Zozie 17:18 - NYANMIƐN NDƐ'N 1998

¹⁸ Oka lika ng'ɔ ti bo ngunmin lɛ'n i kwlaa ti amun liɛ. Amun `sɔn nan amun `fɛ i kwlaa. Amun `kan Kanaanfuɛ mun bé bo, kannzɛ be lɛ blalɛ kakaklolo o, kannzɛ be ti sɛ be ti sɛ o san amun ´kwla be!»

Zozie 17:18 Iomraidhean Croise

Bo Bolɛ 49:24

Sanngɛ kɛ ɔ lɛ i ta'n nun'n yɛ ɔ lɛ nun-ɔn, i sa'n ɔ'a kpɔ-man le. Zakɔb Nyanmiɛn'n i kwlalɛ'n b'ɔ lɛ i'n ti, Nyanmiɛn b'ɔ ti Izraɛl i tafuɛ kɛ be ta bua'n kpa sa'n, Nyanmiɛn b'ɔ ti kɛ Izraɛl i yɛbuɛ b'ɔ kisa su'n sa'n,

2 Samiɛl 18:6

David i sran'm be ɔli kɛ be nin Izraɛlfuɛ'm be ´ko kun. Efraim bo'n nun yɛ be kunnin-ɔn.

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

Rɔmfuɛ Mun 8:37

Kannzɛ sa sɔ'n kwlaa tɔ e su'n, Jésus b'ɔ kloli ye'n ti, e tra safunyrɛn.

Mmla'n 33:17

Zozɛf ti kpinndin-kpinndin kɛ nannin tola wie sa. Ɔ lɛ wunmiɛn kɛ awuɛ sa. I wɛ nnyɔn'n yɛ ɔ fa bo nvle mun-ɔn. Ɔ bo be kwlaa lele fa kpɛn mɛn'n i awieliɛ lɔ. I wɛ sɔ'n, kun yɛlɛ Efraim i akpasua su sran kpanngban mun. Kun kusu yɛlɛ Manase i osu nun sran kaka mun.»

Hébreu 13:6

I sɔ'n ti, e tra e anwlɛn e kan ndɛ nga be klɛli i kɛ: «E Min Nyanmiɛn'n yɛ ɔ ti n ukafuɛ-ɔ, srɛ kun-man min. ?Nzu yɛ sran kwla yo min-ɔn ?»

Zozie 13:6

lɛfuɛ'm be kwlakwla be ti Sidɔnfuɛ. I kwlakwla ng'ɔ o lɛ'n ɔ fata kɛ a fa be. Kɛ Izraɛlfuɛ'm be ´kɔ be nyrun'n, wuun n ´fuan nvle sɔ'n nunfuɛ mun n ´kɔ. Tu mɛn'n i wun fɔtɔ! Nan fa man Izraɛlfuɛ mun kɛ n kan kleli wɔ'n sa!

Zozie 15:9

Kɛ ɔ fɛ lɛ'n, ɔ bli Nɛftoak nzue ti'm bé wun lɔ, ɔ ko to klɔ nga be o Efrɔn oka'n bé wun lɔ'n, kwlaa nan ɔ'a ɔ Baala ndɛnman. Baala i dunman kun ekun yɛlɛ Kirzat-Zearim.

Zozie 17:17

Yɛ Zozie tɛli Zozɛf i mma mun nin Efraim akpasua sufuɛ ɔ nin Manase akpasua liɛ'n bé su kɛ: «Amun sɔnnin, amun lɛ fanngan kpa. I sɔ'n ti amun su nyan-man lika akpasua kunngba.

Zozie 20:7

Izraɛlfuɛ'm be kpali Kedɛs klɔ'n b'ɔ o Galile lɔ'n Nɛftali i oka-oka lika nun'n, ɔ nin Sisɛm klɔ'n b'ɔ o Efraim oka-oka lika nun'n, ɔ nin Kirzat-Arba bɔ be flɛ i ekun kɛ Ebrɔn'n b'ɔ o Zida oka-oka lika nun'n.

1 Samiɛl 1:1

Bian kun fin Zif'm be klɔ nga be flɛ i Rama'n su Efraim oka-oka lika'n nun lɔ. Be flɛ i kɛ Ɛlkana. Bian sɔ'n i si'n yɛlɛ Zɛrɔam, Zɛrɔam i si liɛ'n yɛlɛ Elii, Elii kusu i liɛ'n yɛlɛ Tɔi, yɛ Tɔi liɛ'n yɛlɛ Zif, Zif'n ti Efraimfuɛ.