Zozie 2:19 - NYANMIƐN NDƐ'N 1998

¹⁹ Sɛ be nun wie fin awlo'n nun fite nan be kun i-ɔ, i bɔbɔ yɛ ɔ kunnin i wun-ɔn, nán e yɛ e yoli-ɔ. Sanngɛ be kwlaa nga be nin wɔ be o wɔ awlo nun'n, sɛ be kun be'n, man i sannzan'n tɔ e su.

Zozie 2:19 Iomraidhean Croise

2 Samiɛl 1:16

David seli i kɛ: «Ɔ wie'n fin ɔ bɔbɔ, afin ɔ fin ɔ́ nuan fiteli kɛ a kunnin Anannganman i sran ng'ɔ sieli i famiɛn'n, ɔ bɔbɔ yɛ a buli ɔ wun fɔ-ɔ.»

2 Samiɛl 4:11

?Yɛ a ´se kɛ sran tɛfuɛ'n bɔ b'a ko wlu sran kpa kun i sua'n nun b'a kun i i bɛ'n su'n, yɛ n su man-man be sran kunlɛ'n i nuan like-ɔ? N ´yo man amun su tran-man mɛn'n nun kun.»

1 Famiɛn Mun 2:32

Anannganman man Nɛr i wa Abnɛr b'ɔ ti Izraɛl sonja'm be su kpɛnngbɛn'n, ɔ nin Zetɛr i wa Amaza b'ɔ ti Zida sonja'm bé su kpɛnngbɛn'n bé wie ndɛ'n ɔ ´kɛ i su. Kɛ ɔ ´kun be'n, min si David ɔ'a wun-man nun. Be ti sran nanwlɛfuɛ mun, yɛ be kpa tra Zoab bɔbɔ lele.

Ezipt Lɔ Tulɛ'n 12:13

Mmoja b'ɔ o sua nga an tran be nun'n be anuan'm be su'n ti nzɔliɛ. Kɛ n ´wun mmoja'n, n ´tu tra amun, kpɛkuun kɛ n ´fa nyrɛnnɛn n yi i Eziptfuɛ'm bé su'n, ɔ su ju-man amún su wie .

Ezipt Lɔ Tulɛ'n 12:22

Amun `fa waka nga be flɛ i izɔp'n i sama nin i su nnya'n, amun `fa bo nnɛn mmoja b'ɔ o kpongbo nun'n i nun, amun `fa mmoja'n be klikli i anuan'n i kadri i bue nnyɔn'm bé su, ɔ nin anuan'n i ti su nglo. Kɛ ɔ fɛ i blɛ sɔ nun'n lele bɔ aliɛ'n ´fa cɛn'n, nán sran fi fite gua'n su kun.

Ezipt Lɔ Tulɛ'n 12:23

Anannganman wa sinsin Ezipt mɛn'n nun, ɔ ´kle Eziptfuɛ'm be nyrɛnnɛn. Sɛ ɔ wun mmoja'n anuan'n i kadri i bue nnyɔn'm bé su, ɔ nin anuan'n i ti su nglo'n, ɔ ´sin, yɛ ɔ man like sacifuɛ'n su wlu-man amún sua'm be nun kɛ ɔ saci like.

Saun Yolɛ 20:11

Sɛ sran kun kunndɛ i si i yi'm be nun kun'n, ɔ ti i si'n i sokpalɛ. Ɔ fata kɛ be kun be nnyɔn'n bɔ be yoli sa'n. Be bɔbɔ yɛ be kunndɛli bé wie nin-ɔn.

Saun Yolɛ 20:9

Sɛ sran kun bo i si nin i nin be sannzan'n, ɔ fata kɛ be kun i. I bɔbɔ yɛ ɔ kunnin i wun-ɔn, afin ɔ wuali i si nin i nin be amuɛn.

Matthieu 24:17

Yɛ sran ng'ɔ o sua ti gbagblagba'n su'n, kɛ ɔ jra'n, nán man ɔ ko fa like sua lɔ.

Sa nga bé yôli'n 18:6

Kɛ Zuif'm be kpalo i ndɛ'n bɔ be ´kpɛ i nzowa'n, ɔ kpukpuli i tralɛ'n nun, ɔ seli be kɛ: «Sɛ an mlin'n, amun bɔbɔ amun ndɛ-ɔ. Min ndɛ nun-man nun! Kɛ ɔ fin ndɛ'n, n ´kɔ be bɔ be ti-man Zuif'n be sin.»

Sa nga bé yôli'n 20:26

I sɔ'n ti, ndɛkɛn n ´kan kle amun kpa kɛ amun nun sran ng'ɔ mlin'n, i bɔbɔ ndɛ-ɔ, min ndɛ nun-man nun.

Sa nga bé yôli'n 27:31

Yɛ Pɔl seli sonja ya su kpɛn'n nin sonja'm be kɛ: «Sɛ sran nga'm b'a tran-man mmeli nun'n, an su fite-man nun.»

Hébreu 10:29

?Sɛ ɔ ti sɔ'n, be nga be yo Nyanmiɛn Wa'n i finfin'n, bɔ be bu-man aenguɛ nga Nyanmiɛn waan ɔ nin sran'm be ´tra i wa'n i mmoja b'ɔ man bé wun sa'n wie'n i like fi'n, bɔ be kpɛ Nyanmiɛn Wawɛ'n b'ɔ yo sran ye'n i nzowa'n, an bu be liɛ'n sɛ? Be liɛ'n ´yo tɛ tra su .

Zozie 2:12

I sɔ'n ti, amun `ta nda Anannganman nyrun kɛ ye nga n yoli amun'n, amun kusu amun ´fa yo min nin min awlofuɛ mun e wie. Amun `kle min nzɔliɛ kun bɔ n kwla lafi su.

Zozie 2:14

Yɛ be tɛli i su kɛ: «Ndɛ nga a kɛnnin i lɛ'n e ´nian su. Sɛ ɔ ti wulɛ bɔbɔ yɛ ɔ fata kɛ e wu'n, e ´wu, se w'a bo-man e wa balɛ'n su w'a di-man jɔlɛ'n. I sɔ'n ti, kɛ Anannganman ko fa mɛn nga ko man ye'n, e ´yo wɔ kpa.»

Zozie 2:20

Sɛ kusu a bo e wa balɛ'n i jɔ sin'n, nda nga e tali'n, wuun e tɛli i ngbɛn, e su di-man su.»