Zozie 17:7 - NYANMIƐN NDƐ'N 1998

⁷ Manase i lika'n fɛ i Azɛr ɔ kpɛn Mikmɛtat, Sisɛm i wia afiliɛ lɔ. Kɛ ɔ fɛ i Mikmɛtat lɛ'n, awɛ'n jra ngua lele ju An-Tapiak lɔfuɛ'm be tranwlɛ'n nun.

Zozie 17:7 Iomraidhean Croise

Bo Bolɛ 34:2

Kpɛkuun Amɔr b'ɔ ti Evfuɛ'm be kpɛnngbɛn'n i wa Sisɛm ɔ'a wun i. Ɔ trɛli i, ɔ nin i be lali kekle nun.

Bo Bolɛ 37:12

Zozɛf i niaan'm be ɔli Sisɛm lika'n nun lɔ bé si i bua nin boli'm be kankanlɛ.

Bo Bolɛ 37:14

Izraɛl waan: «Ko nian be osu sɛ be ti juejue o. Nian kɛ nnɛn'm be ti'n, nan bla wa kan kle min.» Kɛ Izraɛl ´sunman Zozɛf'n, wuun be o Ebrɔn kongo'n nun lɔ. Zozɛf juli Sisɛm tiwa lɔ.

1 Famiɛn Mun 12:1

Rɔbɔam ɔli Sisɛm. Lɔ yɛ Izraɛlfuɛ'm be kwlaa be yiali kɛ be ´sie i famiɛn nin-ɔn.

1 Famiɛn Mun 12:25

Zeroboam sili Sisɛm klɔ'n i wun talɛ Efraim oka'n su lɔ nan ɔ'a tran lɔ. I sin ɔ fɛli i lɛ ko sili Peniɛl klɔ'n i wun wie.

Jue Mun 60:6

A kle be nga be nyin yi wɔ'n be nzɔliɛ kɛ sɛ be wun i'n, be wanndi ta tofuɛ'm be nyrun.

Zozie 17:6

Manase i mma yasua nin i mma bla'm be kwlakwla be nyannin lika. Galaad kusu ti Manase i mma kun'm be liɛ.

Zozie 17:8

Lɛ lika'n ti Manase akpasua'n liɛ laa, sanngɛ be fali Tapiak klɔ'n b'ɔ o awɛ'n su'n be mannin Efraimfuɛ mun.

Zozie 20:7

Izraɛlfuɛ'm be kpali Kedɛs klɔ'n b'ɔ o Galile lɔ'n Nɛftali i oka-oka lika nun'n, ɔ nin Sisɛm klɔ'n b'ɔ o Efraim oka-oka lika nun'n, ɔ nin Kirzat-Arba bɔ be flɛ i ekun kɛ Ebrɔn'n b'ɔ o Zida oka-oka lika nun'n.

Zozie 21:21

Klɔ sɔ mun yɛlɛ Sisɛm. Ɔ ti fiawlɛ klɔ. Ɔ o oka-oka'n lika nun yɛ Gezɛr, nin

Zozie 24:1

Zozie yiali Izraɛl akpasua'm be kwlakwla Sisɛm lɔ. Ɔ flɛli kpɛnngbɛn mun, nin jɔlɛ difuɛ mun, ɔ nin Izraɛl sonja'm be kpɛnngbɛn mun nan b'a ba Nyanmiɛn nyrun.

Zozie 24:32

Izraɛlfuɛ'm be sieli Zozɛf i owie'n bɔ be fa fin Ezipt bali'n Sisɛm lɛ. Be sieli i lika nga Zakɔb toli i Amɔr ng'ɔ takali Sisɛm klɔ'n i mma'm bé sa nun jɛtɛ ufue ya'n i nun. Lika sɔ'n yoli Zozɛf i mma'm be liɛ .

Jɔlɛ Difuɛ Mun 9:1

Zedeɔn b'ɔ i suan dunman yɛlɛ Zɛribaal'n i wa Abimelɛk ɔli i nin niaan bian'm bé wun Sisɛm lɔ. Ɔ seli be ɔ nin i nin osufuɛ'm be kɛ: