Zozie 21:4 - NYANMIƐN NDƐ'N 1998

⁴ Levi akpasua nga bé nannan yɛlɛ Keatfuɛ mun'n, be yɛ fɔtɔ'n dun mmua tɔli be su-ɔ. Be ti akpasua nnyɔn. Kɛ be tuli fɔtɔ'n, Nyanmiɛn nyrun jranfuɛ Aarɔn i mma'm be nyannin klɔ dandan blu-nin-nsan. Klɔ sɔ'm be o Zida nin Simeɔn, ɔ nin Bɛnzamɛn mun be lika liɛ nun.

Zozie 21:4 Iomraidhean Croise

1 Be Nyoliɛ 6:39

Kɛ be tuli fɔtɔ'n, sran nga be dun mmua nyannin be lika liɛ'n yɛlɛ Aarɔn osu'n nunfuɛ mun bɔ be ti Keat akpasua sufuɛ mun'n.

Ezipt Lɔ Tulɛ'n 6:16

Levi i mma'm be nin be mma mun yɛ: Levi wuli ba nsan. Be yɛ: Gɛrsɔn, Keat, Mɛrari. Levi dili afuɛ ya afuɛ ablasan-nin-nso.

Ezipt Lɔ Tulɛ'n 6:20

Amram jali i si i niaan bla Zokebɛd, ɔ nin i be wuli ba nnyɔn. Be yɛlɛ Aarɔn nin Moiz. Ɔ dili afuɛ ya afuɛ ablasan-nin-nso.

Kalɛ 3:27

Keat yɛ ɔ ti Keatfuɛ'm be nannan nin-ɔn. Be bubuli Keatfuɛ'm be nun akpasua nnan: Amramfuɛ mun, nin Zizearfuɛ mun, nin Ebrɔnfuɛ mun, ɔ nin Iziɛlfuɛ mun.

Zozie 21:3

Yɛ Izraɛlfuɛ'm be kpali klɔ wie mun, ɔ nin bé wun lɛ nnɛn didiwlɛ lika mun nan b'a fa man Levifuɛ mun kɛ Anannganman fa kannin'n sa.

Zozie 21:5

Keat i mma nga be ka lɛ'n be nyannin klɔ dandan blu. Klɔ sɔ'm be o Efraim nin Dan, ɔ nin Manase akpasua bue'n be lika nun.

Zozie 24:33

Aarɔn i wa Eleazar kusu wuli i liɛ. Be sieli i kpɔlɛ nga be fa mɛnnin i wa Fine'n i su lɔ Efraim oka lika'n nun.