Zozie 2:9 - NYANMIƐN NDƐ'N 1998

⁹ nan ɔ'a se be kɛ: «N si kɛ Anannganman fali mɛn nga mannin amun. Kɛ e kwlaa e ti amun ngan'n, kɛ e usu sa. Srɛ'n kun-man ye blɛblɛ.

Zozie 2:9 Iomraidhean Croise

Bo Bolɛ 35:5

Kɛ Zakɔb nin i mma'm be ´tu lɛ be kɔ'n, Nyanmiɛn man srɛ kunnin klɔ nga be mantan lɛ'n be sufuɛ mun. Ɔ man b'a kan-man be su sulɛ ndɛ.

2 Samiɛl 17:10

kpɛkuun ɔ sran'm be nun'n, ng'ɔ ti yakpafuɛ tra be ngba'n, kannzɛ man ɔ nyan anwlɛn sɛ, sanngɛ san i sa sin ´bubu i. Izraɛlfuɛ'm be kwlaa be si kɛ ɔ́ si ti safunyrɛn, nan i sa nun sran'm be kusu be ti yakpafuɛ mun.

2 Famiɛn Mun 5:15

Naaman nin i sran nga be bali'n be sali bé sin Nyanmiɛn i nuan ijɔfuɛ'n wun lɔ. Kɛ be juli lɔ'n, Naaman ko jrɛnnin i nyrun lɛ, nan ɔ'a se i kɛ: «Siɛn'n, m'an wun i wlɛ kɛ asiɛ wunmuan'n su'n, Nyanmiɛn fi nun-man lɛ san Izraɛl wa yɛ Nyanmiɛn wo-ɔ. I sɔ'n ti, n nin like kan bali kɛ n ´fa man wɔ, yɛ ɔ o yɛ'n. N ´srɛ wɔ, sɔ nun.»

2 Famiɛn Mun 7:6

Kannzu Anannganman man nganniɛn wie tɛli Sirifuɛ'm be nanmue'n nun lɔ. Nganniɛn sɔ'n ti kɛ alɛ kunfuɛ kpanngban kpa wie be kakaklolo mun, ɔ nin be nnɛn kpanngɔ'm be nganniɛn sa. Yɛ Sirifuɛ'm be seli kɛ: «Kɛlɛ, Izraɛl famiɛn'n ɔ'a ko yia Ɛtfuɛ mun nin Eziptfuɛ'm be famiɛn mun kɛ be nin ye wa kun!»

Neemi 6:16

Kɛ e kpɔfuɛ'm be kwlaa be tili'n, srɛ kunnin nvle nga be mantan lɛ'n be kwlaa. Bé nyin guali ase. Be wunnin kɛ Nyanmiɛn fanngan nun yɛ junman sɔ'n wieli-ɔ.

Ɛstɛr 8:17

Akpasua'n kwlaa nin klɔ kwlaa nga be tili famiɛn'n i ndɛ'n, Zuif nga be o be su'n, be klun jɔli. Be bo sroli, be fali aklunjuɛ sa sɔ'n yoli be cɛn be dili. Zuif'm bé wun srɛ ti, mɛn'n nun sran sunman be kacili Zuif.

Zɔb I Nyrɛnnɛn Wunlɛ 19:25

N si kɛ min ti kpɔfuɛ'n ɔ lafi-man. Asiɛ nga su wa'n, i yɛ ɔ ´jaso kasiɛn ɔ ´kan ndɛ kasiɛn nin-ɔn .

Jue Mun 112:10

Kɛ klunwifuɛ'n wun i sɔ'n, ya kun i, kɛ ɔ kɛkɛ i nuan bui'n sa, kpɛkuun i wun glɔ i. Sa nga klunwifuɛ'm be waan ɔ ´ju'n, ɔ kpɛn-man su le.

Jue Mun 115:16

Nglo lɔ lika'n ti Anannganman bɔbɔ i lika. Ɔ fali asiɛ'n kusu mannin sran mun.

Ezipt Lɔ Tulɛ'n 18:11

Siɛn liɛ'n, m'an si kɛ Anannganman ti dan tra amuɛn'm be kwlakwla. Ɔ yili i dan b'ɔ ti'n i nglo blɛ bɔ Eziptfuɛ'm be ´kle Izraɛlfuɛ'm be nyrɛnnɛn'n.»

Ezipt Lɔ Tulɛ'n 23:27

Srɛ dan kpa ´kun nvle nga be ´ti i kɛ amun su ba'n be nunfuɛ mun. N ´sanngan nvle nga amun ´wlu nun'm be nun. Amun kpɔfuɛ'm be kɔmin sin'n yɛ amun ´wun i-ɔ, afin be ´wanndi amun nyrun.

Akunndanfuɛ'n 8:12

Kannzɛ bɔ sa tɛ yofuɛ'n ɔ yo sa tɛ'n lele kpɛ ya, nan i nguan'n i sin ɔ'a kpɛ-man'n, sanngɛ n si kɛ be nga be nyin yi Nyanmiɛn'n be liɛ be lɛ muae .

Ezai 19:1

Ezipt i wun ndɛ. Amun `nian, Anannganman o nyanmiɛn ble kun b'ɔ ba luu kpa'n su, ɔ su ba Ezipt. Ezipt amuɛn'm be usu i nyrun sa tututu, yɛ Eziptfuɛ'm be wla'n ɔ bo bé wun.

Ezai 23:5

Sɛ ndɛ sɔ'n ɔ ju Ezipt lɔ'n, be ´usu kɛ Tirfuɛ'm be usuli blɛ bɔ be tili ndɛ kunngba sɔ'n sa.

Zeremi 27:5

I waan: ‹M bɔbɔ min yɛ n yili asiɛ'n nin sran mun, ɔ nin nnɛn nga be o asiɛ'n su mun-ɔn. Min fanngan nin min kwlalɛ'n be ti yɛ man n yili be-ɔ. Sɛ min waan n ´fa asiɛ'n m ´man sran wie'n, n su fa mɛn i n klun klo.

Naɔm 2:10

Be `fɛn jɛtɛ ufue'n nin sika ɔkwlɛ'n. Klɔ'n su aunnyan'n su wie-man le, afin ninnge kpakpa'm be yi klɔ'n piɛ!

Kalɛ 20:14

Kɛ be tɛ o Kadɛs lɛ'n, Moiz sunmannin sran kɛ be `ko se Edɔm famiɛn'n kɛ: «Tie ɔ niaan Izraɛlfuɛ'm be ndɛ nga be kan'n. A si afɛ'n kwlaa nga e fɛli'n.

Kalɛ 20:24

«Aarɔn su wa wu, afin ɔ su ju-man mɛn nga n ´fa man Izraɛlfuɛ mun'n i nun, yɛlɛ kɛ amún nyin a yi-man min Mɛriba nzue ti'n su lɔ.

Matthieu 20:15

?N lɛ-man atin kɛ n ´fa like ng'ɔ ti n liɛ'n n ´yo like nga n klo'n? ?Nguɛ ti yɛ n klun-ufue bɔ n yo'n, ɔ yo wɔ ya-a?› » Yɛ Jésus seli kɛ:

Mmla'n 11:25

Sran fi su kwla jran-man amun nyrun. Lika kwlaa nga amun ´kɔ lɛ'n, Anannganman amun Nyanmiɛn'n ɔ ´yo man be ´sro amun yɛ be ´usu amun nyrun kɛ ɔ kan kleli amun'n sa.

Mmla'n 2:25

Kɛ ɔ fin ndɛ'n, n wa yo man asiɛ wunmuan'n su nvle'm be nunfuɛ'm be kwlaa be ´sro amun. Kɛ be ti amun ngan'n, be ´usu, be wla'n ´bo.»

Mmla'n 28:10

Kɛ mɛn'n nun nvle'm be ´wun kɛ Anannganman i dunman'n yɛ ɔ o amún su'n, kpɛkuun be ´sa amun nyan.

Mmla'n 32:8

Kɛ Nyanmiɛn b'ɔ o like kwlakwla ti su'n ɔ cɛcɛli asiɛ'n nun mannin nvle-nvle mun'n, ɔ klekleli be awɛ mun tɔuun . Ɔ niannin Izraɛlfuɛ'm be nuan'n su yɛ ɔ fa cɛcɛli be-ɔ.

Hébreu 11:31

Nyanmiɛn su bɔ Raab b'ɔ ti tekle bla'n lafi'n ti yɛ kɛ be bɔ bé nyin yi-man Nyanmiɛn'n be wuli'n ɔ'a wu-man wie nin-ɔn, yɛlɛ kɛ be nga be ɔli be mɛn'n i kpla nianlɛ'n, ɔ sikeli be kpa .

Zozie 2:11

Kɛ e tili i sɔ nganniɛn'n, ayrɛ guali e wun. E kwlaa e wawɛ'n wanndili e wun. Nanwlɛ Anannganman amun Nyanmiɛn yɛ ɔ ti nglo lɔ nin asiɛ'n su wa Famiɛn nin-ɔn .

Zozie 2:24

Be seli kɛ: «Nanwlɛ, Anannganman fali mɛn wunmuan sɔ'n mannin ye. Lɔ sran'm be kwlaa bé sa sin a bubu be. Be jran e nyrun-ɔn, ɔ jran-man.»

Zozie 2:8

Raab kusu, ka nan i aofuɛ'm b'a la'n, ɔ fuli bé sin lɔ

Zozie 5:1

Kɛ Amɔrfuɛ nga be o Zurdɛn i bue kun lɔ'n nin Kanaanfuɛ nga be o be liɛ jenvie nga be flɛ i Mediterane i nuan'n, be famiɛn'm be tili i kɛ Anannganman jrannin Zurdɛn'n nan ɔ mannin Izraɛlfuɛ'm be atin be kpɛli'n, be wawɛ'n wanndili bé wun. B'a nyan-man anwlɛn kun kɛ be nin Izraɛlfuɛ'm be ´jran be ´kun alɛ.

Zozie 6:2

Anannganman seli Zozie kɛ: «Nian, m'an fa Zeriko nin i famiɛn'n, ɔ nin i sonja mun m'an man wɔ.

Zozie 9:10

ɔ nin sa ng'ɔ fa wlali Amɔr famiɛn nnyɔn nga be o Zurdɛn i bue kun lɔ'n be nun'n: Siɔn b'ɔ ti Ɛsbɔn famiɛn'n, ɔ nin Ɔg b'ɔ ti Bazan famiɛn ng'ɔ tran Astarɔt lɔ'n.

Zozie 9:24

Be tɛli i su kɛ: «Sa ti bɔ e yoli sɔ'n yɛlɛ kɛ e tili i kɛ Anannganman ɔ Nyanmiɛn'n ɔ seli i sufuɛ Moiz kɛ ɔ ´fa mɛn nga kwlaa man amun. E tili i ekun kɛ, sɛ amun ba'n, amun wa nunnun mɛn nga nunfuɛ'm be kwlaa. Kɛ e tili i sɔ'n, srɛ dan kpa kunnin ye amun wun. Kɛ ɔ kɔ yo nan y'a nyan nguan'n ti yɛ e yoli sɔ-ɔ.

Zozie 9:9

Be tɛli i su kɛ: «Nannan, e fin mɛn mmua kpa kun nun. Sa nga ti bɔ e ba'n, yɛlɛ Anannganman ɔ Nyanmiɛn i ngan bɔ e tili'n. E tili atrɛ ng'ɔ yili i Ezipt lɔ'n,

Jɔlɛ Difuɛ Mun 7:14

Yɛ i wiengu'n seli i kɛ: «Zɔas i wa Zedeɔn b'ɔ ti Izraɛlfuɛ'n, i tokofi'n su laliɛ cɛ yɛ a cɛnnin i lɛ-ɔ. Nán like uflɛ fi-ɔ. Nyanmiɛn ɔ'a yi Madianfuɛ mun be nin be nanmue kwlaa ɔ'a mɛn i.»