Zozie 18:8 - NYANMIƐN NDƐ'N 1998

⁸ Sran nga be kpali be kɛ be ko nian lika'n be tanndannin bé wun. Kwlaa nan b'a wɔ'n, Zozie seli be kɛ: «Amun wɔ nan amun `wlan lika'n nun, amun `sie lika'm be nzɔliɛ, nan amun `wa yiyi nun kle min. Anannganman i nyrun Silo wa, n ´tu lika akpasua'n kwlaa bé wun fɔtɔ n ´fa cɛcɛ amun.»

Zozie 18:8 Iomraidhean Croise

Bo Bolɛ 13:17

Jaso, ko kpla lika sɔ'n i tɛnndɛn nun'n nin i ngbinngbin nun'n nian, afin n ´fa man wɔ.»

Ezai 34:17

Anannganman bɔbɔ yɛ ɔ tuli fɔtɔ fa cɛcɛli lika nun-ɔn. Ɔ fɛli i nyanman'n fa sunnzunnin mannin be bé ti nun ti nun. Ɔ ´yo be liɛ tititi. Ɔ ´yo be tranwlɛ blɛ'n kwlaa nun.

Rɔmfuɛ Mun 14:19

I sɔ'n ti'n, man e yo sa ng'ɔ jɔ e wiengu klun b'ɔ man e kwlaa e ´yo kpa'n.

Zozie 13:7

Yɛ cɛcɛ nun man akpasua ngwlan nin Manase akpasua bue nga be nian nyan-man lika'n wie'n.»

Zozie 15:1

Lika nga be tuli i wun fɔtɔ be mannin Zida akpasua'n i awlobo-awlobo mun'n, i ngua, wia afiliɛ lɔ lika nun'n, ɔ nin Edɔm nvle'n be yia. Zin aawlɛ flɛnnɛn'n wo i ngua lɔ.

Zozie 18:1

Kɛ Izraɛlfuɛ'm be fali mɛn'n, be ko yiali Silo lɔ, nan b'a kplan sua nga Anannganman yi i wun nglo nun'n.

Zozie 18:10

Zozie tuli lika sɔ'm bé wun fɔtɔ Anannganman nyrun nan ɔ'a fa cɛcɛ Izraɛlfuɛ mun. Ɔ fa cɛcɛli akpasua'n kwlaa bé ti nun ti nun.

Zozie 18:6

Amun `klɛklɛ akpasua nso nga be o lɛ'n be lika'n kɛ be fa ti'n. Nan amun wa fa kle min. Kɛ ɔ ko yo sɔ'n n wa tu lika sɔ'm bé wun fɔtɔ n ´man akpasua-akpasua mun Anannganman i nyrun.

Zozie 18:9

Sran sɔ'm be wlannin mɛn'n nun, be cɛli lika'n nun akpasua nso. Be klɛklɛli be awɛ mun, be klɛli klɔ'm be dunman nan b'a sa bé sin Silo, Zozie wun lɔ.

1 Samiɛl 14:41

Yɛ Sail seli Anannganman kɛ: «Izraɛlfuɛ'm be Nyanmiɛn, tɛ é su, man e wun ndɛ ng'ɔ ti nanwlɛ'n.» Kpɛkuun ɔ'a kle Zonatan nin Sail. Izraɛlfuɛ'm b'a nyan bé ti.