Zozie 20:3 - NYANMIƐN NDƐ'N 1998

³ Sɛ amun nun wie kun sran wie bɔ nɛ́n i nyinfu yɛ ɔ kunnin i'n, ɔ `ko fia klɔ sɔ'm be nun kun su! Kɛ ɔ ´yo nan sran ng'ɔ wuli'n i klunngbɔ tufuɛ ɔ'a nyɛn-mɛn i'n ti.

Zozie 20:3 Iomraidhean Croise

2 Samiɛl 14:11

Bla'n waan: «Nannan, nian Anannganman ɔ Nyanmiɛn'n ti ta min nda man n wun nun kɛ sran ng'ɔ ti sran nga be kunnin i klunngbɔ tufuɛ'n ɔ su kun-man mín wa'n, kɛ ɔ ´yo nan min nyrɛnnɛn'n ɔ'a uka-man su'n ti.» Famiɛn waan: «N kan Nyanmiɛn, ɔ́ wa'n i ti ndrɛ bɔ kun sa su tɔ-man asiɛ wun.»

Saun Yolɛ 4:2

ɔ `kan ndɛ ng'ɔ yɛ'n kle Izraɛlfuɛ mun. I waan: «Like nga min mmla'n tannin kɛ nán be yo i mlɔnmlɔn'n, bɔ sran kun ɔ'a sunnzun-man kɛ ɔ ´yo i sɔ sa'n, bɔ ɔ'a yo'n, like ng'ɔ fata kɛ ɔ yo'n yɛ:

Kalɛ 35:12

Sɛ sran wie waan ɔ ´tu i klunngbɔ nan ɔ ´kun sran kunfuɛ'n i wie'n, man sran kunfuɛ sɔ'n ɔ ko fia lɔ, kɛ ɔ ´yo nan b'a dun-man mmua b'a kun-man sran kunfuɛ'n kwlaa nan b'a di i jɔlɛ nzrafuɛ'm be nyrun'n ti.

Kalɛ 35:19

Sɛ sran ng'ɔ ti sran nga be kunnin i'n i klunngbɔ tufuɛ'n ɔ wun sran kunfuɛ'n, man ɔ kun i.

Kalɛ 35:22

Sanngɛ sɛ sran kun su i wiengu kun bo nan ɔ wu'n, bɔ nán kɛ ɔ fuali i ti yɛ ɔ kunnin i'n, annzɛ sɛ ɔ to like wie fin i wiengu'n nan ɔ kun i'n, bɔ sanvuɛsa yɛ ɔ nyɛnnin i'n,

Hébreu 6:18

Ɔ man ndɛ ng'ɔ kannin'n nin nda ng'ɔ tali'n, like nnyɔn sɔ'n ɔ kaci-man be, ɔ bua-man ato. I sɔ'n ti'n, ɔ wla e bɔ e taloli i'n e fanngan kɛ e kplin é nyin nan e nyan like ng'ɔ sie e nyrun lɔ sieli ye'n, bɔ é wla o su kɛ e ´nyɛn i'n.

Zozie 20:4

Kɛ sran ng'ɔ kunnin sran'n ju fiawlɛ klɔ'n i anuan nun lɛ'n, ɔ `jran kɛ be siesie ndɛ lɛ'n, man ɔ kan sa ng'ɔ juli'n kle kpɛnngbɛn mun. Kɛ ɔ ko yo sɔ'n, man be mɛn i atin kɛ ɔ wlu klɔ'n nun lɔ, man be sɔ i nun.