Zozie 2:11 - NYANMIƐN NDƐ'N 1998

¹¹ Kɛ e tili i sɔ nganniɛn'n, ayrɛ guali e wun. E kwlaa e wawɛ'n wanndili e wun. Nanwlɛ Anannganman amun Nyanmiɛn yɛ ɔ ti nglo lɔ nin asiɛ'n su wa Famiɛn nin-ɔn .

Zozie 2:11 Iomraidhean Croise

1 Famiɛn Mun 8:60

Kɛ ɔ ´yo sɔ'n, asiɛ'n su nvle-nvle'm be nunfuɛ'm be kwlaa be wa wun kɛ Anannganman yɛ ɔ ti Nyanmiɛn nin-ɔn, nan like uflɛ fi nun-mɛn i sin.

2 Famiɛn Mun 5:15

Naaman nin i sran nga be bali'n be sali bé sin Nyanmiɛn i nuan ijɔfuɛ'n wun lɔ. Kɛ be juli lɔ'n, Naaman ko jrɛnnin i nyrun lɛ, nan ɔ'a se i kɛ: «Siɛn'n, m'an wun i wlɛ kɛ asiɛ wunmuan'n su'n, Nyanmiɛn fi nun-man lɛ san Izraɛl wa yɛ Nyanmiɛn wo-ɔ. I sɔ'n ti, n nin like kan bali kɛ n ´fa man wɔ, yɛ ɔ o yɛ'n. N ´srɛ wɔ, sɔ nun.»

Neemi 6:16

Kɛ e kpɔfuɛ'm be kwlaa be tili'n, srɛ kunnin nvle nga be mantan lɛ'n be kwlaa. Bé nyin guali ase. Be wunnin kɛ Nyanmiɛn fanngan nun yɛ junman sɔ'n wieli-ɔ.

Ɛstɛr 8:17

Akpasua'n kwlaa nin klɔ kwlaa nga be tili famiɛn'n i ndɛ'n, Zuif nga be o be su'n, be klun jɔli. Be bo sroli, be fali aklunjuɛ sa sɔ'n yoli be cɛn be dili. Zuif'm bé wun srɛ ti, mɛn'n nun sran sunman be kacili Zuif.

Jue Mun 102:15

Afin e bɔ e ti ɔ sufuɛ mun'n, Siɔn lɔ yɛbuɛ'm be yo e klanman, e klo i osu-osu ng'ɔ ka lɛ'n.

Jue Mun 22:14

Be trɛ bé nuan'n nun be kpan kɛ asɔmɔli bɔ i waan ɔ ´di nnɛn'n sa. Be waan be ´di min.

Jue Mun 58:7

Nyanmiɛn, bubu be je'n bé nuan'n nun, min Min, be asɔmɔli je sɔ'n, bubu be.

Jue Mun 83:18

Man bé nyin gua ase, man srɛ kun be sa tititi, man bé wla bo bé wun, man be yo kokloo!

Ezipt Lɔ Tulɛ'n 15:14

Kɛ nvlefuɛ nga be mantan lɛ'n be ti jasin sɔ'n, bé wun usu be. Srɛ dan kpa kun Filistifuɛ mun.

Ezipt Lɔ Tulɛ'n 15:15

Srɛ'n kun Edɔm lɔ kpɛnngbɛn mun kpo. Srɛ b'ɔ kun Moab sran dandan mun'n ti'n, be usu sa tututu. Kanaanfuɛ'm be kwlaa bé wla'n boli bé wun mlɔnmlɔnmlɔn.

Ezai 13:7

I sɔ'n ti sran'm bé sa'm be kwlaa b'a glɔ bé wun. Yɛ be kwlaa bé sa sin ɔ'a bubu be.

Ezai 19:1

Ezipt i wun ndɛ. Amun `nian, Anannganman o nyanmiɛn ble kun b'ɔ ba luu kpa'n su, ɔ su ba Ezipt. Ezipt amuɛn'm be usu i nyrun sa tututu, yɛ Eziptfuɛ'm be wla'n ɔ bo bé wun.

Ezekiɛl 21:15

Sran'm be sacilɛ ti yɛ be sili i nnana sɔ nin-ɔn. Be sili i nnana kɛ be ´toto nan ɔ bo mianmianmian.

Naɔm 2:10

Be `fɛn jɛtɛ ufue'n nin sika ɔkwlɛ'n. Klɔ'n su aunnyan'n su wie-man le, afin ninnge kpakpa'm be yi klɔ'n piɛ!

Mmla'n 1:28

?Ninfan cɛ yɛ e ´sin bɔ e ´kpɛn lɔ-ɔ?› E niaan'm be bubuli é sa sin. Be waan: ‹Lɔ sran'm be tɛnndɛn tra ye, yɛ be lɛ wunmiɛn tra ye. Be klɔ'm be ti dandan, talɛ ng'ɔ si klɔ sɔ'm bé wun'n be ti nglo-nglo kpa, be to nyanmiɛn'n lɔ. Yɛ e wunnin Anak i anunman'm bɔ be ti sran blamiɛn'n be lɔ wie bɔbɔ.› »

Mmla'n 20:8

Man alɛ su kpɛnngbɛn'm be usa ekun kɛ: «?Wan yɛ srɛ kun i-ɔ? ?Yɛ wan yɛ i klun titi i-ɔ? Man ɔ sɛ i sin ɔ wɔ i awlo, nán man ɔ bubu i wiengu'm bé sa sin.»

Mmla'n 4:39

I sɔ'n ti, man amun wun i wlɛ ndɛkɛn, yɛ man ɔ tran amun akunndan nun titi kɛ Anannganman kunngba yɛ ɔ ti Nyanmiɛn nin-ɔn, man amun wun i wlɛ kɛ nyanmiɛn su lɔ o, asiɛ'n su wa o, like fi nin i sɛ-man.

Zozie 14:8

Sran nga be nin min ɔli'n, be bubuli nzrafuɛ'm bé sa sin, sanngɛ n liɛ'n, n nantili Anannganman i atin'n su kɛ ɔ fata'n sa.

Zozie 2:24

Be seli kɛ: «Nanwlɛ, Anannganman fali mɛn wunmuan sɔ'n mannin ye. Lɔ sran'm be kwlaa bé sa sin a bubu be. Be jran e nyrun-ɔn, ɔ jran-man.»

Zozie 5:1

Kɛ Amɔrfuɛ nga be o Zurdɛn i bue kun lɔ'n nin Kanaanfuɛ nga be o be liɛ jenvie nga be flɛ i Mediterane i nuan'n, be famiɛn'm be tili i kɛ Anannganman jrannin Zurdɛn'n nan ɔ mannin Izraɛlfuɛ'm be atin be kpɛli'n, be wawɛ'n wanndili bé wun. B'a nyan-man anwlɛn kun kɛ be nin Izraɛlfuɛ'm be ´jran be ´kun alɛ.

Zozie 7:5

Aifuɛ'n be kunnin be nun sran kɔe ablasan-nin-nsiɛn, be su be nga'm be su be klɔ'n i anuan nun lele ko guɛli i Sɛbarim ndroliɛ'n nun. Izraɛlfuɛ'm bé sa sin bubuli be kpa, srɛ kunnin be.

Zozie 9:24

Be tɛli i su kɛ: «Sa ti bɔ e yoli sɔ'n yɛlɛ kɛ e tili i kɛ Anannganman ɔ Nyanmiɛn'n ɔ seli i sufuɛ Moiz kɛ ɔ ´fa mɛn nga kwlaa man amun. E tili i ekun kɛ, sɛ amun ba'n, amun wa nunnun mɛn nga nunfuɛ'm be kwlaa. Kɛ e tili i sɔ'n, srɛ dan kpa kunnin ye amun wun. Kɛ ɔ kɔ yo nan y'a nyan nguan'n ti yɛ e yoli sɔ-ɔ.

Sa nglô yile 6:16

Be se oka nin yɛbuɛ dandan'm be kɛ: «An `tɔ e su, an `fa e fia nan sran ng'ɔ ti bia'n su'n ɔ'a wun-man ye, an `fa e fia nan Bua Gbanflɛn'n ɔ'a fa-man é wun ya .