Zozie 19:10 - NYANMIƐN NDƐ'N 1998

¹⁰ Lika'n i nsan su nga be tuli i wun fɔtɔ'n yoli Zabilɔnfuɛ'm be liɛ. Lika sɔ'n i ngua lɔ awɛ'n ju Sarid.

Zozie 19:10 Iomraidhean Croise

Bo Bolɛ 35:23

Ɔ nin Lea be liɛ kpɛnngbɛn'n yɛlɛ Ribɛn, i sin liɛ mun yɛlɛ Simeɔn, nin Levi, nin Zida, nin Isakar, yɛ Zabilɔn.

Bo Bolɛ 49:13

Zabilɔn liɛ'n ɔ ´tran jenvie'n nuan, kan mmeli'm be si lɛ'n yɛ ɔ tran-an. I lika'n ɔ ´kɔ lele ju Sidɔn.

Ezekiɛl 48:26

Isakar wun lɛ'n, Zabilɔn liɛ yɛ ɔ o lɛ-ɔ,

Zozie 18:11

Lika klikli nga be tuli i wun fɔtɔ'n yɛlɛ Bɛnzamɛn akpasua i liɛ'n. Lika sɔ'n wo Zida nin Zozɛf osu'n be liɛ'n i afiɛn.

Zozie 18:6

Amun `klɛklɛ akpasua nso nga be o lɛ'n be lika'n kɛ be fa ti'n. Nan amun wa fa kle min. Kɛ ɔ ko yo sɔ'n n wa tu lika sɔ'm bé wun fɔtɔ n ´man akpasua-akpasua mun Anannganman i nyrun.

Zozie 19:11

Kɛ ɔ fɛ lɛ'n ɔ fu kɔ wia atɔliɛ lɔ lika nun lele ju Mareala. Ɔ fɛ lɛ ju Dabesɛt, kpɛkuun ɔ ko to nzue ba ng'ɔ sonji Zɔkneam nyrun lɛ'n.

Zozie 19:9

Zidafuɛ'm be lika liɛ'n wie yɛ be fa mannin Simeɔn akpasua su sran mun-ɔn, afin Zidafuɛ'm be lika nga be nyɛnnin i'n ti dan ngboko. I ti yɛ Simeɔn lika'n wo Zida liɛ'n i klun nin-ɔn.