Zozie 21:1 - NYANMIƐN NDƐ'N 1998

¹ Levifuɛ'm be awlobo kpɛnngbɛn'm be wa toli Eleazar b'ɔ ti Nyanmiɛn nyrun jranfuɛ'n, ɔ nin Nɛn i wa Zozie, ɔ nin Izraɛl akpasua fanunfanun'm be awlobo kpɛnngbɛn mun

Zozie 21:1 Iomraidhean Croise

Bo Bolɛ 49:7

Be ya tɛ sɔ'n ti, be yako. Be anwlɛn tɛ sɔ'n ti, be yako. N ´titi be nun Zakɔb i nvle'n nun, n ´yo man be osu'n, ɔ bo sanndi Izraɛl nvle'n nun.

Ezipt Lɔ Tulɛ'n 6:14

Izraɛlfuɛ'm be awlobo kpɛnngbɛn'm be yɛ. Ribɛn b'ɔ ti Zakɔb i mma'm be kpɛnngbɛn'n, i mma mun yɛ: Enɔk, Pali, Ɛzrɔn, ɔ nin Karmi. Be yɛ be ti Ribɛn akpasua sufuɛ mun-ɔn.

Ezipt Lɔ Tulɛ'n 6:25

Aarɔn i wa Eleazar jali Pitiɛl i wa bla'n kun. Ɔ nin i be wuli ba kun, be flɛ i Fine. Be nga e boboli be dunman lɛ mun be yɛ be yoli Levi akpasua'n su awlobo kpɛn mun-ɔn.

Kalɛ 35:1

Moab lika kpɛtɛkplɛɛ'n nun lɔ'n, Zeriko klɔ'n i nyrun lɛ'n, Anannganman kannin ndɛ kleli Moiz. Ɔ kannin ndɛ sɔ'n Zurdɛn'n i nuan lɛ. I waan:

Kalɛ 35:8

Kɛ akpasua kun i dan fa ti'n yɛ be ´nian su cɛ be klɔ mun-ɔn. Akpasua ng'ɔ cɛnnin'n, amun mɛn i klɔ kpanngban, akpasua nga ɔ'a cɛn-man'n i liɛ nga amun man'n, man ɔ yo kaan.»

Zozie 14:1

Asiɛ nga be fa mannin Izraɛl nvle'n Kanaan mɛn'n nun lɔ mun'n yɛ: Nyanmiɛn nyrun jranfuɛ Eleazar, nin Nɛn i wa Zozie, ɔ nin awlobo kpɛnngbɛn'm be kwlaa be yɛ be fa cɛcɛli Izraɛlfuɛ'm bé ti nun ti nun-ɔn.

Zozie 17:4

Be wa toli Nyanmiɛn nyrun jranfuɛ Eleazar, nin Nɛn i wa Zozie, ɔ nin nvle'n su kpɛnngbɛn mun, nan b'a se be kɛ: «Anannganman seli Moiz kɛ ɔ `man e lika kɛ e akpasua'n su yasua mun sa .» Be niannin Anannganman i nuan su ndɛ'n su be mannin be lika kɛ yasua'm be sa.

Zozie 19:51

Eleazar b'ɔ ti Nyanmiɛn nyrun jranfuɛ'n, nin Nɛn i wa Zozie ɔ nin Izraɛl akpasua'n kwlaa be awlobo kpɛnngbɛn'm be tuli lika fanunfanun sɔ'm bé wun fɔtɔ be cɛcɛli nun Silo lɔ, Anannganman i nyrun, i tannin sua ng'ɔ yi i wun nglo nun i anuan'n nun lɛ. Kɛ be wieli lika'n i nun cɛcɛ kɛ nga sa.