Zozie 2:12 - NYANMIƐN NDƐ'N 1998

¹² I sɔ'n ti, amun `ta nda Anannganman nyrun kɛ ye nga n yoli amun'n, amun kusu amun ´fa yo min nin min awlofuɛ mun e wie. Amun `kle min nzɔliɛ kun bɔ n kwla lafi su.

Zozie 2:12 Iomraidhean Croise

Bo Bolɛ 21:23

I sɔ'n ti, fa Nyanmiɛn dunman'n fua kle min ndɛ kɛ a su yo-man m bɔbɔ annzɛ min mma mun, annzɛ min anunman mun e tɛ, nan kpa nga n fa yoli wɔ'n, a ´nian su yo min nin mín mɛn nga a o nun yɛ'n e wie.»

Bo Bolɛ 24:3

nan fa Anannganman b'ɔ ti nglo nin asiɛ'n be Nyanmiɛn'n i dunman ta min nda kɛ a su ja-man Kanaanfuɛ nga e nin be tran wa yɛ'n bé sa nun bla a su man-man mín wa'n.

Bo Bolɛ 24:9

Yɛ Abraam i sufuɛ'n fɛli i sa'n wlɛli i min Abraam i sɔwa'n bo-ɔ nan ɔ'a tɛ i nda kɛ ɔ ´yo nga Abraam kannin'n.

Bo Bolɛ 40:14

Sanngɛ n ´srɛ wɔ kpa ti-ɔ, cɛn nga be yi wɔ bɔ a ´di alaje'n, nán ɔ́ wla fi min. Yo min ye, kan min ndɛ kle Ezipt famiɛn'n. Yo man n fin sua nga nun wa n fite.

2 Be Nyoliɛ 36:13

Famiɛn Nɛbikadnɛzar man ɔ tali nda Anannganman nyrun, sanngɛ ɔ jasoli Nɛbikadnɛzar wun, ɔ keteli i anwlɛn'n, ɔ'a kplin-man su mlɔnmlɔn kɛ ɔ ´sɛ i sin Anannganman b'ɔ ti Izraɛl Nyanmiɛn'n sin.

Ɛstɛr 8:6

Afin n tran lɛ sa n nian nyrɛnnɛn ng'ɔ wa tɔ min nvle'n su nin-ɔn, ɔ yo-man ye. Kɛ be ´nunnun be nga e nin be e mmoja'n ti kun'n min nyrun lɛ sa'n, ɔ ti kekle man min.»

Ezipt Lɔ Tulɛ'n 12:13

Mmoja b'ɔ o sua nga an tran be nun'n be anuan'm be su'n ti nzɔliɛ. Kɛ n ´wun mmoja'n, n ´tu tra amun, kpɛkuun kɛ n ´fa nyrɛnnɛn n yi i Eziptfuɛ'm bé su'n, ɔ su ju-man amún su wie .

Zeremi 12:16

Laa, be kleli min nvlefuɛ mun kɛ be `fa Baal dunman'n be ta nda, sanngɛ sɛ be suan min nvlefuɛ'm be nantilɛ'n nan sɛ be fa min dunman'n be ta nda be se kɛ: ‹N kan Anannganman'n, n ´fa be n ´sie i min nvlefuɛ'm be nun.

Marc 14:44

Zidas b'ɔ fɛli i mannin sran mun'n, ɔ kleli be nzɔliɛ kun kɛ: «Sran nga n to ń sa yi i kɔmin'n, wuun i-ɔ, an `trɛ fɛ i wɔ, an `niɛn i su kpa.»

Rɔmfuɛ Mun 1:31

be wun-man sa wlɛ, sa nga be se kɛ be `yo'n, be yo-man, be klo-man be osufuɛ mun bɔbɔ, yɛ sran yo-man be annvɔ.

1 Timote 5:8

Sran ng'ɔ niɛn-mɛn i fuɛ'm be lika'n ɔ ti tɛ, nga b'ɔ ti tɛ'n tra su'n yɛlɛ sran ng'ɔ niɛn-mɛn i bɔbɔ i awlo'n i lika'n, ɔ ti-man Nyanmiɛn sufuɛ, i tɛ liɛ'n tra sran ng'ɔ lafi-man Krist su'n.

Jacques 2:13

Afin kɛ Nyanmiɛn ´di be nga be si-man sran aunnvuɛ'n be jɔlɛ'n, ɔ su si-man be aunnvuɛ. Sɛ aunnvuɛ silɛ'n nin fɔ bulɛ'n be ti sran'n, wuun aunnvuɛ silɛ'n kwla fɔ bulɛ'n.

Zozie 2:13

Amun `ta min nda kɛ amun ko kun-man mín si ɔ nin mín nin, nin min niaan mun ɔ nin bé sa nun sran mun.»

Zozie 2:18

kɛ a wun i kɛ y'a kpɛn amun mɛn'n nun wa'n, fa nyanman ɔkwlɛ nga cici fenɛtri nga a jra e nun yɛ'n nun. Kpɛkuun man ɔ́ si nin ɔ́ nin, nin ɔ niaan mun, ɔ nin ɔ osufuɛ'm be kwlaa be wa tran wɔ awlo wa.

Zozie 2:19

Sɛ be nun wie fin awlo'n nun fite nan be kun i-ɔ, i bɔbɔ yɛ ɔ kunnin i wun-ɔn, nán e yɛ e yoli-ɔ. Sanngɛ be kwlaa nga be nin wɔ be o wɔ awlo nun'n, sɛ be kun be'n, man i sannzan'n tɔ e su.

Zozie 6:22

Zozie seli sran nnyɔn nga be ko kplali klɔ'n be kɛ: «Amun `wɔ tekle bla'n i awlo lɔ nan amun man ɔ nin i awlofuɛ'm be fite kɛ amun fua kleli i'n sa.»

Zozie 9:15

Yɛ Zozie nin be trali aenguɛ-ɔ, b'ɔ kle kɛ be ko kun-man be. Kpɛnngbɛn'm be kusu be tali be nda sɔ wie.

Jɔlɛ Difuɛ Mun 1:24

Sran sɔ'm be ´nian-an, bian kun fin klɔ nun lɔ su fite. Be seli i kɛ: «Kle ye kan be sin bɔ be wlu klɔ'n nun lɔ'n. Sɛ a kle ye'n, e ´yaci ɔ nun.»

1 Samiɛl 30:15

David seli i kɛ: «Yaci ko kle ye kan alɛ kunfuɛ sɔ'm be o'n.» Yɛ Eziptfuɛ'n seli i kɛ: «Sɛ a ta min nda Nyanmiɛn dunman nun kɛ a su kun-man min'n nan a su fa-man min ko wlɛ-mɛn min min i sa nun'n, n ´ko kle wɔ kan be o'n.»