɔ'a la nun. Zozie a yo oke.