Zozie 2:24 - NYANMIƐN NDƐ'N 1998

²⁴ Be seli kɛ: «Nanwlɛ, Anannganman fali mɛn wunmuan sɔ'n mannin ye. Lɔ sran'm be kwlaa bé sa sin a bubu be. Be jran e nyrun-ɔn, ɔ jran-man.»

Zozie 2:24 Iomraidhean Croise

Ezipt Lɔ Tulɛ'n 15:15

Srɛ'n kun Edɔm lɔ kpɛnngbɛn mun kpo. Srɛ b'ɔ kun Moab sran dandan mun'n ti'n, be usu sa tututu. Kanaanfuɛ'm be kwlaa bé wla'n boli bé wun mlɔnmlɔnmlɔn.

Ezipt Lɔ Tulɛ'n 23:31

Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.

Nyanndra Mun 25:13

Sɛ a sunman sran nan ɔ nian like nga a sunmɛnnin i kɛ ɔ yo su yo i kpa'n, ɔ klun jɔ kɛ wawa blɛ nun nan w'a nyan nzue flɔlɔ kpa w'a nɔn sa.

Zozie 1:8

Mmla ng'ɔ ti klɛwa fluwa nga nun'n, kan flan nun. Bu i akunndan wia su nin kɔnguɛ, kɛ ɔ ´yo nan w'a fa su sɛsɛsɛ'n ti. Sɛ a yo sɔ'n yɛ like nga a yo'n ɔ ´yo ye-ɔ.

Zozie 2:23

Yɛ yasua nnyɔn'm be fin be fiawlɛ nun kpɔlɛ'n su lɔ jrali-ɔ. Be ko kpɛli Zurdɛn'n nan b'a sa be sin Zozie wun lɔ. Be boli jasin'n kwlaa kleli Zozie.

Zozie 5:1

Kɛ Amɔrfuɛ nga be o Zurdɛn i bue kun lɔ'n nin Kanaanfuɛ nga be o be liɛ jenvie nga be flɛ i Mediterane i nuan'n, be famiɛn'm be tili i kɛ Anannganman jrannin Zurdɛn'n nan ɔ mannin Izraɛlfuɛ'm be atin be kpɛli'n, be wawɛ'n wanndili bé wun. B'a nyan-man anwlɛn kun kɛ be nin Izraɛlfuɛ'm be ´jran be ´kun alɛ.

Zozie 6:2

Anannganman seli Zozie kɛ: «Nian, m'an fa Zeriko nin i famiɛn'n, ɔ nin i sonja mun m'an man wɔ.

Zozie 8:1

Anannganman seli Zozie kɛ: «Nán srɛ kun wɔ, nán ɔ klun titi wɔ. A nin wɔ alɛ kunfuɛ'm be kwlaa amun nin Aifuɛ'm be `ko kun. Nian, Ai famiɛn nin i sran mun, nin i klɔ'n nin i nvle'n, n fa be wlali ɔ sa nun.

Jɔlɛ Difuɛ Mun 1:2

Yɛ Anannganman tɛli be su kɛ: «Zida akpasua'n su sran mun-ɔn. M'an fa nvle sɔ'n m'an wla bé sa nun.»

Jɔlɛ Difuɛ Mun 18:10

Sɛ amun ju lɔ'n, amun wa wun kɛ be bu-man akunndan kɛ sran wie ɔ wa fa alɛ wla bé sin cɛn wie le. Lika'n ti tɛtrɛ. Like kwlaa nga sran kun kwla miɛn i wun'n, be nyɛn i lɔ. Nyanmiɛn kusu yili lika sɔ'n mannin amun.»

Jɔlɛ Difuɛ Mun 7:9

Kɔnguɛ'n, Anannganman seli Zedeɔn kɛ: «Jaso, ko utu Madianfuɛ'm be nanmue'n, afin m'an yi i m'an man wɔ.